Идните уметници и креативци ќе бидат дифолтно баксузи бидејќи вештачката интелигенција е сè подобра во креативни задачи. Истражувачи од универзитетот Кернел си поиграле со алатката на Микрософт за генерирање глас. Доволни им се три секунди ваш глас за потоа со него да кажат што сакаат и тоа да звучи како вие да сте го изговориле.

Од сегашните 26 долари по доза, Модерна сака да ја крене цената на својата вакцина против ковид на некои 110 до 130 долари по доза. И тоа не треба да се фати како претерување.

Откако воведе санкции, ЕУ замрзна 300 милијарди евра руски државни резерви, и милијарди од сметките на други руски богаташи. Од тогаш ЕУ нема конечен став што ќе прави со парите и додека се труди да ги пофаќа сите краеви за сите членки да бидат задоволни и да гласаат за каков било план за трошење на руските пари, Естонија веќе се подготвува сама да почне со запленување руски пари.

Братот на канадскиот премиер смета дека тој е само пион и истурен играч на глобалните господари на светскиот поредок и дека Џастин Трудо дури и не ги ни пишува своите говори и твитови. „Џастин не зборува искрено,“ вели Кајл Кемпер и загадочно додава „уцената е моќна алатка“. 

Најмалку пет луѓе загинаа во експлозија на бомба во близина на авганистанското министерство за надворешни работи во Кабул. И како ретко кога во Авганистан, зулумот не е на Талибанците.

Американската влада ја одобри за употреба првата вакцина во светот за пчели. Таа ги зголемува надежите дека имаме ефикасно оружје против една смртоносна болест која ги опустошува пчелните колонии и го пореметува опрашувањето од кое зависи храната на нашите трпези.

Црвениот јапонскиот пасош е највреден пасош на светот, ама на Јапонците како да не им е многу до патување. Само 20% од населението поседува ваков документ, а 35% од Јапонците изјавиле дека немаат намера да патуваат во странство. Црвениот македонски пасош е 44-ти на листата.  

Планот на британскиот премиер да го зголеми бројот на часови по нумеричка писменост има логика само во СССР и Кина, бидејќи во слободниот свет децата треба да бидат оставени да учат што сакаат, а не со сила да висат над задачи по математика, смета колумнистката на британски Телеграф.

Новата американска агенда за борба против климатските промени треба да отвори речиси 540.000 работни места во индустријата за соларни панели, ветерници, електрични возила и батерии. Пари има. Луѓе нема.

Некои се одушевија, некои се уплашија од умешниот соговорник базиран на вештачка интелигенција. Навистина знае да обавува разни задачи но не мора да значи дека од корен ќе ни го смени животот. Малку пошироко на таа тема, плус муабет со него околу прашањата „“Кој го продаде името и како да го вратиме?“.

Јавните училишта од образовниот дистрикт од Сиетл ги тужат ТикТок, Инстаграм, Фејсбук, Јутјуб и Снепчет сметајќи ги за одговорни за актуелната ментална криза меѓу младите. На компании како Фејсбук им било позната бељата што ја прават ама тоа го криеле од инвеститорите.

На Кина и се случија серија проблеми кои целосно ја осакатија поштенската мрежа (и приватна и државна и глобална) во земјата, на досега незамисливи начини. Едноставно во големите градови во земјата ништо никаде не мрда.

Сосема сериозен доктор и научник објавува твит дека на луѓе со природен имунитет не им е потребна вакцина бидејќи природната заштита и онака е супериорна во однос на онаа од вакцината. Човек од Фајзер веднаш се јавува „таму кај што треба“, а таму има кој да чуе па твитот добива етикета дека ги мами луѓето.

Првиот напад на Западот врз Русија се случува на почетокот од 1990-те, пред воопшто да почне ширењето на НАТО, и тоа во форма на економска депресија поттикната од САД која беше подлабока и покатастрофална од Големата депресија што го разорува САД во 1930-те, пишува професорот Џон Волш.

Австралија ги укина ограничувањата поради ковид. Во јули 2022-та ја укина задолжителната вакцинација за посетители. Во ноември ја тргна официјалната забрана за влез на Новак Ѓоковиќ. И, минатиот месец тој пристигна во Австралија, без никаков проблем. Се чини спласна хистеријата со која беше дочекан пред година дена. 

Секоја жителка на Унгарија што ќе роди дете пред 30-годишна возраст до крај на животот нема да треба да плаќа данок на приход, гласи една од мерките на унгарската влада за зголемување на наталитетот во земјата.

Плинските шпорети ги преоѓаат границите на загаден воздух во домовите и го зголемуваат ризикот децата да развијат здравствени проблеми. Нова студија вели дека готвење на плин без вентилација доведува до нивоа на азот диоксид (NO2) повисоки од упатствата на СЗО и стандардите на ЕУ.

Од Нома, ресторанот кој стана едно од обележјата на Копенхаген, проценуваат дека веќе нема пари за скапи ресторани, па решија дека најдобро ќе биде со време да ја затворат кафаната.

Швајцарската армија почна со распоредување на позициите во и околу Давос каде од 16-ти јануари ќе почне Светскиот економски форум. Годинава швајцарскиот парламент за оваа мисија го обнови одобрението за ангажирање 5.000 војници.

Се сеќавате кога американски политичари и славни фаци се преправаа дека душа ги боли заради нечовечкиот третман кон мигрантите од југот завреме на ерата на Трамп? Сега е штама по тоа прашање иако ситуацијата е иста, ако не и бетер. Да видите како изгледа Ел Пасо деновиве.

Откако две последователни години, животите главно ни ги диктираше пандемија, сега проблемите во светот се главно поврзани со Украина. Во месеците што следат, ќе мора да се справуваме со геополитичките и безбедносни реперкусии од конфликтот, да се бориме со инфлацијата, хаосот во енергетиката и да ги следиме пост-пандемиските прилики во Кина. 

За зауздување на инфлацијата која е надвисната над европската економија една од најважните мерки е да не се дозволи сите да почнат брзо да ги креваат платите, бидејќи после нема назад, предупредува директорката на Европската централна банка.

Илјадници симпатизери на Болсонаро и понатаму незадоволни од победата на Лула и почетокот на неговиот мандат на 1-ви јануари, упаднаа во претседателската резиденција во Бразилија со намера да го соборат бразилскиот претседател.

За февруари закажан е првиот судски случај во кој во одбраната ќе ја води вештачка интелигенција. „Адвокатот“ ќе биде присутен во форма на смартфон кој ќе слуша што се зборува во судницата и  преку ушно апаратче ќе го советува обвинетиот што да каже и како да реагира.