- Европската комисија го отфрли барањето од Киев за неповратна помош од 220 милиони евра наменети за украинските земјоделци погодени од руските напади врз пристаништата во Црно Море.
- Штетата за земјоделците ќе биде амортизирана преку заем со ниска камата од 250 милиони долари од Светската банка.
- „Тоа повеќе или помалку ќе ни овозможи да преживееме до Нова Година. Но, сега веќе мора да размислиме што ќе се случи од напролет, бидејќи ситуацијата е критична“, изјави министерот за земјоделство Тарас Висоцки.
- Министерот завчера во Брисел ја повикал ЕУ да издвои 1,1 милијарда евра за проект за пренасочување на украинскиот земјоделски извоз преку „солидарни коридори“, кои се помалку изложени на руската блокада.
- Премиерот Сергеј Корецки објави дека Украина ќе потроши најмалку 155 милијарди долари за војната со Русија оваа година. Дефицитот во буџетот за одбрана изнесува 27 милијарди долари.
- Трите најголеми италијански мафијашки групи формирале нов сојуз, кој ја засилил соработката со албанската мафија за трговија со дрога. „Најновите истраги открија стабилни и стратешки односи меѓу организации од Калабрија со Албанците“, изјави Никола Пјаченте, главниот обвинител на Џенова.
- Сицилијанската Коза ностра, калабриската Ндрангета и неаполската Камора ја препознале штетата од меѓусебните војни и формирале сојуз „Хидра“ за да го зголемат профитот од своите криминални активности, без да ја жртвуваат автономијата.
- „Јасно е дека исчезнуваат историските разлики меѓу мафијашките организации, дури и во трговијата со дрога“, заклучува во нов извештај националниот обвинител за борба против мафијата, Џовани Мелил.
- Проширена е и соработката со криминални групи од Кина за меѓународни исплати преку паралелен систем за трансфер на пари познат како „хавала“.
- Парите од шверц на дрога од Јужна Америка ги перат преку инвестиции во градежништво, фирми за управување со отпад и супермаркети.
- Бундестагот го одобри контроверзното проширување на овластувањата за германските разузнавачки служби, претворајќи ги од пасивни во активни алатки за борба против закани.
- Службата за надворешно разузнавање (BND) и за внатрешна безбедност (BfV) досега беа ограничени на собирање и анализа на информации, кои ги проследуваа до полицијата.
- BND сега ќе има право да врши хакерски напади за да спречи кибернетски закани од странство.
- Агенти на BfV ќе можат тајно да упаѓаат по домови за да монтираат уреди и софтвер за прислушување и надзор, да манипулираат со апарати и да неутрализираат оружја. Агентите нема да смеат да користат насилни методи, а апсењата ќе останат во надлежност на полицијата.
- Министерот за внатрешни работи Александар Добринт го опиша законот како „реформа на векот“. Тврди дека на Германија ѝ се потребни посилни разузнавачки служби за да се соочи со зголемените закани од тероризам и непријателски хибридни напади од други држави.
- Опозициските партии од десницата и левицата оценија дека широките овластувања всушност ќе создадат нови тајни полициски сили, кои може да се споредат со Штази или Гестапо. Овие партии, како и групи за граѓански слободи најавија дека го обжалат законот пред Федералниот уставен суд.
