„Големиот ризик“ со кој се соочува Европа е да заглави во криза што не е наша, порачал францускиот претседател Макрон во интервју дадено во неговиот авион на заминувањето од Пекинг.

Душан Гојковиќ замина пред некој ден. Беше голем и беше фраер, единствениот џез музичар од Балканот кого го има во секоја сериозна енциклопедија за оваа музика. Пријател со Мајлс Дејвис, свирел со Чет Бејкер, со Стен Гец. Има настапувано по цел свет, со џезери, со симфониски оркестри. Па сепак, како една од своите најголеми победи го смета моментот кога Ромите од Гуча го прифатиле како еден од нив. 

Најважното нешто што украинската војска го прави во првите денови од војната е одлуката сами да ја уништат браната на реката Ирпин која тече во близина на Киев. Со ова напредувањето на руските сили кон Киев заглибува во новоформираните мочуришта.

„Ако стварно веруваа дека ќе го срушат Путин со санкции, тогаш се поглупави отколку што изгледаат“, вели Такер Карлсон во анализа на најопасната работа што им се случува на САД после Втората светска војна -  напуштањето на доларот како светска резервна валута за што на Бајден не му чуе па најавува 9,5 милијарди долари за „јакнење на демократии по светот“. 

Ако украинската војска стигне до границата на Крим, Киев е подготвен да седне на маса со Москва и да преговараат за иднината на полуостровот, изјавил за Фајненшл тајмс висок советник на Зеленски, што е до сега најексплицитна изјава од Киев околу можноста за преговори со Русија.

САД, заедно со Германија и Унгарија, се против притисоците од Полска и балтичките земји за поголемо поврзување на НАТО со Украина, па макар тоа било давање и план со чекори од Алијансата за Киев.

Јавниот обвинител од Менхетн, Алвин Брег, стана национално позната фигура откако реши да го гони Доналд Трамп, прв човек кој бил претседател а кој кривично се гони. И сега класика, републиканците гледаат да му извадат валкан веш а демократите да го заштитат, барем од врските со Сорос.  

Кога дошло ред да ја напушта Русија заради воведените масовни меѓународни санкции, ЦИСКО распарчил сè што имал во земјата. Сè, од залихи до канцелариски материјал.

Централната банка на Сомалија порача дека прв приоритет ѝ е да отпечати нови банкноти од националната валута. Последен пат во државата тоа се направило во дaлечната 1991 година. Како луѓето плаќале во меѓувреме? Со фалц пари.

Кратко по лансирањето на крајот од февруари, првата пратка апгрејдувани Старлинк сателити на Илон Маск почнаа да јавуваат технички проблеми, и во основа веќе не можат да се задржат во орбита.

Во 2022 Полска потрошила 710 милиони евра на руски гас, со што на нејзе отпаѓаат речиси две третини од целата потрошувачка од 1,1 милијарда евра на членките на Унијата.

Шпански универзитет на 13 години без плата суспендираше свој професор, еден од најцитираните научници во светот. Причина: научно соработувал со институции од земји кои го гребат западното уво: Русија и Саудиска Арабија. Таман нè фатија асоцијации со црниот комунизам, еден наш умен човек нè потсети дека инквизицијата оригинално е шпански изум.

Скушата и другите видови сина риба долго време важеа за „храна за работничката класа“ поради достапноста и ниските цени, но сега ѝ се подготвува етикета која сигурно ќе ја поскапи: еколози од запад проценија дека нејзиното консумирање веќе не било одржливо. 

Соочена со десетици илјади тужби кои тврдат дека пудрата за бебиња на Џонсон и Џонсон предизвикува рак, компанијата се одлучи да ја даде понудата од 8,9 милијарди долари, која е прифатена од адвокатите на тужителите.

Главна агенда на последниот состанок на АСЕАН, организација која покрива околу 670 милиони луѓе, била укинување на зависноста на регионот од долари, евра и фунти, во меѓусебните трансакции и наместо тоа префрлање на локални валути.

Треба да ја освојат Америка и доаѓаат на турнеја . Притоа сметаат на сојузничка поддршка на стариот соборец кокаинот и мислат дека тој им стигнува во соблекувалната пред настапот. Навежбано прават црти, навежбано ги шмркаат. На бината излегуваат распар, и со другите, и со себе.

Еднаш веќе пишавме дека за време на пандемијата, Канада (заедно со Австралија и Нов Зеланд) ни беше најголемото разочарување со оглед на тоа како лесно а брутално беа газени основни човекови права, како либерализмот се покажа како чиста фасада, со оној Џастин Трудо кој е саде ПР и фејк НВО реторика.... Надежта се вика Пјер Полиевр, лидер на опозицијата и кандидат за премиер. 

За време на ковид пандемијата, американските војници масовно добивале на килажа, влегувајќи во категоријата дебели луѓе. Државата и војската тоа скапо го плаќаат a еднаш веќе ги спуштија критериумите кој може да биде регрут на американската војска.  

Нова меѓународна студија покажува дека предностите кои ги имаат децата кои растат во урбани средини имаат исчезнато во последните три декади. Ова особено важи за развиените земји додека во некои несреќни земји, просечната висина на децата станала помала, без разлика каде тие живеат.

Неодамнешното рендање на ЦЕО-то на Тикток пред речиси целосно непријателскиот конгресен комитет беше потсетување дека се позакоравената позиција против Кина е една од малкуте области на автентична меѓупартиска соработка. Со тоа и веќе постојниот непријателски став кон технолошката индустрија, Тикток е на два фронта.

Светската здравствена организација објави нови насоки за вакцинирање кои воведуваат три групи на приоритет (висока, средна и ниска) во однос на ризикот од смрт и сериозно заболување, со кои се укинува потребата од ковид вакцина за сите од 6-месечна до 17-годишна возраст што инаку се здрави.

Компанијата својот пијалак за шмек го зачинува со листови кока, од што како нус-производ се јавува чист кокаин кој вреди околу 2 милијарди долари.

Не дека не е изводливо Украина да ја протера целата руска армија од своја територија, ама е исклучително тежок подвиг кој не е веројатно дека ќе биде изведен до крајот на годината, прогнозира првиот човек на американскиот генерал-штаб генерал Мајк Мајли.

Најголемите глобални енергетски компании кои го собраа кајмакот од блесавите цени на енергенсите последнава година треба дел од тој профит да го инвестираат во обновата на Украина, порача украинскиот министер за енергетика Герман Галушченко.