Рики Џервејс до кансел генерацијата:

Како не сфаќаат дека тие се следни?

Како и повеќето негови медиумски дела, и последниот специјал на Рики Џервејс предизвика контроверзи, што не е страшно ако не беше веќе досадна процедурата која следува: петиција за симнување на „Армагедон“ од Нетфликс (види: Рики Џервејс не се замолчува со петиции). На оваа канселирачка офанзива, Џервејс кажува дека ако поживее, ќе им гледа сеир.

Рики Џервејс би сакал да поживее доволно долго за да види како сегашната „разбудена“ генерација ќе биде канселирана/откажана од нивните деца.

Во муабет со американскиот филозоф и автор Сем Харис, 60 годишниот британски комичар предвидува дека сегашната генерација нема да биде доволно разбудена за следната генерација.

„Сакам да живеам доволно долго за да видам како денес помладата генерација нема да биде доволно будна за следната генерација. А тоа е неизбежно. Зарем не сфаќаат дека тие се следните?“

Харис пак смета дека „прогресивноста“ не мора да е генерациско прашање потсетувајќи дека и денес, колку и некој да мисли дека е левичар, ќе се најде некој што е уште полево што ќе му даде право „да те третира како нацист.“