Вашингтон и Брисел преговараат за договор што би им дал на американските власти директен пристап до сите записи за граѓаните од базите за податоци на членките на ЕУ. Не само биометриски податоци и фотографии, туку и за политички активизам, дури и за сексуалниот живот. Земјите кои нема да се согласат ризикуваат да им бидат воведени визи за пристап во САД.

Белата куќа и Пентагон го истакнаа спасувањето на американскиот пилот од Иран на 3 април како херојска операција. Но, детали од теренот укажуваат дека мошне веројатно тоа е измислена приказна за да се прикрие тајна мисија за грабеж на иранскиот збогатен ураниум. Наместо пилот, всушност биле спасувани командосите, кои паднале во заседа.

САД и ЕУ ѝ дале номинално најголема помош на Украина откако почна војната со Русија, но ако се смета според сумите што ги издвоиле граѓаните, испаѓа дека најмногу придонеле Данците и Норвежаните. Вработените луѓе во сојузничките земји досега просечно издвоиле помеѓу 600 и 700 евра за финансиска и воена помош на Украина и за поддршка на бегалците.

САД и Иран договорија двонеделен прекин на огнот за да преговараат за крај на војната. Основа за преговорите во Пакистан ќе биде план од 10 точки предложен од Техеран. Белата куќа го претстави примирјето како победа, а и Иранците прославуваат на улиците. Израел се согласил со прекинот на војната со Иран, но го задржува правото да го бомбардира Либан.

Трамп има „речиси опсесивна манија“ за осакатување цивили, тврди поранешен висок офицер, кој лично ги слушал предлозите од претседателот на доверливи состаноци за безбедносни закани за САД. Барал да се пука во мигранти. Ако не да се убијат, барем во нозете. Ако сега изврши воени злосторства во Иран и не биде казнет, Западот ќе го изгуби секој морален авторитет.

Речиси една половина од американските нуклеарни подморници се надвор од употреба поради доцнењата на поправките и одржувањето во преоптоварените бродоградилишта, кои практично не се модернизирани уште од Втората светска војна. Конгресот предупредува дека кризата со ангажирање стручни работници ќе потрае уште 25 години.

Американците не плаќаат само за скапата војна на Трамп против Иран, која секој ден троши по речиси милијарда долари, туку и за американското оружје што Израел го користи за геноцидот во Газа, за бомбардирањето на Хезболах во Либан и сега во Иран. Повеќето продажби се регулирани како „финансирање на странска војска“, што значи дека оружјето му е подарено на Израел.

Трамп кажа ново оправдување за скапата петнеделна војна со илјадници жртви, без јасен крај на повидок: Господ ги повикал САД да ги „згрижат“ Иранците. Трамп се заканува дека ќе го срамни Иран со земја и со Господ „на своја страна“, не се плаши од обвиненија за воени злосторства, како што се уништувањето на цивилната инфраструктура и убиството на 165 деца во Минаб.

Во кампањата против Хезболах, Израел ги притиска христијаните и Друзите од јужен Либан да соработуваат во етничкото чистење на шиитите. Некои христијани прифаќаат за да не им бидат бомбардирани селата, други се плашат од одмазда кога војната ќе заврши. Некои пак, ги сметаат муслиманските борци за браќа, бидејќи им помогнале кога им било најтешко.

Не стотици, не илјадници туку милиони деца страдаат поради војната на Блискиот Исток. Во Газа се убивани (до неодамна едно дете секој саат), во Либан присилно раселувани, во Иран регрутирани да станат војници да ја бранат таткоината. Оние кои треба да ги штитат и самите се под напади. Арно им е само на оние кои нанесуваат страдања и болки. 

Пред точно десет години Трамп вети дека ќе го отплати долгот на САД во рок од само осум години. Тоа не се случи. Наместо тоа, бруто националниот долг се дуплираше на над 39.000 милијарди долари. За задолжувањето делумно е заслужен и Бајден. Сметката за овие 10 години фискална расипништво ќе пристигне долго откако Трамп конечно ќе се повлече од политичката сцена.

Помина времето кога хистеријата за ковидот наметната преку медиумите им овозможуваше на фармацевтските гиганти да прават профити од милијарди долари од вакцините. Откако беa разоткриени манипулациите со имунизацијата, воведени се построги критериуми, а и луѓето одбиваат да бидат лабораториски заморчиња за експериментални вакцини.

Уште додека Виткоф и Кушнер наводно преговараа во Женева со ирански функционери за нуклеарната програма на Техеран, САД организирале ирански опозициски групи да кренат масовен бунт и да го соборат режимот. Сепак, операцијата тргнала наопаку. Оружјето, испратено преку курдски посредници, никогаш не стигнало до револуционерите.

За главни преговарачи со Техеран за чувствителна и сложена тема како што е збогатување ураниум и нуклеарна програма, Доналд Тrамп стави еден инвеститор за недвижности (нешто како Фатмир Етеми) и еден зет. Експерти се сомневаат дека одлуката за војна, меѓу другото се должи и на тоа што тие двајца слабо разбрале за што се работи и какви се предлозите на Техеран. Иран беше нападнат двапати среде прегорови.   

Платформата за професионални профили LinkedIn, за април 2026 година пријави 1,3 милијарди регистрирани корисници. Секојпат кога некој од нив ќе ја посети страницата, скриен код го скенира неговиот уред за инсталиран софтвер и екстензии (се монитораат меѓу 3.000 и 6.000 ставки). Резултатите се испраќаат на серверите на платформата но и на трети страни, меѓу кои и една изралско-американска фирма.

Германци на возраст способни за во армија досега требаше да бараат дозвола од Бундеверот да ја напуштат земјата на подолго време само во две екстремни ситуации: ако земјата е под директна воена закана или пак е нападната. Веќе не. Имало ли закана или напад или немало, дозвола мора да се бара ако се сака да се оди во странство подолго од три месеци.

Речиси 750 американски војници се ранети или убиени на Блискиот Исток од октомври 2023 година, но, Пентагон не го признава тоа. Централната команда на САД, или ЦЕНТКОМ, која ги надгледува воените операции на Блискиот Исток, се чини дека е вклучена во „прикривање на жртвите“, нудејќи им на луѓето од Интерсепт ниски и застарени бројки за жртвите, без никакви појаснувања за случаите.

Сериозен кинески научник напушти истражувачка позиција на престижниот факултет Јеил за да се врати во Кина. Зад потегот не стои носталгија по дома туку непишаните но и тоа како функционални расни лимити и бариери за научници со кинеско потекло. Плус, во матичната земја на ред е петолетка во која државата дополнително ќе се фокусира на науката. 

Наместо разни графикони и досадни криви за движењето на БДП, јавниот долг, дефицитот, берзите и слично, во последно големо внимание се врти кон неформални параметри кои досега се покажале како необично прецизни индикатори за тоа дали зад аголот се крие некоја нова рецесија и криза. На пример, посетата и бакшишите во стриптиз баровите. 

Доктор од Нов Зеланд побара од американската амбасада во Велингтон да ги надомести трошоците за гориво во неговата клиника. Логиката е разбирлива: Со оглед на тоа што цените на горивото скокнаа до небо поради војната во Иран која Трамп не мораше да ја започне, ред е Вашингтон да се фати за џеб. „Ако не се држиме до принципи, што ни останува?“ порачува лекарот.

Во обид да го реши сообраќајниот колапс, најмалата земја-членка на Европската Унија започна контроверзна програма. Владата им нуди на младите возачи огромен паричен стимул доколку доброволно се откажат од своите возачки дозволи и се обврзат да не седнат зад воланот во следните пет години.

Иако Дубаи важи за убедливо најлибералниот од седумте емирати на ОАЕ, чуден е информативниот мрак од таму, иако многу медиумски куќи имаат свои бироа. Се запираат луѓе на улица за да им се проверат телефоните, луѓе се апсат за споделени фотографии во приватни групи. Емиратите сакаат по секоја цена да ја зачуваат сликата за себе како рај среде блискоисточниот пекол.    

Некои од познатите американски рапери - Травис Скот, Килер Мајк, Т.И., Јанг Таг, Фет Џо - доставија поднесоци до Врховниот суд на САД барајќи судиите да го спречат погубувањето на Џејмс Броднакс на 30 април. Тврдат дека неговиот случај е пример за поголем проблем во американските судници: употребата на рап текстови како доказ во судски процеси.