Во својата најевтина варијанта ви-фи ананасот чини 99 долари (во најскапата 299 долари), и му овозможува на секого да краде податоци од луѓе што се закачени на јавни ви-фи мрежи (кафулиња, ресторани, аеродроми и слично) без да има каков било физички пристап до рутерот.

Во обид на кој упадливи му се само слабите страни, Фејсбук сакаше да го реши проблемот со лажни вести така што под секој пост први ќе ги реди коментарите што во себе ја содржат фразата „fake news“.

Во рок од неколку седмици, саудискиот принц наследник (позиција на која дојде по многу драма) го присили либанскиот премиер да поднесе оставка, директно му се закани на Иран и изврши масовно апсење на членови на сопственото кралско семејство.

Кинески електронски гигант, релативно непознат на овие простори, за една скроз нефасцинантна сума купи битен дел од Тошиба, прочуениот производител на телевизори, аудио и видео опрема. Претходно за мали пари Кинези го купија и Шарп. Зошто? Затоа што и Тошиба и Шарп, и таму и овде, некому сè уште звучат јако. А Јапонците не се она што беа.

Иако во Зимбабве во моментов владее тотална конфузија околу статусот на Роберт Мугабе, извесно е дека ни тој ни неговата амбициозна сопруга нема да ја водат земјата. Пред да му се израдуваме на братскиот народ што се ослободи од диктаторот кој 37 години се залепи за лидерската фотеља, да видиме кој тоа го наследува.

За пост 11-ти септември војните на разните американски администрации, секој американски даночен обврзник во просек има платено по 23.386 долари.

Пример, за време на минатите претседателски избори во САД, аргументот на едната страна е дека мигрантите ја прават земјата подобро и поинклузивно место, аргументот на другата страна е дека тие ги уништуваат културните вредности врз кои САД е изградена. И двете страни имаат факти за да ја поддржат својата приказна.

Како што некои либерали почнаа да сфаќаат изминативе денови дека претседател што има секс со приправничка во Белата куќа е многу лоша работа која не треба да е тргната на страна, така конзервативните коментатори тврдат дека ваквиот тајминг е крајно погоден за Демократите кои ги отфрлаат Клинтонови откако повеќе не им требаат. Ова не е точно. Тајмингот е убедливо непријатен.

Еден индиски комичар прави цел документарец за тоа како му било тешко што цел живот го следела сенката на ликот Апу, дуќанџијата од Симпсонови, бидејќи маалските го викале така и му го имитирале акцентот. Друг Индиец му враќа дека Апу е вистински американски херој и дека токму ваквите размислувања се смрт за креативноста. 

Аргументот „среќата не е во парите“ ќе го оставиме да се објасни со „полесно е да плачеш во Ауди отколку на точак“, во меѓувреме овие што имаат пари пресметале дека ти требаат најмалку 100 милиони долари за стварно да се чувствуваш богат.

Американската национална академија на науки објавува обемно истражување за тоа што може да се направи за американското земјоделство да престане да предизвикува климатски промени, а притоа да не се влијае штетно на здравјето на популацијата. Главен заклучок, ако сите свртат на веганство би се случила катастрофа.

За да го заштити јавното добро, безбедност и морал, државата треба да ги одвраќа жените да одат топлес, реши американскиот федерален суд со што криењето на женските гради го направи поважно од целиот слободарски корпус кој е заштитен со првиот амандман од американскиот устав.

Проценките се дека во даночни засолништа се чуваат меѓу 21 илјада и 31 илјада милијарди долари, што е некаде колку обемот на американската и јапонската економија заедно. Доколку се собере данокот што го избегнуваат богатите, тој ќе покрие најголем дел од годишниот дефицит на секоја од земјите на Г7.

Елон Маск новиот Тесла роудстер го претстави како „најбрзиот сериски произведуван автомобил што некогаш е направен“ и тоа со бројки како 1,9 секунди од 0 до 100. За споредба, Тесла Модел С П100Д во „Ludicrous mode“ од 0 до 100 развива за 2,5 секунди.

Сликата Salvator Mundi (Спасител на светот) на која главна улога има Вирд Ал Јанкович (шала,шала) на аукција отиде за фрапантни 450 милиони долари. На таа пара, станува небитно дали е тоа навистина Да Винчи или не..  

Во скандал приреден од тамошната железница кој уште долги години ќе остави длабок траг во јапонското национално ткиво, цела држава на свои плеќи треба да го носи срамот на еден воз што тргнал 20 секунди порано од станица.

Кога новинарката на Њујоркер ја носат во посета на „воениот штаб“ на 24-от кат од зградата на Зидојче цајтунг, неколку дена по објавувањето на Рајските документи, прво нешто што и кажуваат е дека таму е забрането какво било фотографирање.

Може и претходно сте го чуле ова, ама Мозила го направи Фајрфокс како што треба. Седнаа, од корен го преработија својот браусер и го лансираа Фајрфокс 57 односно Фајрфокс Квантум. И браусерот стварно везе.

Зоната на одгледување опиум во југословенското кралство зафаќа 14.000 хектари во 40 општини на Повардарие. Македонскиот опиум благодарение на погодното тло и речните наноси бил меѓу најквалитетните во светот бидејќи содржел 14-16% морфиум. Колку за споредба, кинескиот имал вкупно 3 до 5 проценти морфиум.

По година и кусур пумпање на приказната Хилари изгуби заради неспособноста на Фејсбук да се справи со ботови и неброени патувања на американски новинари до Велес само за да се вратат со истата сторија (пост-комунизам, млади деца, сиромашни родители...), при последниот масакр во САД сите анти-бот / њуз механизми воведени од Фејсбук во овој период дозволија за кратко време мрежата да биде преплавена од лажни вести, кои тврдеа дека убиецот е од крајно левичарска организација. Од нив само еден пост беше споделен над 260.000 пати.

Речиси две децении откако феминистките застанаа на страната на Бил Клинтон, најупадливата работа околу моменталниот наплив на обвинувања за сексуални напади и малтретирање, не е ниту сеприсутноста, ниту ликовите кои тоа го извршиле, туку тоа што луѓето им веруваат на жртвите.

Во земјата зафатена со глад, колера и граѓанска војна се случува незапамтен помор на дечиња. Нивната смрт е уште побесмислена затоа што може да биде спречена. Ама, клучот е во рацете на најверниот сојузник на Запад, Саудиска Арабија.