Експериментот на Фејсбук со лажни вести не успеа

Во обид на кој упадливи му се само слабите страни, Фејсбук сакаше да го реши проблемот со лажни вести така што под секој пост први ќе ги реди коментарите што во себе ја содржат фразата „fake news“.

Фејсбук се пишмани околу методот откако уште во првите денови од тестирањето, на постовите од медиуми како Бибиси, Економист, Њујорк тајмс и Гардијан, првите коментари редовно содржеа „fake news“.

„Очигледно Фејсбук е под огромен притисок да се справи со проблемот на лажни вести, меѓутоа да се доведе во прашање веродостојноста на секој можен пост е апсурдно.

Наместо да се справува со дезинформациите на итнернет, ова ги изедначува работите со заматување на границата меѓу она што е реално и што не е,“ објаснува за Бибиси пи-ар консултантката Џен Робертс.

Објаснувањето на Фејсбук во изјавата на Бибиси е - абе работиме.

Инаку, паралелно со овој тест тие воведоа нова опција за објавување на линкови од други новински извори под постовите за кои читателите веруваат дека се лажни.

21 ноември 2017 - 10:42