После Филти и Леми, почина и гитаристот од класичната постава на Моторхед. Еди Кларк „Брзиот“ уфрли во лер на 67 години, заради пневмонија. „На човек не може да му се случи ништо полошо од старост,“ тврдеше Брзиот последниве години, викајќи дека мора да си мава шамари кога ќе види згодна женска. 

И сега што велите, ќе се откажеме од еден доручек-едно евро, па овојпат да се дичиме што има на странските хедлајни за нас, или ќе го чекаме Шилегов и овој новиов дпмне да ни кажат дали двесте илјади евра се многу или малку за доопремување?

Така е тоа кога водени од менталитетот на толпата, шупци ќе решат лично да делат правда, во име на она „имам читано за него“. Овој прво молел да се слика со Вајнстин, па откако учтиво бил одбиен, се повлекол да фрли неколу пијачки за храброст, па на другарите им рекол да снимаат, па се вратил кај Вајнстин и го залупал.

Гигантот до сега има добиено над 1 милијарда долари во даночни олеснувања, и тоа се само парите што Амазон директно ги зема. На оваа сум треба да се додаде и социјалната помош што државата им дава на голем број од вработените на компанијата, кои заради прениската плата се квалификуваат како социјални случаи.

Заради веќе добро документираниот расплет на настани околу Кевин Спејси беше одлучено сите негови сцени во All the Money in the World да бидат преснимани и тој да биде заменет со друг актер, Кристофер Пламер. Ова значеше дека и другите актери ќе треба да се вратат на снимање. Меѓу овие што доснимуваа се и Марк Волберг и Мишел Вилијамс, и како што е редот и двајцата треба да добијат пари за тоа.

Денес во форма, природно хрането, витко и по можност што помладо тело, сигнализира припадност и успех, додека сиромаштијата и маргинализацијата се поврзува со дебелина и консумација на алкохол и никотин. Постоењето на осиромашени пониски слоеви на општеството притоа сè повеќе се перципира како резултат на биолошките предиспозиции кои ги спречуваат луѓето да им удоволат на неолибералните барања за адаптирање, мобилност и флексибилност, порачува Фредерике Хаберман во текстот објавен од Ле монд дипломатик.

Колку е таа Грција назад со материјалот, да се чуди човек. Јужните комшии за првпат после еден век ја ограничиле моќта на шеријатскиот закон, па во иднина, на своите граѓани од муслиманска вероисповед, ќе им дозволуваат да се разведуваат и пред нормален суд, а не да мораат да одат кај муфтијата.

Во 130-та година п.н.е. Хан династијата го воспоставува Патот на свилата, кој се простира од Кина до денешна Турција. Во 2013-та кинескиот претседател објави дека Патот на свилата ќе биде возобновен, и тоа како најголемиот и најскапиот инфраструктурен проект во светот.

По долга и тешка болест почина Предраг Луциќ. Блиските и пријателите знаат дека таа болест беше и предолга и претешка. Го читавме со децении и го познававме со години. Сето тоа сега ни е прекратко. Предраг беше преголем и предобар човек. Една памет како Луна парк, едно срце како светилник. Нека му плови душата по мирни мориња.

Британските парламентарци и останатите вработени во британскиот парламент на секои 9 минути имале обид да гледаат порно на своето работно место, покажуваат новите бројки од тамошниот законодавен дом. Нивната верзија е дека ова не било намерно.

Со почнувањето на 2018 е ставен крај на контроверзниот и ретко употребуван закон што потекнува од крајот на Втората светска војна според кој навредата на странски лидер претставува кривично дело.

Уредот што во текот на денот ти е повеќе време во рака отколку што било друго те оглупавува, те прави анти-социјален и е штетен за твоето здравје, се заклучоците од се поголемиот обем на научни докази дека дигиталните дистракции го оштетуваат нашиот мозок.

Не е чудно астронаут во вселената да порасне пар сантима поради недостатокот од гравитација што му овозможува на р'бетот да се издолжи. Но, јапонскиот астронаут кој моментално се наоѓа на Меѓународната вселенска станица ја претерал. И сега се секира дали ќе го собере во седиштето во кое треба да се врати на Земјата. 

По најневеројатните количества внимание што лажните вести како еден од сегментите на интернет дното успеаа да го соберат и навлечат на себе, темата сериозно се зафатија да ја изучуваат сериозни луѓе. А дури и за одговарање на основните прашања околу ова требаше време.

Постојаното искричење меѓу Трамп и медиумите (овој вреска „Лажни вести!“, овие врескаат „Судир на интереси!“) се чини дека е една од досега невидените иновации кои ги донесе негото запоседнување на Белата куќа. Но, еден друг нејзин станар, легендарниот Френклин Делано Рузвелт, на новинарите кои ги сметал за предавници им делел кукасти крстови.

Пред 30 години емитувана е првата епизода од социјалистичката сапуница „Подобар живот.“ Авторот на текстот неодамна повторно ги гледа сите 82 епизоди. Резултат: серијата има многу повеќе што да ни каже за социјалистичкото минато и капиталистичката сегашност отколку современите културни производи и политички трендови.

Во Велика Британија ветерници главно поседуваат големи енергетски компании. Лани најмногу се офајдиле кога - не работеле.

Пејачката ги потврди гласините дека Рејдиохед ја тужат за џапање на нивниот хит од 1993 година, Creep. Таа вика „нема врска“, ама им понудила 40% од приходите на песната. Овие бараат 100%. Со многу право.

Истражувањата ја потврдуваат максимата дека „на лагата ѝ се кратки нозете“. Но, не заради она што вообичаено се мисли под тоа, туку затоа што луѓето почнуваат да лажат од најмали нозе -  од две години. А родителите тоа би требало да ги радува.

Во некои други земји, ваква глупа забрана евентуално би се правдала со климатски причини, глобални затоплувања и слични модерности. Во Туркменистан нема потреба од тоа. Таму претседателот, просто, сака бели автомобили.

„Џезот би требало да те одведе во друг свет. Она што денеска го нарекуваат џез, а се слуша додека се пие капучино, не е тоа“, вели гитарскиот махараџа.

Најдобриот опис за Зоран Костиќ –Цане (1964), водачот на еден од најжестоките српски рокенрол бендови „Партибрејкерси“, го дава тој самиот, во своите стихови. Да се биде ист, посебен, слободен, и само свој. И затоа, кога во ова време на завист, кукавичлук, празни зборови и фолирање, Цане во интервјуто за нас ќе каже „ќе се спасат само оние кои имат љубов во себе“, сфаќаш дека тоа не е знак дека човекот омекнал, туку напротив, дека останал вистински панкер.

Музичар коj на Јутјуб поставил 10 часовно видео со таканаречена „бела бучава“ (научно-техничко објаснување: звукот кога на телевизорот има снег) набргу се соочил со пет различни поплаки за кршење на авторски права.

Зборувајќи на Ен-би-си за својата книга, Мајкл Волф изјавува дека „луѓето на Трамп го сметаат него за дете“ објаснувајќи дека американскиот претседател има постојана потреба од инстантно задоволство, „ниту чита, ниту слуша, тој е како флипер, само мава на сите страни.“