Монт Еверест не е највисоката планина на светот, освен што е

Ако се водиме по науката еден од најголемите планинарски предизвици не е и највисоката планина на планетава. Разликата меѓу она што ние го знаеме и она што науката го тврди е кој од каде мери.

Највисоката планина на светот е Чимборазо во Еквадор која е дел од Андите, и тоа со висина од 6248 метри.

Како тоа кога врвот на Еверест е на 8848 метри?

Работата е што врвот на Чимборазо е најоддалечената точка од центарот на Земјата, и со тоа највисока ако се мери според оваа дистанца.

„Во основа затоа што Земјата не е рамна, таа е испупчена на екваторот и се сплеснува кон половите.

Ова значи дека планините во близина на екваторот технички се повисоки отколку оние во други области, а се погоди Чимборазо да е речиси точно на струкот на нашата планета, додека Еверест е 28 степени посеверно,“ објаснува Џош Храла во Сајанс алерт.

Ако се земат предвид сите овие пресметки, Еверест е оддалечен 6382 километри од центарот за Земјата, додека Чимборазо успева да дотера до 6384 километри.

Заради 2 километри разлика што го ставаат Чимборазо на прво место на листата, Еверест не успева да влезе ни во топ 20 највисоки планини според ова мерење.

Еверест и понатаму останува највисока планина за искачување мерено од нивото на морето и неспоредливо потешка од Чимборазо, каде 14 дена минуваат во аклиматизација на висината а 2 дена на качување.

4 мај 2018 - 14:54