Старите песни во моментов претставуваат 70 отсто од музичкиот пазар во САД. Оние кои живеат од нова музика - особено загрозениот вид познат како музичар - нема многу леб да се најадат. Сиот пораст во музичкиот свет денес доаѓа од старата музика а најголемите инвестиции се во купување каталози на автори кои се или починати или имаат 70-80 години.

Британец заработува по 160 фунти на ден (20 фунти од час) трошејќи го своето време по најразлични редови во Лондон каде чува место за богати клиенти.

Шекил О' Нил важи за еден од најголемите хедонисти кои ги видела американската кошарка (Коби има кажано, да тренираше Шекил колку мене, ќе беше најдобар на сите времиња). Но, и над попот има поп. Грамадата вели дека никогаш нема да ја заборави сцената во која го запознал Принц.

По 20 и кусур години филмот доби нова верзија и е наменета за кинеска публика, која излезе дека досега ја гледала погрешната, западна, верзија.

Со три милијарди долари, и тројца од најврвните светски научници на темата, Џеф Безос го започнува својот поход во спречување на стареењето и евентуално смртта.

Свињите можат да закачат коронавирус но не се разболуваат од ковид ниту заразуваат други so вирусот благодарејќи на една ефикасна стратегија: нивните заразени клетки се решаваат на самоубиство. Го може тоа и човекот ама свињата е сто пати подобра.

Новата чешка влада го укина декретот по кој вакцините ќе беа задолжителни за сите над 60 години и за клучните социјални работници. Ирска реши да ги дигне речиси сите ковид рестрикции а Светската Здравствена Организација оцени дека забраните за патувања се неефикасни и побара државите да ги укинат или олабават.

Според ноемвриска студија на која се повикуваше доктор Злате Мехмедовиќ, вакцинираните имале пет ипол пати помалку шанси да се заразат од оние кои ја прележале болеста (на што доктор Пановски имаше искуствени контра-аргументи, видео подолу). Ројтерс сега објавува нова студија во која се тврди обратно.

Баснословните пари што во 2021 ги потрошија најголемите филмски студија/технолошки компании на снимање најразлични серии, филмови, документарци и спорт годинава повторно ќе бидат потрошени, плус уште 10% на тоа, или околу 140 милијарди долари. И ова само ќе продолжи да расте.

Јапонската влада како јапонска влада има нешто што се вика „Правила за официјално пишување“ кои важат веќе со децении. Во овие правила до сега никаде немаше спомнато користење на извичник и прашалници, па тие не ни беа користени во официјалната владина кореспонденција. Сега ги има.

Шпанската држава ќе им плаќа по 250 евра на млади Шпанци/Шпанки да ја пресечат папочна врска со своите родители и да се иселат од дома. Колку млади? Па до кај 35 години.

Да не биде после дека само тој знаел, Бил Гејтс алармира дека нè чека бетер пандемија, и наместо уште една идна несмасна реакција како за коронавирусот, владите уште од сега да почнат да инвестираат милијарди долари во борба против идни вируси и зголемување на производството на вакцини.

Процесот на добивање рибино масло почнува со машинско мелење на милиони мали риби клучни за здрави океани и нивниот систем на исхрана. Завршува со пакување по нарачка на твојот најблизок дилер на здрави суплементи.

Во иднина секоја реклама за автомобили во Франција задолжително ќе треба да содржи порака дека автомобилите општо не ги бива и да ги стимулира гледачите да не користат автомобили.

Соединенија од канабисот го спречуваат вирусот што предизвикува ковид-19 да продре во здрави човекови клетки, пишува Блумберг за студија објавена во Журналот за Природни производи.

И на луѓето да им е сè помалку до смеење, планетава нема да остане намќор. До пред неколку години се сметаше дека тоа е наша ексклузивна способност, но на листата ги има доста. Никогаш ви се нема насмеано крава?

„Ве разочаравме“ е насловот на едиторијалот и насловната страна на дански „Екстра бладет“, кој се извинува што за време на целата пандемија ја следел и објавувал владината порака без никаква проверка на истата.

Честото користење на бустери за ковид-19 може штетно да влијаат на имунитетот и најверојатно не се изводливи, предупредуваат регулаторите на ЕУ.

Раперот бил излезен со Инстаграм модел по што во одат кај него во хотел и имаат секс. Сега истиот овој модел сака да го тужи, не по основа #metoo, ама сепак го тужи.

Стариот може да каже дека работата му била мед и млеко иако де факто, работел само со млеко. ДНК тестови покажале дека разнесувачот на млеко, Рендал Џефрис зачнал 800 деца во Сан Диего и околината.

Повеќето од оние кои се раѓаат овие години, ќе можат да очекуваат дека ќе живеат преку 100 години. Но ако нам 40 години работа пред пензија ни се чини многу, нека му ја мислат тие со 60 години веслање.

Откако долго време ги усвојуваме некои нивни карактерни и прехрамбени особини, време е и за директно поврзување на човекот и свињата. За првпат во историјата на трансплантациите, на 57 годишен маж му е пресадено срце од свиња.  Се чувствува добро ама веројатно не сака да му ставаат јаболко во уста.

Влезот во ресторани, музеи, барови, кафулиња и слични естаблишменти во Германија наскоро се комплицира за сите што немаат три дози вакцина (2 + бустер).

Каде ја бараат и во што ја наоѓаат луѓето среќата и смислата на своите животи? Среде пандемија биле прашани 19.000 возрасни лица во 17 различни држави од светот. Има некои константи ама интересни се и разликите.