Бројките ги соопштува градоначалникот на Лондон, а ги изработува Ливинг Вејџ фондацијата, и по нив живеењето во престолнината на британската империја во рок од десет години поскапело за над 40%.

Аудио сторија на NPR за тоа како во њујоршкото студио на Колумбија рекордс е раѓана можеби најбитната песна на Боб Дилан, Like a Rolling Stone, онаа негова неповторлива анти-бајка со горчини во текстот и пекмез во органата.

Првата британска брза пешачка лента е обележана во Ливерпул откако јавното мислење покажа дека гужвата во пешачките зони е најиритатниот дел од движењето низ градот. Не сите возрасти се подеднакво среќни од брзата патека.

За преовладувачкото мнозинство од американската полиција марихуаната не е сериозна закана заедницата, е крајниот резултат од анкетата што ја спроведува американското ЕнТеШе.

Деновиве толпи граѓани излегоа на улиците на Загреб, Лондон, Париз, Варшава, Сиднеј, Сеул и Дубаи. Повод: Бегалци, глобално затоплување, економска криза, растечка социјална нееднаквост? Не. Ејч&Ем ја пушти во продажба Балмен колекцијата.

Замислете се во ситуација кога сте во кола со авто -пилот која јури кон група пешаци и единствениот начин да се избегне нивен масакр е да се сврти во провалија. Што треба вие колата да направи?

Гитарскиот монструм има свој омилен музичар без чија музика не тргнува никаде на пат. Неговиот идол не е некој гитарски виртуоз. Не е дури ни човек кому гитарата му е основен инструмент. Џабе гаѓате.

За март 2016-та култниот Плејбој најави драстично и рискантно ребрендирање при што во печатеното издание девојките веќе нема да бидат голи. По тој тажен повод Њујоркер објавува реакции на читателите. Последнaта читателка доби дури и покана за работа во Плејбој.   

Од земја во која абортусот се уште е криминализиран, деновиве дојде веста за декриминализирање на дрогите и за отворање на соби за вшприцување (за хроничните зависници од хероин да не мора ова да го прават во нехигиенска околина и со валкани / користени игли).

По неколку месечна пауза и борење со кечери, Џон Стујарт повторно се враќа на работа, ама овој пат во матичната куќа на Бил Маер и Џон Оливер. Почетниот договор е потпишан на 4 години.

Освен ако не се одржува на еколошки чисто ниво, воздухот што го дишеш во канцеларија го намалува капацитетот на твојот мозок за повеќе од половина. И ова е тестирано на луѓе со капацитет.

Планот е Ирска е да го декриминализира поседувањето мали количества дрога, вклучувајќи хероин, кокаин и канабис, за лична употреба. Декриминализира не е еднакво на легализира.

Пред некое време ТВ готвачката Најџела Ловсон, го резимираше она што се случува околу храната во изминативе десетина години: "Можам да ви гарантирам дека тоа што луѓето годинава мислат дека е добро за нив, следната година нема да биде."

Медитацијата денес е мулти-милионски бизнис и панацеа за сите стресови на модерното живеење. Верата во неа некогаш е поголема од фактите кои ги дава науката а некои кругови се сомневаат и во самата идеја дека исклучувањето на мислите е демек добра работа. 

По стотици илјади абортуси заради незадоволство од полот на бебето, и уште толку непризнаени и напуштени деца, Кина деновиве ги укина правилата за планирање на семејството (едно дете по семејство). Потег кој сериозно не им беше планиран на производителите на кондоми.

За информацијата околу канцерогеноста на преработеното месо пишувавме тука, меѓу другото и дека според СЗО тоа е во групата 1 канцерогени, класификација која се базира на нашата сигурност дека нешто предизвикува рак, а не колку е веројатно дека ќе го предизвика. Во оваа група има 116 ставки.

Белградскиот неделник Време беше еден од ретките медиумски ѕвезди Северници во регионот во кој мечката се изнаигра, те пред туѓа те пред своја врата. Во времињата на секакво бесчестие беше задоволство да се биде од нивна и да се мезат текстовите на покоjните Стојан Церовиќ и Урош Комленовиќ, те на фала богу живите Милош Васиќ, Теофил Панчиќ, Љуба Живков, Драган Тодоровиќ, Драгољуб Жарковиќ, Кремер, Баздуљ, Басара.... Тие луѓе толку сме ги читале (а нешто и пренесувале на овие простори), што веќе не ни знаеме што е нивно а што наше. Деновиве наполниле 25 години и тоа го прославија како што ги личи, кратко и јебитачно. Оди па додај нешто паметно на ова:

Статистики покажуваат дека 85% од луѓето кои се зависни од алкохол, исто така се зависни и од цигари. Сега науката покажа дека никотинот (кај глувците) ја поништува поспаноста предизвикана од алкохолот.

Мартин Скорсезе е режисер на 15-минутиниот краток филм Аудиција, кој се случува во едно кинеско казино, а главни улоги во него имаат Бред Пит, Роберт Де Ниро и Леонардо Дикаприо. Како да ги собереш овие четворица на едно место? Со 70 милиони долари, ете како.

Од општ сеир дека интервјуата во Плејбој се чисто за алиби на тие што го купуваат, со последните промени во компанијата токму интервјуата треба да станат носители на списанието. За да покаже дека Плејбој има често занемарено пребогато портфолио со интервјуа, Лонгформ вади листа (и комплетни текстови) од десетина легендарни интервјуа објавени во магазинот.

Светската здравствена организација објави дека јадењето преработено месо (колбаси и сланина) предизвикува рак. Ова се базира на анализа на 800 студии, по што СЗО преработеното месо го става во група 1 канцероген, заедно со цигари и алкохол. Другари, полека малку.

Бонд филмовите како една од најбрендираните филмски франшизи, не им простува на компаниите дури ни кога некој бренд станал дел од перцепцијата за главниот лик, па не им воопшто непријатно ако треба мартинито да го заменат за пиво, и покрај бунтот на публиката.

Прво беше Сириза во Грција, па изборот на Џереми Корбин во Обединетото кралство, а наскоро истото се очекува и од Подемос во Шпанија, сите три, предзнаци за ширење на обидите за раскинување со неолибералната политика.

Статистичкиот просек меѓу многу стари и многу мали луѓе е зрелост. Токму таква е оваа идеја за среќавање на двата света, но нејзината зрелост не е ни во статистиката ни во просекот туку во можноста да се уживаат моментите кои го прават животот.