Инфарктите некогаш се врзуваа со возраста, но сè помалку е тоа така. Во 2019 година приближно 0,3 проценти од Американците од 18 до 44 години имале срцев удар. Лани тоа се зголемило на 0,5 проценти, или еден на 200. Тоа личи на ниска бројка, но претставува зголемување од дури 66% за само четири години. А тоа за лекарите е „алармантно“.

Црната пластика што се користи во најразличен кујнски прибор, детски играчки, садови за носење храна и послужавници за свежо месо и производи во супермаркети, може да содржи алармантни нивоа на токсични хемикалии.

Меѓу младите и адолесцентите има постојан раст на проблематично и однесување „налик зависност“, заради што употребата на смартфони треба да биде ограничена со истите  мерки што важат и за тутунот, гласи пораката од Светската здравствена организација.

Заради се полошото однесување кон учителите, Италија ја враќа во сила мерката за губење година за сите ученици кои имаат лошо поведение.

На 88 години, мирно во својот дом почина големиот Крис Кристоферсон, бескрајно надарениот креативец кој успеа да направи две големи паралелни кариери, и во музиката и во Холивуд. Негови песни ќе препознаете и не знаејќи дека се негови бидејќи го имаат преработувано десетици големи имиња. Сè започнува кога Кристоферсон му се буфнал дома на Џони Кеш. Со хеликоптер.  

Муабетите дека големите технолошки компании премногу пари трошат на вештачката интелигенција дополнително ги загреа последниот потег на Гугл. Компанијата запна да врати еден нивен вработен кој од таму после долги години си отиде незадоволен од третманот не неговиот труд. Одврзаа ќесе за 2,78 милијарди долари и го вратија.

Македонија е една од земјите кои имаат некои од највисоките проценти на население кое не може да си дозволи да јаде здрава храна. Во тој поглед слични сме со луѓето од Грција и Словачка но ако бараме нешто да нè утеши (а секогаш бараме нешто да нè утеши), тоа не е ништо во споредба со процентот Романци кои можат да си дозволат да се хранат здраво.

Хемичарката Светлана Мојсов деновиве доби една од најпрестижните научни награди во светот заради нејзините заслуги во истражувањата кои доведоа до хитот за слабеење Оземпик. Долго време во влијателни научни кругови се маргинализираше нејзиниот удел, сè додека таа не реши да проговори и да се бори нејзиното име да биде додадено на основните патенти како ко-пронаоѓач. Ласкер ја исправија неправдата.

Американската дипломатска машинерија почнала да врши притисок врз Индија, од која бара да се приклучи кон нивната света војна за спасување на светот од руските дезинформации и да ја изгаси руската медиумска мрежа РТ на својата територија.

Луѓето кои консумирале по 200 до 300 милиграми кофеин на ден било помалку веројатно да развијат срцеви заболувања, тип 2 дијабетес или мозочен удар.

Дека станува топло, станува. Дека станува пототопло од што паметиме, тоа го потврдуваат мерењата. Но од што, мајку му? Најчесто се вели дека постои научен консензус околу тоа дека главен виновник за глобалното затоплување е јаглерод диоксидот. Но, кога ќе слушнете научен консензус, сетете се на „научниот консезус“ дека ковидот не е од лабораторија а вакцините спречуваат трансмисија.

Креаторки и креатори на Онлифанс минатата година заработиле над една милијарда долари повеќе отколку некои од најелитните кошаркари во светот.

Интернетите на Хрватска, Словенија, Австрија... деновиве беа полни со фотографии од птици кои се туткаат во поголеми групи по балкони и симсови. Не е тоа подготовка за преселба туку снаоѓање во потребата да преживеат бидејќи температурите се спуштија преку ноќ  а тие не успеаја да емигрираат во потоплите краеви.  

Голема нова студија предвидува дека во следните 25 години, над 39 милиони луѓе во светот ќе умрат од инфекции отпорни на антибиотици. Се очекува сегашниот број на вакви фатални епилози да се удвостручи што значи дека ќе се умира и од банални инфекции а рутинските операции стануваат ризични.

Деца до 2 години (по ново - тодлер) не треба да видат екран ни еден минута од својот живот, и тоа опфаќа сè од телевизор и таблет уред, до смартфон. Ништо.

Кинески молер умира од дефект на органите откако работел 104 дена со само еден ден одмор. Дечкото имал 30 години, почнал да работи на крај од февруари и издржал до крај на мај.

Мерките кои се преземаа во ерата на пандемијата како што беа карантини, заклучување дома, затворање училишта, откажување спортски и други настани довеле до тоа мозоците на тинејџерите кои минуваа низ тој период битно да остарат. Не малку, туку цели четири години, утврдиле истражувачи од Универзитетот Вашингтон.

Времето на пандемијата беше страшно за научниците кои не се согласуваа со доминантните наративи и официјалните здравствени политики. Во нивното оцрнување не учествуваа само социјалните медиуми туку и нивни колеги научници кои создаваа атмосфера за линч. Подоцна добар дел од укажувањата се покажаа точни, ама тоа стана лански снег. Научниците кои дигаа глас преживеаја, но угледот на науката - не баш.

Децата кои се подложни на тип 1 дијабетес и јадат банани, овес и јогурт е поверојатно да ја развијат болеста, додека ако истите консумираат јагоди и боровници го намалуваат ризикот од болеста, пренесува Гардијан.

Пред четири години Орегон го донесе најлибералниот закон во САД за декриминилизарање на дрогите. Во меѓувреме, злоупотребите на дроги и несаканите општествени нус-појави толку многу се прошириле што веќе не можеш дете да пуштиш на улица. Сега повторно ја криминализираат дрогата, дилерите ќе се казнуваат а оние со мали дози ќе бираат меѓу казна и превоспитување.

Упорната, неколкудецениска војна против цигарите и пушењето во Австралија резултираше со стабилен и постојан пад на бројот на пушачи во земјата. Сè додека тој пад одеднаш не престана и покажа дека постои одреден дел од луѓето кои ќе продолжат да пушат без разлика на сè. А тие се доволно голем и добар пазар за да се заинтересира подземјето.     

40 годишен човек од Јапонија дошол до заклучок дека вообичаеените 16 будни часа во денот не му се доволни за да направи сè што сака и планира, па не само што сам се натерал да му е доста само пола саат спиење, туку сега и други учи да спијат кратко. А што прави тој па што толку не може да стигне? Хмм, билдер е.  

По ново, цела Австралија има право на исклучување, што значи целосно игнорирање на пораки, мејлови и телефонски повици од директорот, газдата, претпоставениот, по завршувањето на работното време.

Првиот човек на австралиската компанија за минерални ресурси што како ретко кој успеа да ги врати од дома своите вработени и целосно да укине работа од дома, сега сака да ги укине и паузите за кафе.