Во истражувањето на турските офталмолози Фатима Сумер и Севги Субаши биле вклучени 64 здрави, претходно неинфицирани доброволци. Прегледите биле направени пред вакцинацијата и околу 75 дена по втората доза.
Истражувачите измериле намалување на густината на ендотелните клетки на рожницата од 2.597 на 2.378 клетки на квадратен милиметар, што одговара на пад од околу 8,4%.
Покрај тоа, се зголемила варијацијата во големината на клетките, се намалил процентот на клетки со правилна шестоаголна форма, а централната дебелина на рожницата се зголемила. Сите овие промени се сметаат за статистички значајни.
Ендотелните клетки на рожницата речиси не се обновуваат, поради што авторите сметаат дека загубата е структурна дури и кај млади здрави возрасни лица без претходна очна патологија. Кај учесниците, сепак, не е пријавена загуба на видот во периодот на следење.
Авторите заклучуваат дека промените се јавуваат на краток рок по две дози и препорачуваат построго следење кај лица со веќе низок број ендотелни клетки или кај оние што имаат трансплантирана рожница.
Притоа се истакнува дека студијата се потпира на релативно мал примерок, без контролна група, што значи дека покажува поврзаност, но не и докажана причинско-последична врска помеѓу вакцинирањето и штетата врз очите.
