Раперот бил излезен со Инстаграм модел по што во одат кај него во хотел и имаат секс. Сега истиот овој модел сака да го тужи, не по основа #metoo, ама сепак го тужи.

Стариот може да каже дека работата му била мед и млеко иако де факто, работел само со млеко. ДНК тестови покажале дека разнесувачот на млеко, Рендал Џефрис зачнал 800 деца во Сан Диего и околината.

Повеќето од оние кои се раѓаат овие години, ќе можат да очекуваат дека ќе живеат преку 100 години. Но ако нам 40 години работа пред пензија ни се чини многу, нека му ја мислат тие со 60 години веслање.

Откако долго време ги усвојуваме некои нивни карактерни и прехрамбени особини, време е и за директно поврзување на човекот и свињата. За првпат во историјата на трансплантациите, на 57 годишен маж му е пресадено срце од свиња.  Се чувствува добро ама веројатно не сака да му ставаат јаболко во уста.

Влезот во ресторани, музеи, барови, кафулиња и слични естаблишменти во Германија наскоро се комплицира за сите што немаат три дози вакцина (2 + бустер).

Каде ја бараат и во што ја наоѓаат луѓето среќата и смислата на своите животи? Среде пандемија биле прашани 19.000 возрасни лица во 17 различни држави од светот. Има некои константи ама интересни се и разликите.

По повеќе пријавени случаи и општо загриженост, научна студија потврдува дека вакцинацијата против ковид-19 може да го наруши менструалниот циклус кај жените и тој да биде привремено и делумно одложен, пишува Блумберг.

Магазинот вади дел од подкаст од пред еден месец во кој Џон Стујарт маалски со колеги зборува за Хари Потер, и тоа го пакува под насловот „Џон Стујарт ја обвинува Џ.К. Роулинг за анти-семитизам“. Стујарт реагира на ова со порака до Њузвик: „гзот да ми го јадете.“

Платнените маски би можеле да ве заштитат од грип но не и од коронавирус, гукна после две години пандемија поранешниот прв човек на Американската агенција за храна и лекови и актуелен член на бордот на Фајзер.

Врвен вакцинален научник кој учествувал во создавањето на вакцината АстраЗенека порачува дека неколкукратно вакцинирање секоја година не може ни да се изведе, ни да биде одржливо. Наместо топтан, сосе деца, треба да се штитат ранливите групи. А и за тие се потребни дополнителни информации.

Спенсер Елден кој како голо бебе се појавува на обвивката на „Неврмајнд“ албумот на Нирвана, го тужеше бендот тврдејќи дека бил жртва на сексуална експлоатација на деца.

Тогаш се палевме на гитарата со два врата на Брега, наместо на Мерцедесот за кој го осудивте Грујо, на тоа колку публика имало на „Ајдучка чешма“ , а не колку понудил за кауција Сашо, кај ќе чекаме ние Нова Година а не кај чекала Катица, ни беше важно што ќе донесат тато и мама во торбата од работа, а не колку има во Луј Витон торбата на Боки.

Блек оксиџен органикс (БОО) се појавува од никаде и се шири паралелно со проблемите со пандемијата, и за цело време растура со продажба по социјални мрежи ветувајќи секакви магични здравствени придобивки од нивниот производ, и правејќи милионски суми промет. И сега сето тоа е во минато време.

Ковакс системот за распределба на вакцини требаше да биде главен плејмејкер во глобалното справување со глобалниот непријател. Но богатите прописно го маргинализираа целиот тој систем: наголемо се зборува за трет, четврти или н-ти бустер, додека три ипол милијарди луѓе воопшто не се вакцинирани со што се остава отворена врата за многу поопасни варијанти.

Министерот за здравство на Холандија најави дека земјата би можела да почне да се подготвува за дополнителни три бустер вакцини против ковид на постојните 2+1.

Универзитетските видео предавања треба да се пуштаат на двојно поголема брзина ама да се изгледаат два пати за најлесно да се научат. Истото веројатно важи и за разни Јутјуб туториали што ги гледате.

Иако бројот на хоспитализации е зголемен, високите смртни стапки од ковид во Британија „сега се историја“ а самата болест „е далеку помалку сериозна и многу луѓе релативно малку време се во болница“, изјавил водечкиот британски имунолог, сер Џон Бел.

Американската вселенска агенција имала ангажирано 24 теолози кои треба да проценат како светската популација ќе реагира ако се откријат вонземјани на некоја далечна планета. Значи немаат откриено, туку само превентивно, ако откријат вонземјани.

Мажи низ Америка по сопствена волја и свесно, без никој тоа да го побара од нив, прават вазектомии како „знак на љубов“ кон своите сакани.

Виралната залуденост на дебелите дека проблемот не е во нив туку во сите околу нив, надмина нова рецка откако активисти за дебелите почнаа да бараат доктори да престанат да ги тераат дебелите да се качат на вага затоа што тоа било премногу стресно за нив.

Највисоките британски здравствени советници се обвинети дека промовирале „сомнителни податоци“ кои претеруваат околу ризикот од омикрон варијантата.

Старото правило вели дека не е вест кога куче ќе гризне човек туку кога човек ќе гризне куче. Оваа вест загризува подалеку: на изложба на кучиња, жена гризнала друга жена.

Без разлика колку ќе биде сурова новата варијанта, апетитот за ставање на населението во карантин и други масовни општествени интервенции едноставно веќе не постои.

Од над 1 милијарда евра што од рускиот буџет ќе бидат одвоени за тамошни медиуми, најголемиот дел ќе заврши кај РТ, односно неговиот основач ТВ Новости.