Во наредните година-две, милиони луѓе ќе останат без работа затоа што вештачката интелигенција ги направила непотребни. Факултетските дипломи ќе треба сериозно да се преиспитаат дали вредат за парите и откажувањата. Ќе има многу стрес, очај, гнев. Уште сега совет на инвеститори гласи: „Продадете сè што се состои од луѓе што седат на биро и гледаат во компјутер“.

Калифорнија веќе четири години го гради големиот и веројатно најскапиот премин за диви животни „од планински лавови до пеперутки“ преку автопат и тој се уште не е поврзан со шумите. На гувернерот Гевин Њусом не му стаса првичната сума од 93 милиони долари за надвозникот, па од касата на сојузната држава доби уште 19 милиони. 

Во име на безбедноста на децата, њујоршкиот градоначалник објави план за намалување на брзината на 15 милји на час во училишните зони низ градот. Се разбира, камерите ќе снимаат и казнуваат 24 часа, и кога децата спијат. Критичарите велат дека прогресивниот Мамдани планира да го претвори „градот што никогаш не спие“ во „град што никогаш не мрда“. Писмо од Лондон.

Решен да го спаси своето куче болно од рак, на кое не му помогнале операција и хемотерапија, Австралиец со помош од ЧетГПТ развил формула за вакцина со mRNA. По две дози, туморите се намалиле и кучето живнало. За експертите, ова е пример како технологијата може да го олесни и да го „демократизира“ дизајнирањето персонализирани третмани против рак.

Паднатиот филмски могул и осрамотeн крал на Холивуд во самица проаѓа 23 часа на ден. Чита лектири, книги и мемоари, понекогаш ќе изгледа филм, стравува дека ќе умре зад решетки бидејќи има рак на коски. Признава дека бил нахален и арогантен, но не и дека некого сексуално нападнал. За оние кои го обвинија вели дека главно се работело за пари или за тоа да се биде дел од линчот против него. 

Во океанот близу брегот на Бостон биле истурени 65.000 литри хемикалии, не од индустриска катастрофа, туку како геоинженерски експеримент за да забави глобалното затоплување. Последиците врз морскиот живот се уште не се познати. Дури и ако експериментот успее, ќе мора да се истураат милијарди тони хемикалии за да се постигне некаков ефект.

Документи од досието Епстин откриваат дека финансиерот не се занимавал само со местење девојки и организирање оргии за луѓе од елитата, туку преку „свои луѓе“ имал влијание врз одлуки на Конгресот за финансирање научни проекти. Во една преписка се пофалил дека го уништил револуционерниот проект на Стенли Понс за евтина и чиста енергија од ладна фузија.

Зад кујнските врати на ресторанот со три Мишелин ѕвездички Нома, готвачите трпеле физички и психички терор од Рене Реџепи. Светски прочуениот шеф со македонско потекло ги терал практикантите бесплатно да работат по 16 часа на ден, а готвачите ги изложувал на јавни понижувања, ги удирал и ги боцкал за најмала грешка или од бизарни лични каприци.

Војната, она што на повеќето луѓе им носи страв и неизвесност, на Рон Хабард (нема врска со основачот на Скиентологијата) му носи прилика да трие раце. 63-годишниот Тексашанец гради бункери дизајнирани да се преживеат напади со дронови, балистички ракети па и нуклеарен Армагедон. Нарачки направиле и двајца домаќини луѓе од најблиското опкружување на американскиот претседател. 

Долго време ветената земја за луѓето од овој регион полека ја губи својата привлечност. Истражување на германското министерство за труд покажува дека сè повеќе работници од ЕУ решаваат да ја напуштат земјата по неколку години работа, што го усложнува сериозниот проблем со хроничниот недостиг на работници. И тие што доаѓаат во Германија од другите земји на ЕУ, не планираат да останат долгорочно.

Научници со години предупредуваа дека микропластиката се наоѓа во сè: од храната и пијалоците, до облеката, до средствата за чистење. Оваа микропластика се акумулира во нашите тела и претставува сериозен ризик за нашето здравје. Така барем ни кажуваа. Но, некои научници сега ја отфрлаат таа идеја, а еден истражувач дури и ги нарече студиите што алармираат за ова - смешка.

Пандемијата на ковид и карантините нанеле долгорочна штета врз развојот на мозокот кај децата, особено на генерацијата што била во забавиште. Изолацијата ги спречила да се социјализираат и им ја намалила способноста да се фокусираат и да се прилагодуваат кон нови ситуации. Сега се на возраст од десетина години и сè уште ги чувствуваат последиците.

Неодамнешен експеримент со вештачка интелигенција покажа дека ако почне трета светска војна, сигурно ќе прерасне во нуклеарна. Сценариото го продолжуваме со една добра и една лоша вест: Добрата е дека две земји ќе го преживеат нуклеарниот холокауст. Лошата вест е дека ние не сме меѓу нив.

Синџирот за брза храна Мекдоналдс во Германија почна рекламна кампања со која настојува да не ги доведува во искушение муслиманите што постат за време на Рамазан. Ќе забранат ли слики од млади девици за да не доведат во искушение луди терористи да се дигаат во воздух?

Компанија на Илон Маск мораше да се откаже од вградувањето и промовирањето на опцијата „автопилот“ во возилата Тесла за да може да се продаваат во Калифорнија. Властите во оваа држава тврдат дека терминот може да ги поттикне возачите буквално да кренат раце од воланот, иако мораат активно да управуваат со возилото.

Додека европските земји настојуваат итно да ги исфрлат фосилните горива и да ги заменат со ветерници, загрозувајќи ја сопствената енергетска стабилност, Кинезите ги комбинираат предностите на обновливите и традиционалните извори. Градат комбинирани централи и го зголемуваат капацитетот за чување енергија во батерии, заради стабилност на мрежата.

Канаѓанка ја обвинува државата дека либералните закони за еутаназија ѝ го убиле синот. Тој страдал од повремени бранови на депресија и кога бил во криза се решил на асистирано самоубиство. Лекарката од програмата не само што не го обесхрабрила, туку и го охрабрувала да си го одземе животот и не ги известила неговите родители.

Автомобилската индустрија ги промовира хибридните коли како идеален баланс за заштита на околината и намалување на трошоците за гориво, без да се ограничи патувањето. Точно е само третото. Неодамна беше утврдено дека чадат како бензинци, а нова анализа укажува дека трошат три пати повеќе гориво отколку што декларираат производителите.

Вакцините со мРНК против коронавирусот кај мал број луѓе предизвикале повеќе несакани симптоми слични на долг ковид. Научен тим од универзитетот Yale открил изразени биолошки промени кај луѓето погодени од овој „поствакцинален синдром“. Имаат разлики во имуните клетки, се реактивира неактивниот вирус Епштајн-Бар, а коронавирусот им се задржува во крвта.

За време на ковид пандемијата, италијански научници документираа нешто интересно: во области со повеќе дрвја по глава на жител, бројот и сериозноста на ковид случаите беа помали отколку на места со помалку дрвја, дури и кога се земаат предвид разликите во густината на човечката популација. Паметни земји веќе вклучуваат шумски терапии во своите стратегии.

Кинеската мрежа од брзи железници без проблеми го истрпи притисокот од најголемата миграција на луѓе во светот – повеќе од 1 милијарда патувања на работници од градовите за да ја прослават лунарната нова година со семејствата. „Порано одевме на станица претходната вечер и спиевме на подот. Сега сè се организира преку телефон“, вели еден патник.

Активистка на Хамас го предизвика бесот на њујорчани, но не поради острите и провокативни говори насочени против Израел по универзитетските кампуси, па дури ни со повиците за насилство против Евреите. Ѝ се нафрлија кога ги погоди во слабата точка – со повикот да не чуваат „валкани“ кучиња како домашни миленици.

Граѓанско здружение во САД бара да бидат укинати сите мерки што го нарушуваат правото на слободен медицински избор на пациентите, вклучувајќи ги и задолжителните вакцинирања и носењето заштитни маски. Сојузните држави сега имаат сопствени политики, кои често пати се судираат. Во некои веќе се предложени закони за заштита на правото на избор.

Меѓународен тим истражувачи открил зошто вакцините против ковид базирани на аденовирус придонесуваат за згрутчување на крвта. Компонентата со аденовирус во вакцината го збунува имунолошкиот систем и го тера да ги напаѓа тромбоцитите кои содржат сличен протеин. Тоа се случува ретко, но може да има и фатални последици.