Како што одминува првиот мандат на американскиот претседател така прес-конференциите со него (и екипата од Белата куќа) се повеќе добиваат на забавност и возбуда, а се помалку на информативност. Се на се брифингот од Белата куќа е станат спектакл како кечери.

Откако се исклучиле опциите да е метеор или комета, за еден мистериозен објект кој во нашиот ѕвезден систем беше забележан пред две години, астроном од Харвард вели дека можеби е „порака во шише“ испратена од друга цивилизација и дека кон таа можност треба да пристапиме со отворен ум.

Градските власти во едно место во Њу Хемшир отпрвин не му дозволиле на еден виетнамски ресторан да постави знак со своето име бидејќи комбинацијата на зборови им звучела непристојно. Откако виделе дека сопствениците се докрај решени да го бранат своето име, на крајот сепак решиле: Ок, викајте се како сакате.

Дејвид Смит едно 30 години работи како градежен инспектор во компанија каде што е одговорен за градежно портфолио од 800 милиони евра. Во 2009-та му пука филмот и решава да смени дејност, и тоа радикално - почнува да испорачува јахти на богаташи.

Лицата со радикални политички ставови, и од левицата и од десницата, имаат намалена способност да проценат кога грешат. Не за политика, туку општо.

Колку што производителот на жилети и опрема за бричење правилно одбра теми на кои да се закачи, толку беше лоша и несмасна изведбата на нивната кампања.

Најсигурен начин да фатиш грип е некој со грип да ти се искива у фаца. Ама пошто не секогаш имаш таков при себе, овие продаваат марамчиња во кои некој веќе кивнал а ти само треба да ги протриеш од својот - не уште долго - здрав нос. Зошто сето тоа? За да си се разболиш кога ти сакаш!

На младите им е неподносливо дека овде цел живот ќе треба работат само за да можат да преживеат додека родителите не им цркнат и после да ја добијат недвижноста што родителите им ја стекнале во социјализмот.

Во четвртокот Базфид ја објави информацијата што сите ја чекаат повеќе од две години: дека адвокатот на Трамп, Мајкл Коен, признал пред американските власти дека добил инструкции од Трамп да лаже на сослушувањето пред Конгресот околу наводната соработка на Трамп со Русите. Еден ден подоцна ова беше демантирано лично од човекот кој раководи со истрагата против Трамп.

Ја видовме Топ 10 листата на Светската здравствена организација за здравствените опасности во 2019-та година и да знаете дека во Македонија речиси сè си имаме. Уште ебола и денга да нè спопаднат па да можеме со право да кажеме дека сме „светот во мало“.

Дури 60% од познатите сорти кафе се во опасност поради климатските промени и другите бељи кои ја задесуваат оваа планета. Меѓу нив и оние најпопуларните.

Кога човештвово еднаш ќе се распакува на Марс (како старите Словени кога од зад Карпатите стигнале некаде кај Пехчево, кога некој маж ѝ рекол на жена му: „А? Ти реков дека ќе те носам на јако место?“), многу веројатно е дека некој после напорниот пат ќе посака да го залие успехот со чаша вино. Грузијците веќе работат на тоа на црвената планета тогаш да има доволно грозје.

Откако со децении килаво проаѓаат сите диети зад кои мотивацијата за слабеење е лична, научниците развиле диета која ветува дека оваа планета ќе може да прехрани 10 милијарди луѓе. Со други зборови, кога ќе сакате да загризете во оној ваш омилен колач, сочно парче месо, пастрмалија или што и да е што вам ви прави лиги, треба да си кажете: „Ама така ќе нема за сите!“. Наука ако не те насмее, кој?

Кинезите веќе долги години имаат пракса да одберат европски град што ги бендисува на око, и да направат негова идентична функционална копија во Кина. Хуавеи целата работа ја крева на повисоко ниво, па новиот кампус во Кина го прави исклучиво со клонови на населби од европски градови.

Откако се обистинил стихот од македонската песна „Зајди, зајди, јасно сонце“, на првиот зелен лист насаден на Месечината му станал јасен еден друг стих, од Забрањено пушење: „Овде ноќта паѓа грубо“. 

Северното магнетно поле на нашата планета неочекувано забрзало и почнало да шиба од канадскиот Арктик накај Сибир. Промената е таква што актуелниот модел на магнетното поле на Земјата веќе не важи па мора да се прави нов.

Наспроти тоа што се едвај нешто над 600.000 луѓе, Луксембург константно има проблем со сообраќаен метеж. И ова планираат да го сменат со воведување бесплатен превоз.

Нобеловецот кој ја откри тајната на ДНК остана без сите свои титули, звања и почести поради неговите заклучоци дека расите се разликуваат по својата интелигенција. „Кој работел со црнци, знае,“ го шокираше светот своевремено Џејмс Вотсон. Кај вакви случаи никогаш не ти е докрај јасно дали научникот просто швркнал на стари години или пак можеби само открил една тајна премногу.

Сè помалку Американци умираат од рак, ама затоа, бројот на сиромашни се зголемува во однос на бројот на богатите. А од рак најмногу умира сиромаштијата.

Костко, еден од најголемите ланци на супермаркети во САД, почна да продава синдикална доза макарони со сирење чиј рок на траење е 20 години.

„Јас сум Томислав Тунтев, државен службеник, ве молам дајте некој денар за да се избутка месецов“. Вакви и слични апели ќе читавме да беа вработени во американската федерална влада која по наредба на Трамп од декември е на принуден и неплатен одмор. За жал, немаме ние среќа да гледаме таков сеир.  

Ви тече нос, имате температура, едвај стоите на нозе, а сепак се силите да работите од дома? Мобилноста, чувството на вина и компетитивноста, прават денес човек да не е раат ни кога е болен.

Мултимилионска направа која требаше систематски да го чисти ѓубрето во Пацификот во согласност со очекувањата на експертите се расипа и моментално ја влечат накај Хаваи за поправка.

Чекор бр. 1: Разведи се од најбогатиот маж на светот.