Иако ланската година беше рекордна по запленетиот кокаин во европските пристаништа, се очекува оваа година за крим-полицијата да биде далеку понеуспешна. Причина за тоа е што криумчарските банди во меѓувреме нашле начин како да им ја отежнат работата на полицајците и развиле нови методи заради кои речиси е невозможно кокаинот да биде откриен.

Откако речиси две години на фронтот двете страни главно напредуваат во педи, во октомври годинава Русија освојува најголема територија уште од летото 2022, откако украинските линии почнуваат да пукаат под константниот притисок, пишува Њујорк тајмс.

Ова е најдоцна во годината што планината Фуџи била без снег откако Јапонците почнале да водат писмен есап за тоа пред 130 години. Обично снегот прв пат се појавува некаде на почетокот од октомври.

На анкета спроведена на две недели пред изборите во САД, повеќе од една четвртина од испитаниците изјавиле дека стравуваат дека по претседателските избори ќе избие граѓанска војна во земјата.

Животните многу повеќе претпочитаат ферментирани овошја отколку што досега се претпоставуваше, што значи дека им е јасно какви ефекти врз нивното расположение предизвикува етанолот во нив. Не е најпаметно пијани да се пентарат по дрвја со куп предатори околу нив, ама па алкохолот и паметта никогаш не оделе заедно.

Раководителката на една долгорочна студија за блокатори на пубертет признава дека резултатите покажале дека оваа терапија не го подобрува менталното здравје кај децата на кои им се дава, ама тоа не се објавува заради страв дека истите овие резултати ќе бидат злоупотребени од противниците на оваа мерка.

Рускиот суд пресуди дека Гугл им должи оштета на руските медиуми заради блокирање на нивните содржини во износ од цели 20 децилиони долари. Бројката се пишува 20 со 33 нули.

На оглас за недвижности во Силициумската долина (Сан Хозе) се издава буквално простор под скали (3 на 0,9 метри, или неполни 3 квадрати) за само 250 долари. Според огласот, местото најдобро ќе му легне на „гејмер“, а лица со криминално досие не се примаат.

На нешто повеќе од една недела до денот на изборите за претседател во САД, претседателската трка изгледа поблиска од кога било. А тоа е лоша вест за Камала Харис: до пред само еден месец таа имаше солидно и стабилно водство. Ама почна да вергла празни флоскули. Сè повеќе топ демократи се убедени дека Харис ќе изгуби.

Новинарска истрага на францускиот весник „Ле Монд“ покажа дека тајните локации и движењата на американскиот претседател Џо Бајден, претседателските ривали Доналд Трамп и Камала Харис и други светски лидери може лесно да се следат на интернет преку фитнес апликација што ја користат нивните телохранители. Страва.

Светската банка е една од оние глобални финансиски гиганти кои влеваат стравопочит не само во поглед на моќта, туку и заради сериозноста со која ги решаваат светските проблеми. Но, финансиска ревизија на нивното климатско портфолио покажува доста арабаџиски однос - не е јасно каде завршиле меѓу 24 и 41 милијарда долари.

Економските проблеми на Германија и сè повисоките трошоци за производство го натераа производителот на автомобили да планира затворање на три свои фабрики во матична Германија, со што на улица ќе останат стотици илјади вработени.

Затвори очи и замисли 12 милиони луѓе. Сега замисли дека сите овие 12 милиони по цел ден единствена работа и кариера во животот им е само да бидат инфлуенсери по социјални мрежи. Е овие 12 милиони се само во САД.

Еден пакистански имам од Италија почнал на своите верски служби да станува сè поекстремен, до ниво да бара од верниците на секој начин да им се спротивстават на неверниците, да избегнуваат плаќање данок на државата и слично. Иако иманот е таму речиси 30 години, Џорџа Мелони веднаш потпишала декрет тој итно да биде протеран од Италија.     

Канаѓанец со секакви ментални проблеми помислувал на смрт за да си ги прекине маките. Во таа земја е легализирано асистирано умирање, но за болести кои се неизлечиви и безнадежни. Докторите кои решавале за неговиот случај, дале дозвола за еутаназија, заклучувајќи дека на човекот не му е добро после трите ковид вакцинации.

Доколку плачете на филмови, секојдневни ситуации ги толкувате како опасност по живот или се плашите од одбивање, тогаш имате уште една работа за која треба да се секирате - најверојатно порано ќе умрете.

Истрага на Блумберг за тоа што и како влегува во Русија, открива една по ништо забележлива индиска фармацевтска компанија која нашла начин како да испорача стотици најнови сервери во Русија и целосно да ги заобиколи глобалните санкции.

Рускиот производител на Автомобили „АвтоВАЗ“ работи на нова платформа која ќе се користи како основа за изработување на возила од висока класа кои треба да им конкурираат на модели како Ц класата на Мерцедес.

Фондацијата за индивидуални права и изразување (FIRE) и Институтот NORC на Универзитетот во Чикаго спроведоа истражување на 1.022 потенцијални гласачи на претстојните претседателски избори во САД. Резултатите покажуваат дека слободата на говорот е второто најважно прашање за гласачите на овие избори, поважно од здравствената заштита, имиграцијата, криминалот и оружјето.

За Доналд Трамп се знаеше дека нема да биде поддржан од левичарскиот медиум на Џеф Безос, но интересна е нивната одлука да не застанат зад еден од претседателските кандидати, нешто што го немаат направено од 80-тите години. Претходно и Лос Анџелес Тајмс го направи истото. Мат Таиби вика дека овие два проминентни анти-Трамп медиуми се спремаат за лоши вести од изборите.

Непознато лице кое е идентификувано само како француски државјанин преку неколку сметки ставил 45 милиони долари на сајтот за кладење Полимаркет, дека Доналд Трамп ќе биде следниот претседател на САД.

Во Германија заврши експериментот со работење 4 дена неделно. Експериментот траеше шест месеци и донесе одлични резултати, но и еден сериозен проблем за фирмите што учествуваа - сега не им се работи по 5 дена.

Лани имаше голем скок на глобалните температури во „најтоплата година досега“ што беше следено и со соодветен скок во климатскиот алармизам. Меѓутоа, скорешен труд на метеоролошката служба на ЕУ, Коперник, покажува дека затоплувањето било поттикнато од силна и природно настаната осцилација, но и дека скокот не е без преседан бидејќи малку поголем скок се има случено во 1976-77 година.

Идејата зад универзалниот основен приход звучи оправдано и примамливо: без разлика дали и што работат, сите луѓе имаат право на достоинствен живот и затоа треба од државата секој месец да добиваат некои пари, за да не бидат под удар на егзистенцијалните закани. Така ќе имаат и повеќе време и тоа време ќе го искористат да бидат покреативни и попродуктивни. А сега назад кон реалноста.