Вештачката интелигенција за појадок јаде по еден мегават струја. За една единствена генерирана слика се троши енергија како за полнење смартфон до стотка. Центрите во кои се обработуваат податоците за ВИ сега трошат струја речиси колку цела Франција. Мајкрософт прв купи нуклеарна централа. Веднаш потоа и Гугл, но малку му е една, па сега потпиша договор за уште три.

Независниот сенатор од Вермонт, Берни Сандерс, потрошил над 221.000 долари за приватни авиони за време на неговата турнеја „Битка против олигархијата“. Сандерс го правда користењето приватни авиони бидејќи тие биле единствениот начин да стигне онаму каде што сакал да стигне. Пошто комерцијалните авиони честопати доцнеле а не е убаво да го чекаат.

Ако по името папата се познава, работниците треба да се молат за долговечност на 69-годишниот Лео 14-ти. Тој дискретно најавува дека ќе ja продолжи мисијата на својот имењак од 19 век, кој кревал глас за угнетуваните и сиромашните во свет сличен на денешниот. Не само да ги благословува, како што правеше Франциско, туку и да ги брани од „богатите сопственици и сите господари“.

Современата технологија конечно го оствари сонот на средновековните алхемичари. Од олово е создадено злато, кое за жал нема да збогати никого освен физичарите и инженерите. Големиот хадронски колајдер на ЦЕРН треба да судира атомски честички на олово повеќе од 3.000 години за да ги создаде шесте грама злато колку што ги има во обичен прстен.

Џо Бајден ангажира искусен стратег за кампања и комуникации за да помогне да се разубави неговото наследство во време кога многумина демократи бараат тој конечно да се симне од политичката сцена за да не прави уште поголема штета. Медиумскиот гуру треба да го спаси од гафовите снимени во интервју и од книга што говори за очајничките обиди да ја прикрие својата сенилност.

Поранешна функционерка во администрацијата на Буш тврди дека САД изградиле подземни градови за десетици илјади милијарди долари тајно извлечени од буџетот. Нема одговор како е можно никој од армијата градежници да не каже ни збор за тоа. Но, факт е дека во САД уште од Студената војна цвета бизнисот за копање бункери, без оглед дали се луксузни или егзистенцијални.

Изборот на кардиналот Превост, умерен прагматичар близок до Франциско, е показател дека кардиналите на конклавата барале стабилна рака што ќе ја води Католичката црква низ трнливите доктринални дебати што ги поттикна неговиот претходник. Неговиот избор на името Лео што означува „сила за време на криза“ покажува спремност за она што ја чека црквата во време на глобална нестабилност.

Кина и Русија, стратегиските сојузници на Пакистан и на Индија, се воздржуваат од мешање во новата војна во Кашмир. Престрелката на соседите со нуклеарно оружје се одрази кај членките на НАТО. Мнозинството реагира неутрално, иако ѝ е наклонето на Индија, како важен пазар за продажба на оружје и воена опрема. Отскокнува Турција, која е поврзана со Пакистан по исламска линија.

Директорот на DeepMind на Гугл, Демис Хасабис, не е сигурен дека сме. Упатени проценуваат дека тој ден ќе дојде следната деценија. Сем Алтман од Опен АИ пак, тврди дека тоа ќе се случи за само пет години. Хасабис вика дека ноќе не спие заради ова прашање. Не би спиеле ни ние ако баш се замислиме на проценките дека шансите да НЕ преживееме се 99,9 (и многу деветки потоа) проценти. Па затоа не се замислуваме.

Францускиот претседател Макрон симболично вети поддршка за „новата“ Сирија, промовирајќи го ребрендирањето на нејзиниот лидер од озлогласен џихадист Абу Мухамед ал Џoлани во претседател Ахмед ал Шара. Командантот на група на Ал каеда по кого беа распишани потерници низ светот, си го промени борбеното име, но не и ќудот. Неговите сили во март масакрираа 1.700 луѓе.

Српските студенти речиси шест месеци ги блокираат тамошните факултети и универзитети во протест за паѓањето на  настрешницата во Нови Сад. Пропалестински активисти во Универзитетот Колумбија во Њујорк блокирале и вандализирале библиотека… Управата повика полиција, која ги расчистила активистите за помалку од шест часа. Меѓу нив не биле само студенти.

Пред осумдесет години на денешен ден, монструозната машинерија на Третиот Рајх конечно беше уништена во прашина. Свастиката беше откорната од Рајхстагот, логорите на смртта беа ослободени, а Европа - крвава, трауматизирана, но непотклекната - излезе од најтемната ноќ во историјата.

Група научници од Цирих со еден удар два пати надитриле кавгаџиски настроена заедница на Редит. Не само што во широка расправа скришно претставиле модели со вештачка интелигенција како да се луѓе, туку и прилично успешно им ги променувале ставовите на корисниците. Експерти го осудуваат тајниот експеримент како „најлошото прекршување на етиката во интернет-истражување“.

Точно 14 дена по најсмртоносниот напад врз цивили во Кашмир во изминатите десет години, Индија го нападна Пакистан. Властите во Њу Делхи објавија дека воената операција Синдор е одмазда за убиството на 25 Индијци и еден Непалец. Соседите секоја деценија водат по една војна за Кашмир, но овој пат ситуацијата е посериозна, бидејќи има помалку разум а повеќе нуклеарно оружје.

Нови духови ги опседнуваат компаниите. На оглас за вработување избираш кандидат со најдобро CV, правиш интервју преку камера и дури кога е предоцна сфаќаш дека човекот не постои. Си вработил бот, чија цел е да украде податоци од системот или да уфрли малициозен софтвер и да бара откуп за да го избрише. Вообичаен белег на ботовите е перфектно составено резиме. 

Двајца Кинези едвај спасија жива глава од хуманоиден робот што ненадејно и неконтролирано се размавта во халата во која бил изложен. Добрата вест е што никој не бил повреден. Лошата е очигледна од снимката што го обиколи светот и е крајно вознемирувачка. Мала грешка во кодот може од кроток робот да направи убиствена машина. А што ако некој намерно го програмира?

САД се прочуени по заштита на светоста на приватниот имот па секое влегување во нечиј двор може да доведе до фатални последици ако сопственикот е а) напнат и б) има оружје. Заради тоа ги ставаат оние знаци за забрана за минување („No Trespassing“), за на сите да им биде јасно да се свртат и да заминат. Но, во речиси половина држави не ни ставаат знаци туку предупредуваат со боја.

Шпоретите на гас ослободуваат доволно големо ниво токсични гасови за да предизвикаат рак, покажува нова студија. Главниот виновник е бензенот, кој се создава со согорување на природен гас или пропан. Децата се двојно повеќе изложени на ризикот од возрасните. Добрата вест е што подобро вентилирање на домот, макар и отворен прозорец покрај шпоретот, го намалува ризикот.

Што ако гравитацијата, силата што нè држи на планетата, всушност е само обид да се заштеди процесорска моќ во Универзумот, за да се среди нередот во него? Ова е основа на сериозна научна теорија дека животот каков што го знаеме е симулација. Се чини фантастична, но теоријата на релативноста и квантната механика не дале ништо подобри одговори што е гравитација.

Трамп потпиша наредба за забрана на контроверзните лабораториски испитувања за „стекнување функции“ (gain-of- function) кај вируси. САД преку УСАИД и други организации финансирале вакви истражувања во Кина и во други земји без да ги надгледуваат експериментите. Случајно протекување на еден таков вирус од лабораторија во Вухан уби десетици милиони луѓе и ја уништи светската економија.

На прославата на 80-годишината од крајот на Втората светска војна, на прагот сме на Третата. Така барем сметаат многумина жители на САД и на Западна Европа опфатени со голема анкета на Југов. За најверојатни потенцијални противници ги сметаат Русија и исламските терористи и убедени се дека во новиот глобален конфликт ќе биде употребено и нуклеарно оружје.

Американскиот претседател Трамп во неделата изјави дека САД нема да употребат сила за да ја направат Канада своја 51-ва сојузна држава. Како што тргнало, и не мора. Канада може самата да се расцепка. Неговата закана, како и победата на либералите на изборите, само го разгоре тивкиот сепаратизам на канадски провинции богати со нафта, кои се чувствуваат игнорирани од владата во Отава.

Мобилните телефони, рутерите, базните станици, сите уреди со радиофреквентни зрачења сепак имаат врска со тумори, покажува нов преглед финансиран од СЗО. Тоа не мора да значи дека треба итно да се ослободиме од мобилните телефони, без кои животот денес не може да се замисли, но има инженерски решенија што може да помогнат. Пред се, луѓето треба да знаат за ризикот.

На корисник на четбот не му е важно како машината го создава одговорот. Важно е да е точен и употреблив. Исто како што не мора да си електроинженер за да користиш апарат. Но, кога творецот на една од најнапредните лаборатории за развој на вештачки умови ќе каже дека нема поим како функционира системот што го создал, имаме голема причина да бидеме многу загрижени.