Како со плата од 170.000 долари годишно конгресмен може да стане мултимилионер? Никако, вели Илон Маск. А, сепак, ги има многу такви. Останува дилемата дали поголема плата ќе ги демотивира да крадат. Од наше искуство - тешко.

Германската индустрија кризира додека е на терапија на одвикнување од рускиот гас. Охрабрени од напорите на Доналд Трамп да ја запре војната во Украина, компании во источниот дел на Германија веќе кројат планови за блиско идно време, кога рускиот гас повторно ќе протече низ вентилите. 

На 75 години почина Дејвид Џохансен од групата која, кога почна да пржи на почетокот на 70-тите, п од панк немаше на европската сцена. Заедно со Велвет и Стуџис ја обележаа њујоршката сцена во таа деценија иако во првата фаза имаа само два албума. Кога се распаднаа, во Европа допрва почнуваше панкот бидејќи вирусот веќе беше раширен.   

Информатичката технологија поминува низ историска трансформација на работната сила. Брзиот развој на вештачката интелигенција го префрли фокусот од програмирање кон бизнис. Работниците и компаниите што не умеат брзо да се прилагодат ризикуваат да бидат прегазени од времето и конкуренцијата.

Секое спомнување на Сомалија ги потсетува Американците на смрт и бомби, на соборените хеликоптери „блек хок“ и масакрот на војниците во Могадишу. Сол на раните се сведочењата и обвинувањата дека САД преку УСАИД всушност ги финансирала сомалиските терористи од Ал Шабаб.

По зачестените затајувања на смртоносните инјекции, САД им се враќаат на стрелачките водови, како „похуман“ метод за егзекуција на лица осудени на смрт. Повеќето сојузни држави погубуваат осуденици со инјекции, некои со гасни комори, други користат електрични столици, а одамна помина времето на бесилките. 

Добар дел од американските корпоративни медиуми оценија дека со кавгата со Зеленски, Трамп се посрамил и себе си и целата земја. Новинари, колумнисти, експерти за меѓународна политика фрлаат дрвја и камења по Трамп, обвинувајќи го за манипулирање, понижување, карање и изживување врз послабиот сојузник.

Европскиот парламент доби професорска лекција за генезата на војната во Украина, уште од 1991 година. Од човекот чии насоки и упатства го обликуваа постсоветскиот простор, советник на Горбачов и Елцин. А, што вели Џефри Сакс? Украина е жртва на американското фрлање коцки и мрдање војници во играта „Ризик“ на реалната карта на светот.

„Шепкачот на Трамп“ се чини дека е за напуштање на Северноатлантската алијанса и Обединетите нации. Трамповото незадоволство претходно се изразуваше преку податоците кој колку пари издвојува и желбата да не паѓа сиот товар врз САД.  Ова е првпат од неговиот „Кремљ“ да се поддржи идеја за напуштање на овие меѓународни организации. 

Овој каламбур што се случува на големата гео-политичка мапа а кулминираше со скандалозната кавга меѓу Трамп/Венс и Зеленски во Овалната соба, не дека не е виден во историјата. Само што овојпат немаше никаква обвивка од идеализам. Само чиста и брутална политичка и империјална моќ. Проценки велат дека на крајот, Украина сепак ќе прифати да биде економски протекторат на САД. Подобро и тоа отколку да клекнат на колена пред Путин.

Со враќањето на законите за богохулење и со други мерки спакувани во формат на различност, инклузивност и мултикултура, Западот всушност им дава уште поголема сила на исламистите. Тие што се противат на „исламофобијата“ мислат дека ги штитат муслиманите, а всушност ја бранат идеологијата на радикалниот ислам, вели активистката Јасмине Мохамад.

Како симболичен протест или од најразлични социјални, политички и идеолошки мотиви, активисти ги повикуваат Американците да се воздржат од купување. Голем бојкот е закажан за денеска a еден пастор астор ги повикува верниците 40 дена да постат со некупување. Експертите велат дека тоа нема долгорочно да ги погоди трговците.

Корисниците што сакаат да лиценцираат пиратска верзија на Виндоус 11 добија помош од неочекуван извор, вештачката интелигенција вградена во самиот оперативен систем на Мајкрософт. Постапката е објаснета чекор по чекор, за да може секој да разбере а попат се нафрлени и предупредувања за правните последици, ризикот за безбедноста и етичките дилеми.

Поминаа девет месеци откако навидум кроткиот 20-годишен Томас Метју Крукс пукаше во Доналд Трамп на предизборен митинг. Атентаторот беше ликвидиран на место, но до денес нема одговор дали навистина дејствувал сам. Приватен детектив тврди дека Крукс имал соработници и дека тие сè уште се активни.

Бандити поставуваат заседа, се качуваат на возот, ја запираат локомотивата во пуст дел на Аризона и бегаат со полни торби плен. Само што не е 1875, туку 2025 година. Бандитите не јаваат коњи туку возат камиончиња. Пленот не се сефови полни со пари или злато,  туку патики. Илјадници скапи „најки“.

Луѓе не се сеќаваат кога последен пат на ББЦ виделе некој што е против давање пари за војска. Во англискиот етер доминираат политичари, воени експерти и аналитичари кои верглаат дека земјата мора да го зголеми трошењето за оружје. Неопходно е тоа - запомагаат тие - НАТО е под закана, мора се пресретне заканата од Путин...

Птичјиот грип кој отепа повеќе од 166 милиони кокошки е главниот душман на американската економија. Цената на јајцата се крена толку високо што ресторани веќе наплаќаат „додаток за јајце“. Администрацијата на Доналд Трамп реагира со досега најголемата инвестиција - милијарда долари за одбрана на кокошките од агресивниот вирус.

Сопственикот на „Вашингтон пост“ објави серизоно пренасочување на уредувачката политика на весникот. Одеднаш слободите станаа многу важни. Медиумот што со децении беше наклонет кон лево, сега ќе се насочел кон класичен либерализам. Прв замина уредникот на секцијата за коментари и ставови. По своја волја.

Војните по дефиниција им носат профит на производителите на оружје. Онаа во Украина поттикна ренесанса во британската воена индустрија и сега премиерот Кир Стармер во тоа гледа надеж за  задвижување на папсаната економија. Има логика: во 10-те години пред руската инвазија, Британија на Украина ѝ продала оружје во вредност од 35 милиони фунти. За трите години војна - 1,1 милијарда.

Британскиот јавен бродкастер ББЦ со гордост тврди дека е единствениот меѓународен медиум што сè уште зрачи програма во Авганистан. Цената за ексклузивноста е висока - промена на уредувачката политика и арач за поранешен водач на џихадисти што се поврзуваат со киднапирање Британци и самоубиствени бомбашки напади.

Што заради бизнис последици (мантрата гласеше „Go woke - Go broke“), што заради сигналите од Трамп дека има намера да го клистрира општеството од програмите за диверзитет, правичност и инклузивност, американски компании масовно бегаат од агендата која до вчера им беше „све и свја“. 

Британскиот нафтен гигант настојуваше да се престрои во „зелениот“ колосек и полињата на нафта и гас да ги замени со капацитети за генерирање енергија од обновливи извори, како ветер и сонце. Ама сметките покажуваат дебел минус, а инвеститорите бараат профит. Отпорот е попуст. „БП“ се прилагодува на „новата глобална реалност“.

"Не можам да ја продадам мојата земја, не можам да ја продадам Украина," храбро порача украинскиот претседател кога ја спукаа со Доналд Трамп околу американскиот ултиматум да им биде понуден договор за ретките минерали на Украина за на САД да не им бидат фрлени во ветар парите кои ги дале за Украина. Неколку дена подоцна, Зеленски прифати договор. 

Не е ништо ново ако се каже дека лошите животни навики ни го скратуваат животот. Лошо е кога тоа ќе го потврдат научниците со податоци дека просечниот животен век во Европа престанал да се зголемува по 2011 година. Формулата за долговечност останува иста: помалку лоша исхрана, повеќе физички активности.