Иако останува тоа дека никој не гледа порно, годинава само на Порнхаб се изгледани 91,8 милијарди (милијарди!) видеа. Сервисот стримал 99 гигабајти во секунда, или 3100 милијарди гигабајти во цела 2016.

Додека секоја можна американска разузнавачка агенција гледа да си го истера меракот и да го оправда барањето поголем буџет за следната година шлепајќи се на "Русите го избраа Трамп" конвојот, Берни Сандерс ја смирува топката и бара од своите соборци демократи да се освестат и да прекинат да бидат без допир со реалноста.

Построги мерки против исламистичките трендови во Германија, што во пракса би значело затворање на сето она што се смета за исламистички џамии во земјата, е мерката што ја предлага вице-канцеларот Зигмар Габриел откако ИСИС ја презема одговорноста за нападот на Божиќниот пазар во Берлин.

Таму кај што не дозволуват уставот и законите, во игра влегуват парите. Неколку историски лекции за тоа како суверенитетот, на кој гледаме како на гранитна уставно - правна и политичка категорија, често пати бил третиран како обична стока за купопродажба.

Од Демократскиот национален комитет потврдиле дека ФБИ не ни припариле до нивните хакнати серверите пред да го објави извештајот за инцидентот во кој за упадот обвинија хакери поврзани со руските власти.

Консензусот е дека вештачките засладувачи (аспартам, стевиа...) не помагаат да ослабете или да останете фит, борбата се води околу тоа дали тие се еднакво лоши или дури и полоши од обичниот шеќер.

Библиотекари/ки од Флорида се организираат во мала секта чија главна мисија е да ги спасат старите книги што ги имаат во библиотека. План, решение, егзекуција - еден човек ќе ги изнајми сите.

Тројца влијателни американски сенатори буткаат закон со кој на американските амбасади ширум во светот драконски би им се намалиле буџетите за обезбедување и одржување сè додека амбасадата на САД во Израел не се префрли во Ерусалим.

Половина од дневната квота шеќер децата ја консумираат уште за појадок, затоа што речиси секоја форма на инстантно подготвен појадок од овошни јогурти до гранола или протеински барови и најразлични форми на корнфлекс, од старт се преполнети со шеќер.

Германскиот суд ја затвори процедуралната шанса за отцепување на Баварија од Германија и прогласување своја независност.

Откако ние паметните надмено ги баталивме бајачките и бабините деветини и нашите тела и здравје комплетно им ги доверивме на науката, официјалната медицина допрва открила нов орган во човчекото тело. А тоа значи нова серија болести.

Комунистичката партија го смени од функцијата претседател и целосно го исфрли од партија Јошка Броз. Неговиот дедо своевремено на "бомбашкиот процес" изјави "Не го признавам овој суд, јас го признавам само судот на својата партија!" Овој па ни тоа не признава.

Прелиминарна проценка на американската војска вели дека во нивните воздушни напади во Сирија загинале најмалку 188 цивили. Не им се прокнижени уште неколку напади но и заедно со тие жртви, пописот им е нашминкан, велат независни извори.

Неколку минути пред првата пауза за ручек во првиот работен ден од годинава, топ 100-те најплатени канадски ЦЕО веќе заработија повеќе пари во 2017 отколку што просечниот работник ќе заработи во текот на целата година. Просечната канадска плата е околу 35.000 евра (49.510 канадски долари).

Она што ние го водиме како "после Нова година не пијам" (па виртуозно го одлагаме во етапи после Бадник, Стара Нова, Св. Јован, Св. Трифун), Американците го имаат професионализирано на ниво на предизвик наречен - Сув јануари. И тоа не чини.

Пораката на Бордејн е до "привилегираните либерали од Истокот како и јас самиот" чија арогантност кон сите што не се на исто мислење со нив, е причина за распадот на цивилизацијата што го гледаме.

Инспириран од тоа во што сè веруваат луѓе, од Пицагејт до "Трамп нуди бесплатни авионски карти во еден правец до Африка и Мексико за сите што сакаат да ја напуштат Америка", новинарот на магазинот Политико, Сајмон ван Зилен-Вуд, отвора Твитер сметка на туѓо име и се става на 2-неделна диета на лажни вести.

Ако идниот претседател на САД одлучи да затвори "свиркач" за тоа што зборел со новинар, или да ги натера ФБИ да шпионираат новинари, "имаме само еден човек на кој можеме да му заблагодариме за тоа што во наследство му оставил такви обемни моќи: Барак Обама," пишува Џејмс Рајзен во Њујорк тајмс.

Фотографијата на која комплетно вооружен германски полицаец стои пред детски карусел за да им обезбеди на најмладите "безгрижно" детство зборува сè за тоа со каков багаж влегува Европа во новата година. 

Приказна за една босанска пензионерка која секој ден, точно во исто време излегува од дома и го чисти градот од ѓубрето кое го фрлат нејзините сограѓани.

Иако на крај од своето претседателствување реши да демонстрира глобална правдољубивост па во Советот за безбедност дозволи резолуција со која се осудува и израелскиот максимализам, факт е дека Барак Обама беше далеку попопустлив кон омилениот американски сојузник отколку републиканските претседатели на САД.

Сред аферата со можната руска вмешаност во американските избори, Вашингтон Пост пушта многу посериозна вест: не само изборите, Русите успеале да ја хакираат цела електрична мрежа во САД! По сите параметри, вест која на угледниот медиум би можела да му донесе уште еден Пулицер. Само што, нема везе.

Додека на еден не му се стемни, на друг не му се разденува. На тема на смогот и урбаното загадување тоа значи дека кога во градовите не се дише, ете добра прилика за - селскиот туризам.

Од 1-ви јануари француските работници имаат "право да се дисконектираат" односно повеќе не мораат да проверуваат меил попладне по крајот на работното време.