Состојбата со депортации во Германија е следна: има 17% повеќе наредби за депортација, ама над 50% од тие што треба да бидат депортирани исчезнуваат.

Двете најпросперитетни европски технолошки компании се Спотифај и Заландо, чија пазарна вредност е околу 42 милијарди долари. Кинеската компанија Алибаба вреди 480 милијарди долари, а американски Фејсбук се проценува на 550 милијарди.

Ако брегзит требаше да биде почетокот на трансформација на силите во ЕУ, по кој националните владите ќе почнеа да си враќаат дел од овластувањата предадени на Брисел, на крај тој се претвори во показна вежба зошто не треба да му се спротивставуваш на Брисел.

Де факто, сите други Македонци во другите држави веќе имаат сложени имиња. Само на Македонците од Република Македонија, „македонското“ им е примарно обележје на нивниот идентитет, пишува грчки автор кој отворено признава дека во овој спор, Грција била агресорот. „Беа принудени да тргуваат со единственото име кое им го оставила историјата“, пишува Августин Зенакос. За неупатените, Зенакос мисли на „Тоа на М“.

Пред 28 години во Хрватска на Велебит се снима документарец за волци, а на кратко дел од приказната е и еден 5-годишен пастир кој го собира своето стадо и го носи дома. Детево, речиси 3 децении подоцна ќе игра за Хрватска во финалето на Светското првенство во фудбал.

Ангела Меркел е канцеларка на Германија скоро 13 години, и патува во Кина речиси еднаш годишно. Таа беше на зелени пазари и во стари храмови, зборуваше со градоначалници и дебатираше со партиски функционери. Таа ги виде германските фабрики и ги прегледуваше кинеските компании. Ѝ држеа часови по готвење и ѝ презентираа автономни автомобили. Ниту една друга држава го нема толку побудено интересот на Меркел како Кина.

Трамп ни приближно не е првиот Републиканец кој јавно ја преиспитувал потребата од постоење на НАТО, пишува Питер Беинарт во анализа за Атлантик, потсетувајќи дека членството во НАТО, за жал, нема клучна врска со демократијата во таа земја. Во име на некој нов грант за борба против 'сè помоќниот непријател', ги чекаме Борјан и Орданоски да го прогласат и Атлантик за руска пропаганда.

„Трескавичното бладање на либералите на тема Трамп-Русија достигна статус на пародија“ е насловот на колумната на Метју Валтер во магазинот Вик, инспирирана од обемната главна сторија на новиот број на Њујорк магазин, чиј краен заклучок е дека актуелниот американски претседател од 1987 е агент на руската влада.

Кинеските власти баш и не можат директно да возвратат на заканите на Трамп дека ќе воведе тарифи на дополнителни 200 милијарди долари производи увезени од Кина, од проста причина што Кина годишно од САД увезува производи во вредност од максимум 130 милијарди долари.

Даночна измама која трае речиси цела деценија успева да извлече милијарди евра од буџетот на Германија и сето тоа како што е ред со помош од дузина германски и не германски банки и брокерски куќи.

Не само што е разочаран туку веќе е на памет да ја менува својата родна грутка за нова татковина, која ете се падна да се наоѓа на Карипските острови.

Некогаш беа носени со прогресивни анти-воени, анти-нуклеарни и анти-патријахални идеи. Денес се борат да се венчаат во црква и да влезат во војска, институции кои некогаш ги презираа.

Муабетот беше дека автоматизацијата и роботите ќе ни овозможат повеќе да уживаме а помалку да работиме. Ене ја Америка, никогаш порано немало толку многу лица кои уште работат на свои 85 и кусур години. Така што, она што можеш да го забушиш денес, не го оставај за утре.

Како што успешно ја заврши кампањата за брегзит, така Борис Џонсон беше назначен за министер за надворешни работи во новата британска Влада која требаше заеднички да ја носи државата низ преговорите за напуштање на ЕУ. Таму продолжи во истиот стил од времето кога беше градоначалник на Лондон, овозможувајќи и на Тереза Меј десетина пенали за без никакво двоумење да му даде отказ. На крај се случи обратното, Џонсон во знак на притисок врз Меј ја напушти британската влада.

Уште непочнат работниот дел од состанокот, во она уводно парче во кое новинарските екипи имаат пар минути да фатат фотографии и видео снимки додека главните играчи главно разменуваат куротазни погледи и пораки, Трамп реши на Столтенберг јавно да му плесне пар факти за тоа кој е под руско влијание.

Членките не уплаќаат членарина, Турција купува руски С-400 а некои овдешни будалетинки ја убедуваат својата лумпен публика дека ние сме биле главна ѕвезда на самиот на НАТО. Тејк ит изи.

Им се видело многу историја па решиле светот да започне во 15-от век. Стадардните школски тестови во иднина ќе го покриваат само тој период. И таму и овде некој не чул за Сантајана и неговото: „Кој не си го памти минатото, проколнат е да го повторува“.

Баварија става крстови на државните згради а полицијата почна да патролира долж границата на „Европа без граници“. Ако на крајните десничари им оди волку добро во услови забревтана економија, што ли ќе се случи со нивната популарност ако економија почне да стагнира?

Закерберг е основач, ЦЕО и претседател на бордот на Фејсбук. Тој исто така го контролира мнозинството од акциите на компанијата со право на глас. Неговата моќ во компанијата е комплетна. Тој не може да биде отпуштен или дисциплиниран. Ако директорите од бордот се обидат да го отстранат, тој со своите акции едноставно може да ги надгласа и потоа да ги замени со попријателски настроени.

Основите по кои треба да користиш заштита од сонце се движат од крајно естетски (брчки, стареење на кожа) до крајно медицински (рак на кожа). Проблемот е што не секоја заштита од сонце е создадена иста, посебно не спрејовите.

Дилемата дали е подобро во јазикот да имаш и машки и женски (и среден) род или само еден род, за #MeToo движењето воопшто не е дилема: не е подобро да имаш два рода, треба за сите да важи еден.

Не затоа што мислиме дека нема што да бара Македонија во Европа, туку заради оние наивни души (платените не ги рачунаме) кои искрено сè убедуваат дека сè им ќе биде подобро само што ќе нè примеле во ЕУ. Оние кои наместо денес да си ја поправат чешмата, денес да си го средат балконот, денес да возат попристојно и денес да висат помалку на Фејсбук, си прават бајрам на паметот дека пред „историска шанса“ утре да им се поправи чешмата, утре да им се среди балконот....

Пролистување на 8.000 статуси на ден и отрпнување на детска порнографија се двете искуства со кои Сара Кац го завршува својот стаж како модератор на содржини објавени на Фејсбук.

Светската здравствена организација и нејзините делегати од стотина земји биле подготвени брзо и без проблеми да обноват резолуција за важноста на мајчиното млеко. И потоа наишле на делегацијата на САД која на некои земји им ставила до знаење дека мајчино млеко ќе проплачат ако не се пишманат.