Макрон прво ги поткупи Жолтите елеци, што малку го стиши гневот на демонстрантите, но не го згасна целосно насилството, па сега францускиот претседател се одлучи на решенија кои се „построги од правилата што режимот на Путин ги користи за потиснување на политичката опозиција“.

Мултимилионска направа која требаше систематски да го чисти ѓубрето во Пацификот во согласност со очекувањата на експертите се расипа и моментално ја влечат накај Хаваи за поправка.

Чекор бр. 1: Разведи се од најбогатиот маж на светот.

Откако тазе демократската конгресменка Александриа Окасио-Кортез предложи данок од 70% за оние со богатство на 10 милиони долари, народ се побуни како на сите да им фалат 100 долари до 10 милиони.

На сајтов скандинавските земји обично се наведуваат како позитивен пример, за екологија, безбеден сообраќај, квалитетно образование. Оваа вест само на прв поглед изгледа обратно.

Парите се префрлени во 2017, а за нив се дозна дури скоро од документи поднесени во Холандската трговска комора. Ако го прашувате Гугл, нема ништо спорно во тоа.

Во мерка која никако не е одмазда за апсењето на директорката на Хуавеи на аеродром во Канада, Кина од апсењето на 1 декември до сега има приведено најмалку 13 канадски државјани.

Околу 40% од Германците сакаат повремено да можат да работат од дома, па германските законодавци почнаа со процедура за работодавците да ја овозможат оваа опција.

Во последните 25 години, Кина на импресивен начин успеа од екстремна сиромаштија да извади 500 милиони луѓе. Ништо помалку интересна е Индија која за 10 години, од дното извлече 100 милиони луѓе а на тој тренд се придружија Мексико, Јужна Африка и други. Бил Гејтс верува дека е можна трета рунда во искоренувањето на сиромаштијата. Треба да се зумира Суб-Сахарска Африка.

Без многу галама Гугл вчера објави сите Андроид апликации, такви какви што се ќе можат директ да се користат на следната генерација оперативен систем на компанијата - Гугл Фјуша (Fuchsia). Да разјасниме, Фјуша не е апдејт на Андроид, туку целосно нов оперативен систем што може да работи на најразлични уреди.

Епл компјутерс инк. е основан на 3-ти јануари 1977. 42 години подоцна, Епл ја прославува својата годишнина со пад на вредноста на акциите од речиси 450 милијарди долари (за споредба колку што е вкупната пазарна вредност на Фејсбук), која трае од пикот во октомври минатата година.

Многу важно во овој третман кој се препорачува да трае цел живот е парите да не ги триеш директно на лице.

Последната студија на британскиот остров покажува дека просечно дете ја јаде количината шеќер која му е доволна да стигне до полнолетство веќе на 10 годишна возраст. Слатки тие на мама и тато.

Британската армија покрена кампања за регрутирање нови членови со кои се таргетираат младите генерации пораснати со селфија, видео игрици и јутјуб клипови. Ќе биде многу интересно кога на батаљон вакви снегулки, еден убав декемвриски ден ќе им наредат: А сега дечки одиме на Москва!

Фејк луѓе со фејк колачиња и фејк социјални профили, фејк движат фејк мауси за фејк да кликаат на фејк веб сајтови. Таков е пола интернет. А ние во себе се сомневаме кога треба на бот да му докажеме дека сме човек и да ги штиклираме сите фотографии на кои има моторцикл. Па ќе нè збуни она: „А Веспа се рачуна за мотор“?

Муслиманите од Индија, кои бројат популација од речиси 190 милиони луѓе, се една од најпривлечните групи верници во Исламот за различните муслимански центри на моќ. До сега главната борба за нивна наклоност се водеше меѓу саудискиот вахабизам и пакистанскиот џихадизам. Од пред некое време во играта се приклучи и Ердоган со целата своја отоманска амбициозност.

Британскиот Форин офис објави листа на необични барања кои биле упатени на адреса на нивните амбасади по светов. Свашта луѓе бараат.

Ако до сега беше стандард дека добриот стабилен брак е добар за здравјето на неговите учесници, сега по ново се утврди дека и спротивното е точно, односно дека лошиот брак е подеднакво штетен за здравјето како пушење цигари и пиење алкохол.

Горан Бреговиќ конечно има луксуз да не е во тек и да може да седи во тишина. Вели дека да не мора, не би ни излегувал од дома. Освен до продавница. По пижами.

Откако 5-ката од Пиратите не им излезе по мерак Дизни реши сепак да продолжи со франшизата и да сними и 6-ти филм, но овој пат без една од најголемите ставки во буџетот на досегашните филмови - Џони Деп.

Човек да не знае што му е понепотребно: сноп гранки од 42 долари или помошен телефон за телефонот што веќе го имаш.

Прашањето не е наше туку на милијардерот Марк Кјубан, ама веројатно одговорот идентично нè интересира и нас и него.

На новогодишните журки, забави, теревенки и баханалии многумина тргнуваат со ментална матрица слична на онаа на прускиот крал Фридрих Велики кој, пред јуриш кон непријателот, на своите гардисти им има викано: „Што е дечки, да не сакате вечно да живеете?“ И тоа е сосема ок став, ама, како на стари и универзални релативизатори, должност ни е да потсетиме ноќта на 31-ви декември, со вас не е баш цела планета, како што ви се чини.

Откако расправијата со Конгресот ја ескалираше до блокирање на работата на администрацијата, сега Трамп проблемот со собирање пари за изградба на сопствениот ѕид го претвори во уште поголема драма во најава.