Од утре (понеделник, 14.09.2020) во Велика Британија влегуваат на сила нови рестриктивни мерки предизвикани од скорешниот пик на заразени од коронавирус. Ќе биде дозволено групирање на максимум 6 луѓе, и надвор и внатре а нема исклучок ни за децата. Во Шкотска децата под 12 се изземени од ова правило ама затоа оние 6 лица мора да бидат од најмногу две семејства.

Пожарите сезона 2020 се рекордно најкатастрофалните во историјата на Калифорнија, а ако се суди по минатите години, една од најбогатите сојузни држави во САД овој проблем нема да го реши ни за 2021.

Како и кај другите буџетари, и во културата имате вредни и талентирани махери кои заслужуваат 3-4 пати поголема плата од сегашната, ама и армија цицалчиња (што луѓе, што цели институции) кои ја добиваат својата редовна буџетска порција без грам труд и одговорност. Да нафрлиме еден предлог (од Хрватска) за кататоничната културна сцена во Македонија, можеби нешто во барата ќе се размрда.  

Еден мал и одлично напишан туторијал за тоа како да се освојат симпатиите на Косоварите, а како на Србите. За Македонците, упатството веројатно би било уште поедноставно. Кажи нè по име и веднаш се превртуваме на грб како мачиња, спремни да бидеме галени уште малку. Уште па ако ни признаеш дека Грците се педеришта, почнуваме да предеме, со молба: „Кажвај ни цели реченици...“

Без разлика колку светот беше убеден дека чиста љубов е основа на бракот меѓу поранешната словенечка манекенка и богаташот и претседател на САД, излезе дека и двајцата ја гледале само сопствената корист.

Доколку вечерта по изборите резултатите не излезат во корист на американскиот претседател, многу е веројатно дека Трамп инстантно ќе си поднесе оставка за Мајк Пенс да може да го помилува и амнестира за сите можни идни судски гонења заради федералните прекршоци што можеби ги направил.

Од следната година Хуавеи и официјално ќе почне да продава смартфони кои работат на ХармониОС алтернативата на Хуавеи за Андроид на Гугл. Денес компанијата ја пушти втората верзија од ХармониОС.

„Биди мојот херој“ му напишал Џо Егзотик на Доналд Трамп барајќи да биде помилуван од долгогодишната робија заради ковање заговор за убиство на неговата архи-непријателка. Па уште и грешел во пишувањето, за да му долови дека му ги мачат рацете во затвор.

Луј Витон Моет Хенеси (ЛВМХ) има намера да ја купи Тифани енд ко. за околу 18,5 милијарди долари. Неколку одлуки на Трамп подоцна плус пандемија и Тифани поднесе тужба против ЛВМХ за повлекување од договорот.

Вакцината што ја развива Универзитетот во Оксфорд која моментално е во фаза на тестирање на луѓе, е ставена на пауза откако еден од луѓето на кои се тестира добил „необјаснива болест“.

Неколку месеци Лестер беше англискиот Бергамо, озлогласен хот-спот за зараза со коронавирус. Во потрага по кластерите, се открива скандалозна експлоатација на работници. Како во времето на Дикенс.

Во тековната фискална година, американските служби депортирале повеќе имигранти отколку во која било фискална година на претседателствувањето на Доналд Трамп. Но, почекајте малку контекст: под водство на Трамп, администрацијата уште нема достигнато нивоа на депортација регистрирани во мандатите на Барак Обама.

Во иднина за еден филм да се квалификува во категоријата најдобар филм ќе мора да исполни 2 родово-расно-етнички предуслови, и ова ќе биде поважно од какви било кинематографски и уметнички квалитети на филмот.

Зависи кој го продава. Има артисти за кои албумот е само иницијална каписла за нов бизнис проект кој ќе донесе многу повеќе пари од самиот албум. А има и такви кои знаат дека иако целата музика веќе е на стриминг платформите, постојат фанови кои ќе платат многу повеќе за да го држат албумот во рака, како талисман.  

Наспроти оние со фабрички дефект и опсесија за палење, има една посебна категорија луѓе чија глупост/невнимание се одговорни за дел од пожарите кои повторно хараат низ Калифорнија.

Правниот процес за проценка дали основачот на Викиликс треба да биде екстрадиран во САД влегува во завршната фаза. Иако полн со драми и трилер детали, поентата на овој случај е едноставна: ако Асанж заглави робија заради откривање на американски воени злосторства, секој новинар на светов ќе заглави на ист начин. Благодарејќи на Викиликс, ние дознавме дека имаме и плаќаме министер кој е заштитен сведок на странска амбасада. 

Нешнл џиографик живо заинтересиран за содржината на компјутерот на Бин Ладен решава да прави документарец за истата, конкретно за порно фолдерите.

Се осудувам да се понадевам дека како општество, конечно почнавме да сфаќаме дека да се биде жив не значи да се биде еден од оние 99% кои ја преживеале короната. Да се живее не значи само да се избегне смртта туку и да се застане во одбрана на сите оние вредности за кои навистина се исплати да се живее.

Универзитетот на Јужна Калифорнија ставил под суспензија свој професор кој на час изговорил кинески збор кој на англиски звучи расистички. Да, и нам не ни се верува какво време ни се погоди.

Да, и во Африка има заболени од ковид-19, за жал има и починати од вирусот, ама тоа не е ни приближно до апокалиптичните бројки за Африка кои се предвидуваа на почетокот од пандемијата, и кога светот кој не можеше да и помогне на Италија, целосно го отпиша континентот. Сега има една теорија според која не сме ни и биле потребни на Африка.

Коронавирусот е како лопов кој ќе успее да ви влезе низ отворен џам на вториот спрат и после не само што прави русвај по цела куќа туку ќе ги испоотвори сите врати и прозорци за да можат да влезат и другите од неговата банда.

Глумејќи дека има вистинска контрола врз својата платформа или дека му е гајле што го офираат, Фејсбук забрани политичко рекламирање. Една недела пред денот на гласање. Само за новите реклами.

Американската администрација објави дека ќе го замрзне целиот имот на главната обвинителка на Меѓународниот кривичен суд Фату Бенсуда и на еден од нејзините советници. Причина за ова е гневот на Вашингтон околу истрагата на судот за воените злосторства на американските војници во Авганистан.

Чисто за да тестираат колку му е снагата на системот, Трамп ги повика гласачите во ноември ем да гласаат по пошта, ем да гласаат на избирачко место. И да, тоа не би било ни најмалку легално.