Саудискиот принц кој по основа на своите акции го крена гласот против потенцијалното угнетување од Илон Маск кога овој најави дека ќе го купува Твитер, вчера порача дека сака да биде другарче со Маск.

Најновата жртва на кансел културата е актерскиот ветеран Френк Ланџела. Добил отказ од Нефликс среде снимање на една мини серија, заради погрешен потег на раката во една љубовна сцена. „Гадот“ знаел да вика и „бејби“ а и вицовите му биле некако „неумесни“.

Еден на 500 луѓе починале од ковид во првите две години од пандемијата покажуваат новите бројки на СЗО.

Пандемијата и војната во Украина создаваат услови за „совршена бура“ на глобалната криза за храна. Ако се запостави северна Африка, ете ја Северна Африка во Европа. Ако се запостави Блискиот исток, ете го Блискиот исток во Европа. А во моментов, сето тоа се запоставува.

Компанијата зад Боред ејпс, Југа лабс, викендов заработи 320 милиони долари (во криптовалути) од продажба на виртуелно земјиште. Да.

Пред почетокот на војната Путин прави неколку големи грешки: ја преценува руската воена моќ, ја потценува украинската волја и погрешно смета дека Западот нема да се обедини против него. Исто така Путин погодува една работа: дека „Остатокот“ од светот нема да ја осуди Русија или да воведе санкции.

Поранешни членови на претседателските тимови на Клинтон и Обама, помогнати од Сорос и влади од ЕУ стојат зад анти-Маск кампањата за присилување на големи корпорации да го бојкотираат Твитер.

Децата треба да ги носат презимињата на двајцата родители а не само на таткото, е одлуката на италијанскиот Уставен суд.

Со најавата дека целта на САД сега е не само да ѝ се помогне на Украина туку и долгорочно да се ослаби Русија, американскиот претседател го тера Путин во ќош од кој тој ќе може или да се предаде, или двојно да нагази на воената опција. А Путин досега се нема предавано.

Тешко е да се наброи колку пати Ноам Чомски се има произнесено за Доналд Трамп и тоа никогаш, ни ронка, не било во полза на златокосиот. Сега кога е јасно дека ѓаволот ја однесе шалата, стариот порачува дека среде оваа воена бучава, постои еден глас на разумот на Запад. Трамп. What a time to be alive!   

„Лаењето на НАТО пред вратата на Русија“ можеби доведе до инвазијата на Украина, порачал папата Франциско кој искрено не е на чисто и околу тоа дали земјите низ светот треба да продолжат да ја снабдуваат Украина со оружје.

Цените растат низ цела Европа и владите се плашат дека новите цени трајно ќе останат, ама никој на континентот не се осудува тоа јавно да го каже.

Судската одлуката во спорот Роу против Вејд беше основата врз која повеќе од 50 години САД го гарантираа правото на абортус до 6-ти месец. Во јуни одлуката престанува да важи.

Прави ли Америка терен за мала нуклеарка, некаде во Донбас, за која со павлов рефлекс ќе биде обвинета Русија? За да се дознае вистината од каде била лансирана веројатно ќе бидат потребни неколку дена. Но, вистината и онака не е важна. Важна е перцепцијата.

Командата на украинската воена авијација призна дека пилотот што популарно се водеше како „Духот на Киев“ всушност е легенда измислена од украинскиот народ.

Иако тврдеше дека најлошото ќе биде во декември 2021 година, милијардерот од Микрософт има нова проценка: дека можеби ништо не е готово и дека тековната пандемија може да изнедри уште позаразна и посмртоносна варијанта на коронавирус.

Пиење солзи од лицемерните факт-чекери кои одеднаш ги открија опасностите од приватизирање на просторот за јавен говор. Небаре пред Маск, Твитер беше во раце на работничко самоуправување. „Морони, уживајте во ролеркостерот, вие го имате изградено,“ им порачува сега Мат Таиби.

Во 443-те легислативни страници за имплементација на годинешниов канадски буџет, новинарите открија амандман со кој на канадските астронаути им се забранува да убиваат или крадат додека се на вселенска мисија. Што значи дека до сега можеле.

Британската конзервативна партија го суспендираше Нил Периш а тој поднесе оставка како член на британскиот парламент откако се дозна дека гледал порно на парламентарна сесија. Периш прво се вадеше дека гледал трактори и случајно забегал на погрешна страна. А после му се уарнило.

Пред 20-тина години, еден од нив бучно маваше на воените тапани и навиваше да се тргне на поход на Ирак. Другиот тврдеше дека ако се тргне заради наоѓање оружје за масовно уништување, бадијала ќе се оди зашто Садам го нема тоа. Да видиме каде се тие двајца две децении подоцна.

Она помодарско декларирање на личните заменки се претвора во религиозна хистерија. Капак: и Џо Бајден и Камала Харис решија да ги декларираат нивните заменки. Тој бил „тој“ а таа била “таа“. Небаре некој на светов, замелушениот старец и неговата каранконџула досега ги сметаше за родово флуидни.

Јордан е на пат да го криминализира самоубиството и секој обид да се одземе сопствениот живот на јавно место. Казните се парични ем затворски. Ако е масовно, казните се дупли.

Најновиот бран насилство меѓу Арапите и масалитските племиња во западен Дарфур завршија со преку 200 мртви и стотици ранети. Реакцијата е рутинска кога се работи за вакви делови од светот: Обединетите нации побараа Судан да поведе истрага за случајот. А Судан го води генерал чии луѓе пред три години убија стотина мирни протестанти.

Постои огромен јаз помеѓу постојаноста на потрошувачката на јаглен и желбата за брзи потези за оддалечување од него кои се оценуваат како императивни за остварување на климатските цели. На глобално ниво, енергијата добиена од јаглен лани достигнала рекордни нивоа.