Доскорешниот британски парламентарец го призна она на што се пожалија две негови колешки кои седат до него. Дека за време на заседавање гледал порно на својот телефон.
Двапати.
За првиот пат Периш тврди дека гледал трактори на интернет кога случајно и несакајќи отишол на веб страница со слично име (хот тракторс?). Очигледно му се бендисал тој свет па на друга седница решил да ја посети истата порно страница, да види што има ново.
Лабуристите велат дека нивните опоненти срамно го менаџирале овој инцидент, со денови обидувајќи се да го покријат или релативизираат.
На почетокот на април, еден друг конзервативен пратеник, Имран Ахмад Кан исто така поднесе оставка откако се откри дека во 2008 година, извршил сексуално насилство врз 15 годишна малолетничка.
Истиот месец и трет конзервативен пратеник беше суспендиран, заради сексуално вознемирување и злоупотреба на кокаин.
