Минимакс своевремено го пушти вицот за Ивица и Марица, прилично илустративен за духот на социјализмот: „Ивица кажувал политички вицови а после дошла марица“. За духот на ова време сведочи тоа што детските ликови излезени од фантазијата на браќата Грим не се опасни стриктно политички, туку и малку пошироко. А и тоа што нема ни виц за тоа.

После разорната експлозија во Бејрут, пристаништа во светот решија да проверат што материјали држат кај себе и дали и тие имаат амониум нитрат кој го смени личниот опис на главниот град на Либан. Не им се бендиса тоа што го нашле. 

Ај лани што се продаде банана залепена за ѕид за неверојатни 120.000 долари, и уште поневеројатно бананата веднаш беше изедена, туку за бананата се подал и Дамиен Хирст еден од најскапо платените уметници на светот.

Џамбо Агушев и неговиот оркестар повторно е награден со престижната награда на "German Record Critics" кои албумот "Brasses for the Masses" го прогласија за глобално најдобар албум во 2020 година. Браво, царе! .

Нафтените компании изгледа полека ќе ја баталат нафтата. Комбинација на мала потрошувачка и миграцијата кон обновливи извори на енергија, ја прават потрагата по нафтени резерви прескапа. А тие компании не пијат нафта.

Нешто слично како што Епл со цела сила се труди да избегне плаќање данок на САД (и другите земји во кои функционира), така и компаниите кои зависат од продажбите што ги прават преку Ап стор на Епл не сакаат да ги плаќаат 30-те проценти надомест за користење на платформата.

Ким Јо Џонг, помладата сестра на владетелот на Северна Кореја, Ким Џонг Ун, по ново е одговорна за односите на земјата со САД и Јужна Кореја, со што таа „де-факто е втор човек во земјата“.

Во земјата која историски се изгоре со идејата дека работата го ослободува човекот, сега скромно се пробува спротивната идеја, дека бадијалџењето е од рајот излезено. Ќе даваат грантови на таа тема.

Во земјата веќе има 40.000 волонтери подготвени уште следната недела да ја примат вакцината, а паралелно со тоа треба да почне и меѓународното тестирање на Спутник V.

Моментално сме август, а државата нема пари да исплати плати по октомври, и тоа државата не е која било, туку Кувајт.

Медот е подобра терапија за кашлица и настинки отколку антибиотиците, се тврди во нова студија од Универзитетот Оксфорд, според која медот завршил многу повеќе работа од добар дел од асортиманот на аптеките.

Јапонците не само што се толерантни кон канцелариски вработени кои по некоја искачанка пијани спијат во метроата низ земјата, туку се толерантни и кога истите овие нема да стигнат ни до метро, па ко лешови ќе се спружат на улица. Меѓутоа, изгледа годинава го претерале.

Над 300 припадници на белоруските безбедносни сили ќе бидат суспендирани заради начинот на кој постапиле за време на протестите. Не, нема. Ќе добијат медал од Лукашенко за „беспрекорна служба“.

Што би се случило доколку на 1.000 тинејџери им се даде да ја водат државата? Ништо ново, покажува документарец за еден таков експеримент.

Лос Анџелес е втората по големина училишна област во САД, па од таму и бројката од 600.000 деца, а освен нив ќе бидат тестирани и 75.000 професори и придружен кадар, како дел од подготовките за отворање на училиштата.

За човекот што го алармираше комплетното човештво за начините на кои владите упорно нè следат и прислушуваат, овие неколку години азил во Русија беа прилично даровни, и тоа до сума од 1,2 милиони долари.

Девет пожарникари и болничарка први пристигнуваат на пристаништето во Бејрут по пријавата дека во магацинот 12 избил пожар. Никој од тимот нема претстава, ниту некој пријавил дека во магацинот лежат речиси 3.000 тони амониум-нитрат.

Канадската метропола дозволува повторно отворање на еден од најпознатите стриптиз клубови во центарот на градот. Неколку дена подоцна 550 луѓе што го посетиле клубот се сомничат дека се изложени на ковид-19.

Откако австралиската влада реши да не прави ни педа отстапка од својата намера да ги натера Гугл и Фејсбук да им плаќаат на медиумите за вестите од кои вадат грдни пари, Гугл реши својот пребарувач да го впрегне во сопствена корист и да објаснува зошто треба да продолжи да не плаќа за производ од кој заработува.

„Некој кој се вика Расел Кроу штотуку даде великодушна донација“, обелодени иницијаторот на иницијативата за обнова на разрушениот бејрутски ресторан Леш Шеф, еден од омилените ресторани на покојниот Ентони Бордејн. Потоа се јави Расел Кроу за да каже дека е тој Расел Кроу.  

Иако велат дека тоа го правеле со најдобра намера и за доброто на својт земја, сопствениците на еден ресторан во Кина мораше да им се извинат на муштериите, што ги мереле на вага пред да седнат да јадат.  

Пред 50 години се одвиваше борба за жeнски права. Сега битката е околу правото да се изговори зборот жена. До толку е регресивна прогресивната идеологија, видливо и преку лудата идеја, по примерот на Н (nigger) зборот, да се избрише и W (woman) зборот, за да не се навределе биолошките жени кои се идентификуваат како мажи, биолошките мажи кои се мислат жени, итн, итн.

Една од најпопуларните видео игри е збришана од продавниците за апликации на Епл и на Гугл, не заради некаква грижа за здравјето на децата или идентитетско-прогресивна агенда на двата гиганти, туку чисто заради пари.

Да, патиките се на Мајкл Џордан и ги има носено за време на егзибициски натпревар во 1985 кога го забива баскетот толку силно што ја крши таблата, но и покрај тоа се само пар патики.