Со помош на најдобриот пријател на човечкиот нос, казанчето, милиони луѓе секојдневно го исфрлаат вишокот од својот ценет организам во аналогните одводи на човечката цивилизација (дигиталните се викаат социјални мрежи). Меѓутоа, топтан со тоа јабана одат драгоцени информации за денес најголемиот глобален непријател на човекот - коронавирусот.  Поглед одблиску во тој вишок (хмм) би можел да ни каже до каде сме и дали и кога опасноста поминала.

Интернет порно престолнината која многу повеќе помогна во истрпување на мерките за израмнување на кривата отколку која било влада или светски лидер, сега има нов проект чија цел е да „останете чисти дури и кога сте валкани“.

Мерките и целата ситуација околу коронавирусот значително го подобрија квалитетот на воздухот во Европа, што пак ја подобри здравствената состојба на сите што страдаат од редовно загадениот воздух.

Таман кога светот помислил дека куртулил од првиот бран, доаѓа втор, со мутирана и многу посмртоносна верзија на вирусот. А врвната медицина и наука од тоа време, цело време бараат лек за бактерија. Кои се наравоученијата?

Моментално Гардијан има 821.000 читатели кои секој месец му донираат пари на медиумот, и тоа е околу 200.000 повеќе од март минатата година.

Градови низ Америка почнаа да ги забрануваат маските со вентил, да не ги сметаат како носење маска, по основа не дека се штетни за тебе, туку се опасни за тие околу тебе.

Кристијан Дростен кој го води Институтот за вирологија во Берлин е еден од оние кои го идентификуваа САРС вирусот во 2003 година. Како шеф на референтната германска лабораторија на јавното здравство за коронавируси, станува еден од главните владини експерти за актуелната криза. Во интервју за Гардијан признава дека се плаши од вториот бран на епидемијата, објаснува зошто Ангела Меркел е во предност пред другите светски лидери и открива што не му дава сон.

Деновиве по портали и мрежи веројатно ќе наидете на бомбастична вест дека „Јапонскиот Нобеловец доктор Тасуку Хонјо тврди дека вирусот не е природен туку создаден од човек.“ (со стандардните украси „сензационално“, „шокантно“). Во таа реченица точно е дека Тасуку Хонјо е Нобеловец. 

Професорот од Стенфорд почувствува како е да ти се наврти менталитетот на толпата која преторијански ги штити доминантните уверувања на времето во кое се живее. Џабе што е научник, џабе што се повикува на податоци и факти. Ама па никој не може да те присили да се откажеш од податоците и фактите. Јоанидис со леснотија се држи до нив.

Иако цело време тлееше, теоријата дека ковид-19 (сакајќи или не сакајќи) е излезен од лабораторија доби сериозна тежина откако стана една од алатките за поткусурување меѓу администрацијата на Трамп и Кина. Американски научници што немаат што да поткусуруваат се на сосема спротивната страна од оваа теорија.

Ублажувањето на кривата има смисла како купување време и избегнување на колапс на здравствениот систем. Но, само по себе, купеното време не значи ништо и не спасува животи. Ако популацијата во голема мерка не биде имунизирана на коронавирусот, или природно или со вакцина, кога и да се дигне карантинот, заразата ќе се врати на својата вродена стапка на ширење и ќе се случи ама баш истото како да немало мерки. Ако не и полошо. 

Од Белгијците е побарано да јадат плус една порција помфрит неделно за време на коронавирусот, не за да ја спасат нацијата од вирусот, туку за да го спасат компирот од вирусот.

Во страв да не се заразат по болници, родители не ги носат децата ни на редовни прегледи ни на редовни вакцинации. На тој начин оваа пандемија го сее семето на некои идни здравствени кризи кога ќе е можно да нè сардисаат и посмртоносни болештини.

''Boj se ovna, boj se govna, a kada ću živjeti?'' 
Меша Селимовиќ

Згуснатата крв можеби ја објаснува неефикасноста на респираторите во кои толку се надевавме. Со нив пушташ воздух да циркулира низ белите дробови но бадијала е тоа ако не циркулира крвта. 

Доналд Трамп, бизнисмен по образование и професија, со моментален ангажман како претседател на САД, најлаички запраша дали може луѓето да се вшприцува со средство за дезинфекција како лек од коронавирус, и сега на цел здравствен систем и експерти околу него треба да им паднат пломби од објаснување дека човек не треба да се вшприцува со средство за дезинфекција.

Сооченоста со смртта, хемијата на анестезиите, неприродноста на дишењето преку апарат поради што некои пациенти мораат да бидат врзувани за да не ги откорнат цревата од себе... сето тоа може да остави трајни последици во мозокот, од пост трауматски стрес синдром до когнитивно марушување и деменција.

Во досега невиден здравствен пресврт, медицинска студија, која во повеќе наврати ги нагласува сериозните здравствени последици од пушењето, открива дека во тутунот има некоја супстанца која може да го намалува ризикот од заразување со коронавирус.

Науката ја дочека пандемијава неспремна како што ЈНА што го дочека распадот на СФРЈ. Таман глобално се рашири надежта околу комбинацијата анти-маларик со антибиотик, стигнува студија дека кај пациенти третирани со тоа комбо, смртноста е поголема отколку кај оние без таа терапија.

Хрватскиот писател не може да се изначуди со каква леснотија слободарите од Запад и демократските општества почнаа да се одушевуваат од ефикасноста со која тоталитарните држави се справуваат со епидемијата. Па потсетува: дечки, тоталитарните држави во сè се поефикасни. Демократијата има смисла само кога ѝ служи на слободата.

Иако светско жариште, иако извор на најтрагичните вести и статистики повеќе од еден месец, Италија им овозможи на деца со аутизам да излезат од дома и да си играат во парк, кој посебно се реорганизираше за нивните потреби.

Човештвото ќе мора да живее со заканата од коронавирус „во догледна иднина“ и да се адаптира на тоа бидејќи нема гаранција дека може успешно да биде развиена вакцина, порачува еден од водечките светски експерти околу болеста професорот по глобално здравје на Империјалниот колеџ од Лондон, Давид Набаро.

Не се работи за тоа каде се направени, колку се квалитетни и веродостојни. Овојпат суштината не е медицина и технологија, туку -  статистика. 

Тестирале клошари од еден шелтер за бездомници: речиси нема кој нема вирус ама па не речиси, туку баш ниеден не се разболел од тоа.