Пред некое време ТВ готвачката Најџела Ловсон, го резимираше она што се случува околу храната во изминативе десетина години: "Можам да ви гарантирам дека тоа што луѓето годинава мислат дека е добро за нив, следната година нема да биде."

Медитацијата денес е мулти-милионски бизнис и панацеа за сите стресови на модерното живеење. Верата во неа некогаш е поголема од фактите кои ги дава науката а некои кругови се сомневаат и во самата идеја дека исклучувањето на мислите е демек добра работа. 

По стотици илјади абортуси заради незадоволство од полот на бебето, и уште толку непризнаени и напуштени деца, Кина деновиве ги укина правилата за планирање на семејството (едно дете по семејство). Потег кој сериозно не им беше планиран на производителите на кондоми.

За информацијата околу канцерогеноста на преработеното месо пишувавме тука, меѓу другото и дека според СЗО тоа е во групата 1 канцерогени, класификација која се базира на нашата сигурност дека нешто предизвикува рак, а не колку е веројатно дека ќе го предизвика. Во оваа група има 116 ставки.

Белградскиот неделник Време беше еден од ретките медиумски ѕвезди Северници во регионот во кој мечката се изнаигра, те пред туѓа те пред своја врата. Во времињата на секакво бесчестие беше задоволство да се биде од нивна и да се мезат текстовите на покоjните Стојан Церовиќ и Урош Комленовиќ, те на фала богу живите Милош Васиќ, Теофил Панчиќ, Љуба Живков, Драган Тодоровиќ, Драгољуб Жарковиќ, Кремер, Баздуљ, Басара.... Тие луѓе толку сме ги читале (а нешто и пренесувале на овие простори), што веќе не ни знаеме што е нивно а што наше. Деновиве наполниле 25 години и тоа го прославија како што ги личи, кратко и јебитачно. Оди па додај нешто паметно на ова:

Статистики покажуваат дека 85% од луѓето кои се зависни од алкохол, исто така се зависни и од цигари. Сега науката покажа дека никотинот (кај глувците) ја поништува поспаноста предизвикана од алкохолот.

Мартин Скорсезе е режисер на 15-минутиниот краток филм Аудиција, кој се случува во едно кинеско казино, а главни улоги во него имаат Бред Пит, Роберт Де Ниро и Леонардо Дикаприо. Како да ги собереш овие четворица на едно место? Со 70 милиони долари, ете како.

Од општ сеир дека интервјуата во Плејбој се чисто за алиби на тие што го купуваат, со последните промени во компанијата токму интервјуата треба да станат носители на списанието. За да покаже дека Плејбој има често занемарено пребогато портфолио со интервјуа, Лонгформ вади листа (и комплетни текстови) од десетина легендарни интервјуа објавени во магазинот.

Светската здравствена организација објави дека јадењето преработено месо (колбаси и сланина) предизвикува рак. Ова се базира на анализа на 800 студии, по што СЗО преработеното месо го става во група 1 канцероген, заедно со цигари и алкохол. Другари, полека малку.

Бонд филмовите како една од најбрендираните филмски франшизи, не им простува на компаниите дури ни кога некој бренд станал дел од перцепцијата за главниот лик, па не им воопшто непријатно ако треба мартинито да го заменат за пиво, и покрај бунтот на публиката.

Прво беше Сириза во Грција, па изборот на Џереми Корбин во Обединетото кралство, а наскоро истото се очекува и од Подемос во Шпанија, сите три, предзнаци за ширење на обидите за раскинување со неолибералната политика.

Статистичкиот просек меѓу многу стари и многу мали луѓе е зрелост. Токму таква е оваа идеја за среќавање на двата света, но нејзината зрелост не е ни во статистиката ни во просекот туку во можноста да се уживаат моментите кои го прават животот.

Пред да одлучи да воведе минимална плата од 70 илјади долари и да го привлече комплетното внимание на бизнис светот, Ден Прајс, сопственикот на Гравити Пејментс, има средба со еден незадоволен вработен.

Непишаното правило на македонскиот режим на исхрана вели: "Сирење оди со сè, освен со НЕКОИ видови торти". Зависноста сега има научно објаснување.

Арон Соркин направи интересен филм, ама тој не се однесува на Стив Џобс, пишува Валт Мосберг еден од тројцата новинари со кои Џобс има блиска соработка во текот на животот.

Приказната за тоа како Монсанто користи угледни научници за својата ПР кауза е приказна за вишок пари и кусок академски интегритет.

Збирните документи на О.Н. околу климатските промени содржат се подолги реченици и покомплексни зборови, од кога и да било до сега, заклучува анализа заинтересирана за лингвистичката страна на студиите.

Согласно непишаното правило дека човек на пијано го прави она што не смее но го посакува на трезно, третина вегетаријанци признаваат дека под дејство на алкохол посегнуваат по нивното единствено забрането овошје - месото.

Откако пред 4 години се пензионираше од НБА, огромниот Јао Минг не седи по плажи за да ги крцка парите пиејќи коктели со чадорчиња. Кинескиот кошаркар е посветен на идејата за запирање на бесмисленото убивање ајкули. И забива одлични поени.

Се однесуваат на тоа како да го распоредите времето на работа, а авторот на текстот го прави списокот како работи кои е убаво да се знаат на 20 години. Старосната граница ја укинуваме затоа што се корисни во секое време, кога и да ги научиш, и затоа што имаат одлично алиби за кога не ти е денот на работа, а одамна си ја заокружил 20-та.

Сензорите кои станардно ги поседува секој смартфон можат да служат за мониторирање на промените во расположението на нивниот сопственик и да дијагностицираат ментални проблеми како што е биполарно пореметување.

Звучи премногу добро за да би било вистинито но ние мрзливите со задоволство би ѝ дале шанса. Седиш, јадеш а мускулите сами се пумпаат. Па да се видиме на плажа после!

И покрај главоболките, мачнината, невидената сила за непотребни пораки или вртење броеви во 4 сабајле, мамурлакот останува една од најштетните нуспојави од запивањето, ама не за тебе туку за твојот газда.

62 години по првиот број, еден од уредниците на Плејбој оди на вечера кај се уште главниот уредник Хју Хејфнер, со радикален предлог, да престанат да објавуваат слики од голи жени. 89-годишниот Хефнер се согласува. Од март следната година Плејбој повеќе нема да има голи жени. Ќе има жени, ама не голи.