Кога бизнисот со аудио касети почнува да пропаѓа заради помодерните компакт дискови, компанија од Спрингфилд за бадијала изнакупува еден тон машинерија и чека да се врати нивното време. Тоа никогаш нема да се врати како некогаш, но овие сега живеат ко цареви.

Во општата потрага по изворот на прекумерната тежина на луѓето од западните општества, најнови виновници се рестораните - затоа што не им оставаат бокал чешмовача на гостите, пред овие да почнат да ждерат.

По 30 години изучување на економската вредност на шумите, советот на научникот од Шумската служба на САД, Давид Новак, е: "Ако можеш да посадиш само едно дрво, посади го во град."

Американската филијала на глобалната мрежа во 2013-та имала нето оперативна загуба од 250 милиони долари, а по истата ставка во 2014-та завршила со минус од уште 335 милиони долари.

Кога некој драг неочекувано ќе замине па ќе бараш и ќе голташ сè во врска со него, потсвесно сакајќи да ја пополниш дупката што ти ја направил. Е па, Принц.

Пејачот на Ху му се сосипа на новото кадровско решение на AC/DC за местото самостоен раководител на микрофонот. Не толку заради новиот вокалист туку заради односот на бендот кон својот доскорешен член.

Кога ќе се спомне одбележување на јубилеј на нешто германско што има врска со чистотата, духовите од минатото веднаш ви ја ежат кожата. Но, олабавете се, од ова може само да се подригне.

Тоталитаризам не е само пеколот туку и сонувањето за рајот - древен сон каде што сите живеат складно, обединети со единствена волја и вера, без тајни едни пред други. Кога сонот за рајот ќе почне да се претвора во стварност, одеднаш се појавуваат луѓе кои му стојат на патот, и владетелите на рајот мораат да изградат мал гулаг недалеку од рајската градина.

Овде веќе никому не може да му се замери ако му доаѓа да ја здува од Македонија и да не се врти назад. Ако таквата желба ви нема интерпланетарни размери (за што ве информиравме во статијата "Ако ви се бега од оваа планета а се надевате на друштво"), тогаш Канада е едно од логичните решенија. Ако е така, тогаш запознајте ја Канада преку искуствата на оние кои тоа го сториле пред вас и од разни страни на светот дошле да живеат баш таму. 

Научници од универзитетот во Порто Рико изготвија каталог на планети надвор нашиот сончев систем кои се потенцијално вселиви и погодни за живот. На нивното мени моментално има 32 планети.

Музичкиот аристократ Принц почина на 57 годишна возраст. Последниве денови се бореше со компликации од грип, а бил најден мртов во неговата резиденција и студио надвор од неговиот роден Минеаполис.

Откако ги впрегна сите сили за да го олесни неверството, сега технологијата врти накај конзервативно - измислува душек што детектира дали некој правел безобразно во вашата сопствена постела додека не сте биле дома.

Отворањето на мега-џамијата во близина на Вашингтон Д.Ц. требаше да биде кулминацијата на посетата на Ердоган на Турција. Тоа што Обама не се појави малку им скрши филм на Турците, кои објектот го сметаат како дел од своите напори презентираат умерена верзија на исламот, на што тој одлично ќе дојдеше како некаква симболика за помирување меѓу двете страни.

За да го сопре бескрупулозното медиумско производство на детски ѕвезди, кинескиот меиумски регулатор забрани користење деца на познати фаци во популарните реални шоуа  И после пак комунистите не чинеле.

За сезона и нешто Џон Оливер комплетно здроби еден кандидат за гувернер заради неговите лаги, заради лошата инфраструктура во САД со ист гнев му се истури на Конгресот, а во неколку наврати до темел го уништи Доналд Трамп. Од тогаш кандидатот стана гувернер на Кентаки, Конгресот го држи истиот рејтинг, а Трамп и понатаму има најголем број гласови меѓу Републиканците (вчера само што победи и во Њујорк).

Неделава луѓето можат да сторат нешто конкретно за спасување на планетава со тоа што што нема нишѓо да сменат од она што вообичаено го прават. Да си кркаат апликации

Читател нè потсети дека пред две години пишавме за пикник фрижидерче од Кикстартер. Ги проверивме наодите како тоа стои денес и јасно ни е зошто никогаш нема да заштедиме пари: затоа што многу бргу се палиме.

Ударната плавуша на Фокс, Мегин Кели, заради која Доналд Трамп одби да учествува во една од републиканските дебати, чувствува замор и вели дека она што го работи предизвикувања оштетувања на мозокот. Па ќе бара 20 милиони за да ја издржи таа неиздржливост.

На прошталниот натпревар на Коби Брајант за НБА, честа да ја отсвири националната химна му се падна на басистот на Ред Хот Чили Пеперс. Фли го направи тоа на начин кој на многумина не им се бендиса. Одговорот му беше: "Не ми е гајле, човече, мислам дека растурив".

На самото запознавање на човештвото со земјоделството се случува еден клучен пресврт во однесувањето на луѓето - нашите предци од зорт се откажуваат од полигинија (форма на полигамија каде само мажот има право на повеќе партнери).

Користењето емотикони, за кои со симпатии пишувавме претходно (види овде), требаше да нè спаси од вербалните недоразбирања и двосмислености. Тоа требаше да биде јазик кој ги надминува културните разлики и овозможува универзална разбирачка. Ама...

Основачот на Напстер и ко-основач на Фејсбук, Шон Паркер, реши на науката да ѝ даде 250 милиони долари за борба против ракот. Будала човек, македонскиот интернет е преполн со рецепти кои ракот го убиваат за 10 минути.

Само минатата година на американските телевизии канали се имаат појавено 350 нови шоуа без сценарио (а.к.а. реално шоу). Забелешката на критиката е дека сето тоа сепак е по сценарио, забелешката на тие што работат на овие програми е "со среќа ако мислиш дека можеш ѕвезда од реално шоу да ја натераш да направи што било по сценарио."

Новината е кула вредна милијарда долари која ќе ја засени моментално највисоката зграда во светот - Бурџ Калифа. За комплетен дубајски впечаток нема сè да биде само во големината.