Изминативе денови неколку жени излегоа со обвиненија против научникот Нил Деграс Тајсон за сексуално малтретирање кои се движат од силување во дрогирана состојба до непосакувано допирање. Обвинувањата се протегаат во период од 30 години, и благодарејќи на #MeToo успеваат да соберат внимание од јавноста иако една од жените го има објавено својот случај уште во 2010.

Активисти за трансродови права успеваат да се изборат во основни училишта во Британија децата да се учат дека „сите родови“ може да имаат месечен циклус.

Легендите на Топ гиар (кои подоцна станаа богаташите од Гранд тур) објавија крај на својата кариера на снимање „студиски автомобилски програми“.

По целиот „ти текнува што збореше пред 10 години“ скандал со Кевин Харт и неговото откажување од водител на Оскарите, американската филмска академија се уште нема најдено човек за церемонијата во февруари.

Очекувавме рокерите да бидат некаква свест и совест во тешките времиња. Напротив, повеќе од нив се покажаа како бедни малограѓани и конформисти а оние кои нејќеа да одат во табори реагираа смотано и незграпно. Од друга страна, народњаците од својата „ниска“ култура изреагираа подобро и поболно дури и од некои нагласено урбаните автори.

Некои од нас паметат времиња кога после возење по автопат, предната маска, фаровите и шофершајбната од автомобилот не можеше да ги исчистиш од мртвата армија бубачки и инсекти кои се потепале по пат. Сте забележале дека во последно време ги нема? Е па, ги нема.

Изморен од десетгодишната битка со локалните власти, Американец од Вермонт подигнал споменик каков што, според него, заслужуваат политичките лидери на тоа место. Него тоа го коштало 4.000 долари а ние како локација би ја мерачеле онаа на крстот на Водно. Ќе нè личи!

На фармацевтската индустрија одамна ѝ е познато дека на човек му се пали инстинкт на реципроцитет кога добива подарок. Чудо едно е како мали и банални подароци од продавачите на лекови (пенкалце, ручече) знаат да му распишат рака на доктор да почне да препишува јаки наркoтици за обични болки.

Проектот требаше да биде отворен месецов, ама тоа нема да се случи, а луѓето што ја градат железницата која ги поврзува двете страни на Лондон по пат најавија дека првичната цена од 19,5 милијарди долари е зголемена на 22 милијарди долари. Исто така многу е веројатно дека отворањето нема да биде ни есента 2019, и тоа не е ништо страшно.

Како што покажува нов компјутерски модел на создавање богатство, најуспешните луѓе не се оние кои се најдобри или најталентирани. Симулациите со моделот ја потврдуваат старата македонска мудрост „Роди ме мајко со к'смет и фрли ме на буниште“.

Руската православна црква започна дисциплинска постапка против еден свој свештеник инспирирана од неговиот Инстаграм профил и расфрлањето со Гучи и слично брендирани работи на него.

Мора да им е убаво на научниците кога мислат на оние кои слепо им веруваат. Бидејќи кога таквите ќе тргнат да ги тепаат зашто биле прелажани, нема да можат да ги стигнат од што се усвињети.

Тоа што е пензиски фонд не значи дека по должина на цела улица ќе градат дом за старци, ама тоа што е фонд сепак значи дека ќе градат или ќе преградуваат нешто.

Нормално е да нема ресторан со Мишелин ѕвезда во земја на пилешките прсти и похуваните зденки, земја во која храната се рекламира дека е - на кило. Ни со една, ни со две, а не па со три ѕвезди. Не дека ние без нив не можеме (во Македонија има барем 20-тина места во кои боговски се јаде), ама чисто ларпурлатистички да ја разгледаме темата.

И тие се луѓе па мора понекогаш да се промуваат меѓу тезги. Само што во такви случаи, наместо корпа, количка или цегер, Линдеман тегне доброволна  сексуална робинка (со речникот на политичката коректност кој е сличен на речникот на МВР), тоест БДСМ гимп (со речникот на Порнхаб кој е сличен на речникот на Јупорн).

Во средата попладнето Кевин Харт објави дека го избрале да биде водител на Оскарите 2019. Во четвртокот вечерта, беше објавено дека тој се повлекол.

Истражувачи ваделе желки од три различни океански басени и во дигестивните системи на сите уловени примероци нашле синтетички материјали, вклучително микропластика. Просекот е: во 100 желки - 800 парчиња пластика.

Или е најпожртвуваниот човек на светот за доброто на своите мамурни браќа и сестри или е некој кој фино ја маскирал својата заљубеност во алкохолот со алиби дека го бара најдобриот лек за мамурлук за да го сподели со другите. Вика го нашол, а ние па имаме и линк.

Избегнување вечери со колешки, избегнување седење до колешки на службени летови, задолжително резервирање хотелски соби на различни спратови, и избегнување службени состаноци еден на еден, се дел од новиот премолчен бон-тон што почнува да се практикува на Вол стрит во паниката од #MeToo.

Откако по итна постапка ги прогласија за јавен проблем, градските власти на Мадрид побараа уште поитно чистење на електричните скутери од нивните улици.

Во јануари 1956-та група од пет американски мисионери решаваат да контактираат домородно племе во источен Еквадор со цел да ги преобратат во христијанство. По само неколку дена од првиот контакт тие се убиени со копја на една затскриена плажа. САД се вџашени од веста, а Лајф магазинот објавува сторија на 10 страници за нив. И за неодамнешната смрт на Џон Ален Чау се крена огромна галама, ама ни приближно позитивна.

Човекот кој ги измисли и прв ги патентираше електронските цигари денес има 87 години, живее во Флорида и нема ни цент земено од изумот околу кој денес се врти индустрија тешка десетина милијарди долари. Човек не треба да биде многу пред своето време. 

Законот со кој се воведува забрана за родителите да шамараат или ќофтаат деца мина во Долниот дом на францускиот парламент, со тоа што останува една од главните слабости на законот дека баш и нема некоја казна за прекршување на забраните.

Без да навлегуваме која од нив е јајцето а која кокошката, две работи, факат, одат рака под рака. Едната е дека темата за транс-луѓето станува сè поприсутна во јавноста, другата дека во последно време, бројот на оние кои се чувствуват заробени во погрешно тело драстично се зголемува. Изминатите 9 години, во Британија, бројот на вакви случаи пораснал за фрапантни 2.500 проценти.