Во досега најопсежното експозе на темата Моника Левински комплетно под свои услови, како човечко суштество кое на свој грб ги почувствува сите неправди и трауми, а не спотер за туѓи политички пребивања, проговорува за она што пред 20 години се случи со тогашниот претседател на САД.
Животна приказна на еден американски полициски офицер кој целиот свој живот го посветува на апсење на луѓе поврзани со дрога. Го прави тоа со несекојдневен жар и посветеност па станува легенда во полициските кругови. Сè додека еден ден не му се јавува ќерка му која е во тинејџерски години и му признава дека е зависничка. Кога ја прашува од каде ѝ пари за дрога бидејќи знае колкав џепарац има, му признава и дека се проституира.
Некогаш Крис Корнел со велосипед има разнесувано весници по улиците на Сиетл. Денес тоа го прави неговиот син, во спотот на постхумно објавената песна „Некогаш лошото е за добро“.
Пораката е со Попај да не се претерува. Еден од најчестите здравствени проблеми за кои луѓето не се свесни е поврзан со железото во крвта. Ама не со неговиот дефицит.
Откако беше збунет од УСБ драјв, од немајкаде јапонскиот министер за сајбер-безбедност ја призна најголемата фалинка во своето резиме - никогаш нема користено компјутер.
Пред да ги извадиме нашите локални есапи, натежнати со сопствени математики, фино е да се погледне како проблемот, од кој идентично страдаат и далеку поголеми градови од нашиот, го објаснуваат посериозни истражувања.
Само на обновување и крпење на златните тавани, некогаш најскапиот хотел на светот (по градба, не по цена на соба) Емирати палас во Абу Даби, годишно троши 130.000 долари.
Статијата е за едно потенцијално откритие кое стана хит на релевантна научна конференција а се работи за можноста бактерии од дебелото црево да си го наоѓаат патот до мозокот и таму да се населат за озбилно. Ќе ви ја раскажеме ние приказната поштено, ама нема да се отргнете од впечатокот дека вакви патешествија веќе имате видено во многу „успешни“ деловно-политички транзициски приказни во Македонија и Балканот.
Како што започнаа, веќе традиционалните, есенски пожари низ Калифорнија така тамошните власти препорачаа граѓаните да почнат да користат N95 маски (бројката означува дека филтрираат најмалку 95% од честичките). Како што народ почнаа да слуша препораки, така аптеките низ големите градови останаа без ниту една маска.
Освен дека е чудо во фудбал и дека на ефикасен начин најде излез од кризата и колапсот на нејзиниот банкарски систем, малата земја има адути и за долги патеки. Мнозинството од нејзините млади на возраст од 14 до 17 години се вработени, најмногу во секторот трговија.
Компилација од санкции, вртење кон домашно производство и јуриш во освојување на се попространи земјоделски земјишта, доведе до формирање на нова професија во Русија - каубојци.
Додека цели генерации неуспешно се стремеа за идеали од типот „да грам буде грам“ научниците решија да ја направат првата промена на килограмот во последниве 100 години.
Долго се очекуваа резутатите од едно повеќегодишно истражување за долгорочните ефекти од земањето витамин Д и рибино масло како суплементи. Конечно излегоа. Некој џабе се клука.
Првиот човек на Боринг компанијата порача дека компанијата не е само за фенси футуристички проекти како подземни тунели од град до град, туку дека радо ќе се зафатат и со помагање во решавањето на реални работи како копање канали за канализација.
И покрај запнувањето од највисоко ниво, Ши Џинпинг во повеќе наврати повторува дека во станови треба да се живее не е само да се купуваат, над 20% од вкупниот фонд на станови и куќи во Кина се празни.
Холандски пензионер започна судска постапка во која бара како што луѓе можат легално да сменат презиме или род, тој да може да ги смени годините и тоа едно 20, за да има подобри шанси на Тиндер.
И покрај тоа што знаат дека шансите им се мали, луѓето продолжуваат да се коцкаат затоа што и добивањето џекпот и губењето добивка „за влакно“ го доживуваат на подеднакво возбудлив начин.
По половина век шпекулации астрономите тврдат конечно го потврдиле постоењето на две месечини кои орбитираат околу планетава. Само за разлика од оваа што ја знаеме, овие две се целосно составени од прашина.
Египтолозите откриваат рампа чиј излгед и постоење помага да се објасни како се местени големите камени блокови, а тоа да не се вонземјани, патување низ времето или која и да е конспирација.
Зданието се наоѓа во Бел ер, населбата во Лос Анџелес, има над 3.500 метри квадратни во кои меѓу другото се сместени 12 спални соби и 21 купатило, а купувачот од газдата добива и гратис хеликоптер.
Човечката интервенција во просторот го носи останатиот жив свет во таков размер на уништување и геноцид кој не е виде претходно. Ние сме првата генерација која го знаеме тоа и последната која може да стори нешто пред да е предоцна.
Првиот човек на Тесла лично го отфрлил барањето на своите вработени компанијата да почне да произведува електрични скутери, со објаснување дека на тротинетите на батерии не се достоинствени.
Една многу примамлива логика вели дека путерот (и останати заситени масти како месо, сало, млечни производи) се погрешно осудувани како штетници, и дека целата вина треба да падне на шеќерот. Не е баш така како што звучи.
