Кој најмногу бара азил, каде најмногу одат азилантите и такви работи. Пар табели на таа тема.

Конечно постои сигурен начин да се докаже нечија македонштина: брис од грло. Само уште тоа ни фалеше.

Раду Догару е еден од 6-мината кои од холандски музеј украдоа уметнички слики во вредност од 24 милиони долари. Во своја одбрана тој имаше да каже дека музејот е виновен за кражбата.

Американската биотехнологија ја има претворено Аргентина во трет најголем производител на зрна од соја во светот, но прекумерното користење на хемикалиите наголемо го зема својот данок во здравјeто на луѓето.

Не се работи за тазе фатени парови што се напалени ко печка на Железара, туку за луѓе кои имаат стаж еден со друг и се знаат подолго отколку една сезона на ТВ серија. Излезе дека овие вториве имаат две причини за секс.

Објаснувањето како ТВ сериите станаа толку богати и софистицирани, како дузина музичари можат да си дозволат спектакуларни концерти и продукција, како толку многу филмови добија толку многу скапи продолженија, се сведува на тоа дека на крај е многу поевтино да вложиш многу пари.

Здравјето, среќата и општата благогостојба на еден маж директно зависи од можноста да го прави она што најчесто се дефинира како "бев со другарите, се заебававме." Чисто научно, пропишаната доза е два пати неделно. 

Во Германија интернетот е прогласен за основно човеково право. Но, бидејќи не е одредено со која брзина е тоа право, цело село решило да ги земе работите во свои раце и да ископа канал за широкопојасен интернет.

Ниту заради огинот ниту заради тркалото. Човекот добил предност во животинското царство благодарејќи на четкичката за заби.

За само еден месец, Американците решиле да дадат вкупно 36 милиони долари за негативните кампањи кои ги очекуваат следната година.

11 милионски град во Кина е затворен заради неподнослива загаденост на воздухот. Во Пекинг веќе се работи на систем на гигантски правосмукалки кои би го цицале смогот од воздухот.

Надвор од вообичаените принципи за смислување режим на исхрана кој ќе ја намали тежината, човек од Минесота сосема елегантно си ја поправа линијата така што секој октомври е исклучиво на пиво и кобасици.

Една од безбројте апликации за наоѓање партнерка но со отворен сексистички пристап: за да излезе со вас, девојката можете да ја одоброволите со подарок.

Денешните деца се преморени - главно затоа што не ги добиваат за нив потребните девет часа спиење. Наместо да се инсистира на тоа децата да спијат, можеби треба да се промовира и нешто од што можат да научат и возрасните - релаксацијата позната како „сонување на јаве".

Паралелно со стандардното пазарење по тезги и браусање по супермаркети, во Англија се почест начин на набавка на квалитетна и домашна храна е трампање со други луѓе.

Жена е, црна е, најбогата на свет е меѓутоа не е Опра а не е ниту Американка.

"Драги архитекти, вас ве прегази времето. Знам бидејќи и јас бев една од нив," пишува на својот блог архитектката Кристин Оутрам разочарана од фактот дека нејзините колеги комплетно го изгубиле контактот со луѓето.

Поранешниот потпретседател на САД има долгогодишни проблеми со срцето заради што долго време е со пејсмејкер. Последниот пат, на пејсмејкерот му ги извадиле вајерлес функциите за да не можат терористи да му го хакнат срцето.

Ментал флос успеа во она во што голем број други медиуми не успеваа со години - да направи интервју со Бил Вотерсон, авторот на славниот стрип „Калвин и Хобс". За интервјуа, Вотерсон е она што е Џони Штулиќ за балканските новинари.

Користејќи ја технологијата наречена Li-Fi, кинеските научници успеаа на интернет да поврзат четири компјутери со помош на една ЛЕД сијалица од еден ват.

Продавницата за луксузна стока Неиман Маркус, од пред некое време во својата понуда има и аудио / видео систем за во двор. Една од главните карактеристики на системот му е цената од - 1,5 милиони долари.

Без разлика кој си во светов, па и да си Абрамович, кога ќе купиш куќа во центарот на Лондон, не смееш ниту да помислиш да изградиш повисоко од постојната висина што ја имаш. За добивање дозвола да не ни правиме муабет. Па, на богаташите им текна да почнат да градат под земја. Од сега и тоа им го бројат.

Паралелно со феноменот на "катанци на љубовта," односно ставање катанци на недолжни парчиња од урбаната инфраструктура, во Њујорк се развива една нова супкултура - отклучувачи на катанци на љубовта.

Нетфликс веќе е во сериозни преговори со Комкаст и други провајдери да стане дел од нивната редовна понуда на кабелска телевизија, ама како самостоен канал. Кога се појави Нетфликс требаше да биде компанијата што ќе го стави крајот на кабелската телевизија.