Претседателот на Комитетот за правосудство на Сенатот, Чак Грасли откри дека истрагата на ФБИ против претседателот Доналд Трамп, започната во 2022 година и поврзана со изборите, опфатила десетици републикански луѓе и движења, вклучувајќи го и Turning Point USA на убиениот активист Чарли Кирк. Истрагата Арктик фрост по природа била партиска.

Во препораките за одржување здрав ментален живот со медитацијата и се попопуларниот mindfulness, тешко дека ќе најдете предупредувања за несаканите ефекти за „совршената техника за ослободување на стресот“, која може да се практикува дома бесплатно. А, ги има многу. Ги забележале во Индија пред 1.500 години, а потврдени се во низа нови научни истражувања.

Урсула фон дер Лајен го преживеа гласањето недоверба поради аферата Фајзергејт, но нема каде да бега од одговорноста дека во трка за профит претворила милиони Европејци во заморчиња. Нејзината комисија сега признава дека вакцините против ковид биле одобрени за користење без да бидат проверени. Целта била да се забрза имунизацијата, а безбедноста била во заден план.

Џери Гринфилд се повлекува од култната американска компанија за сладолед Ben & Jerry’s што ја основаше пред 47 години, поради неиздржлив притисок од корпорацискиот партнер за замолчување на социјалната мисија. Не од Бен, од кого има поддршка. На новиот газда Унилевер му пречи нивното противење против геноцидот на Израел во Газа и американското соучество.

Под силен притисок од Доналд Трамп, претседателката на Европската комисија прифати да го забрза процесот на постепено укинување на увозот на руска нафта и гас. Урсула фон дер Лaјен претходно ги одложи и плановите на Комисијата за воведување на 19-от пакет санкции за Москва. Трамп бара од ЕУ многу поостри санкции, не само за Русија, туку и за Кина и Индија.

Кина ѝ го зеде местото на Германија на листата десет најиновативни нации во светот, а како што тргнала, многу брзо ќе ги загрози и Швајцарија, Шведска и САД, кои се на врвот. Македонија е на 63 место од 139 рангирани земји според Глобалниот индекс и е при дното на Европа. Веќе трета година по ред паѓаме и според рангот и според основните показатели за развој и иновации.

Настрана психопатите кои отворено ликуваа на убиството на конзервативниот активист Чарли Кирк, и угледни личности и медиуми се фатија за орото „сам си го бараше“, при што на човек често му се препишува она што не го кажал или пак е извадено од контекст. Македонската медиумска неписменост, со која се коментираат скриншотови од наслови како во нив да е целата вистина, душа дала за такви манипулации. 

Јавно декларирајќи борба против корупцијата, ЕУ тивко и обилно им плаќа на агенции и медиуми за да ги промовираат агендите на политичката елита во Брисел. Со близу 1 милијарда евра создала финансиска зависност кај медиумите, кои од егзистенцијален страв сами ги шират наративите. Дел од оваа мрежа се и проектите за „поддршка за слободата и плурализмот на медиумите“ во Западен Балкан.

Кирк не беше политичар ниту олигарх. Тој немаше никаква моќ над никого. Тој изнесуваше аргументи и ставови. Дебатираше. Ги изнесуваше своите идеи. Неговиот слоган беше „Докажи ми дека грешам“. Потоа, куршум му го проби грлото додека ја завршуваше реченицата. Неговото убиство е мрачна кулминација на хистеријата маскирана како „грижа“, „љубезност“ и „социјална правда“.

Независна комисија на Обединетите нации прв пат заклучи дека Израел спроведува геноцид врз Палестинците во Газа, по повик од државните лидери. Како докази, во обемниот извештај на 72 страници се наведени бомбардирања цивили, снајперски истрели во деца, атентати, колективно изгладнување, силувања... Геноцидот е поттикнат од израелското раководство, на чело со Нетанјаху.

Уште на првата официјална посета на соседна Германија, новиот полски претседател Навроцки планира на масата во кабинетот на Фридрих Мерц да му ја испорача старата сметка за воени репарации. Сумата воопшто не е мала, околу 1.300 милијарди евра. Владата на Доналд Туск досега свесно ја чуваше во фиока, за да не ги загрози односите со главниот трговски партнер на Полска.

Американскиот претседател Доналд Трамп повторно објави план за санкции врз Русија, но овој пат инсистира заедно со САД тоа да го направат и сите членки од НАТО, за да го засилат партнерски притисокот, исто како и трошоците за финансирање на Алијансата. Од европските сојузници бара итно да се префрлат од руска нафта на американски течен гас и да отворат трговска војна со Кина и Индија.

Научници темелно испитуваат маж што повеќе од две години бил болен од ковид-19 за да откријат како вирусот SARS-CoV-2 мутира кога е вгнезден толку долго во исто тело. Пациентот бил специфичен случај – веќе бил имунокомпромитиран кога се заразил со ковид и во крвта имал дваесетина пати помалку имунолошки Т-клетки во споредба со здрав човек.

Кинезите спремаат црвени ленти за да го отворат највисокиот мост во светот. Под Хуаџијанг Гранд Кањон може да ги собере сите четири кули Џевахир една врз друга плус центарот МРТ. Не е само гордоста и престижот во инженерската моќ. Пекинг инвестира во инфраструктурата за да го поттикне растот во внатрешните региони, кои долго време заостануваат зад просперитетниот брег.

Специјално изготвени капки за очи би можеле да им помогнат на луѓето што имаат тешкотија да читаат текстови, а не сакаат да користат очила, не трпат леќи или не сакаат операција. Капките два-три пати на ден се покажале како ефикасни во разни концентрации, но се препорачуваат само како привремена помош. Ако се претера со користењето, се зголемува ризик од несакани ефекти.

Полска собори руски дронови на своја територија, пишавме пред некој ден за акцијата на полски Ф-16 и холандски ф-35. Подоцна НАТО реши дека сериозниот инцидент со руските дронови во Полска сепак не ги задоволува условите за покренување на членот 4 за заедничка одбрана. На тој начин, Москва ги утврди контурите до каде може да оди. Воздушни рчкања меѓу Запад и Москва би можеле да станат правило а не исклучок. 

Договорот за заеднички инвестиции во развојот на квантни компјутери е обид на Вашингтон и Лондон да се спротивстават на агресивните обиди на Кина да доминира со оваа револуционерна технологија. Заедно со Доналд Трамп, во посета на Британија доаѓаат и шефовите на Нвидија и на Опен АИ, а се планираат и заеднички инвестиции за изградба на модуларни нуклеарни реактори.

Инсајдер од внатрешниот круг на Доналд Трамп и истовремено долгогодишен пријател на убиениот Чарли Кирк, на Макс Блументал од Грејзон му открил каков пресврт се случил во односите и расположението откако Кирк почнал го критикува Израел за она што го прави во бруталната опсада на појасот Газа и во свилената опсада на Белата куќа. 

Како што на Киев и на ЕУ им снемуваат пари, Брисел разгледува нов „креативен“ начин како да црпне од замрзнатите руски средства за да ги финансира воените напори на Украина. Брисел би ги претворил запленетите средства во еврообврзници. Западот веќе најде правна рамка за да ги заплени каматите генерирани од руските средства, но настојува да зема пари и од капиталните суми.

Данска го откажа состанокот за изгласувањето на климатските цели на Европската комисија за 2035 и 2040 година, што е јасен сигнал за несогласување и отпор меѓу членките. За одложувањето на состанокот притиснало „блокирачкото малцинство“ вклучувајќи ги Франција, Германија, Италија и Полска, кои инсистирале да не се гласа сè додека не се изјаснат националните лидери.

Американските здравствени власти ги поврзуваат вакцините за ковид-19 со смртни случаи на 25 деца. Ова тврдење, врз основа на податоци од јавна база, ќе биде претставено пред советодавниот комитет на Центрите за контрола и превенција на болести идната недела, за да разгледа дали да се ограничи имунизацијата против ковид на потесни групи и дали вакцините треба да останат бесплатни.

Моќната израелска разузнавачка служба се спротивставила на плановите на Нетанјаху за воен напад врз лидерите на Хамас во Доха, за да не се прекинат врските со Катар и да не се загрозат напорите за ослободување на израелските заложници во Газа. Службата предложила алтернативен план за елиминирање на терористичките команданти. Без поддршка од Мосад, нападите во Доха не беа успешни.

Левичарски политичари имаат „едноставно“ решение како да се запре галопирањето на буџетскиот дефицит на САД од илјадници милијарди долари: „Оданочете ги богатите“. Математиката вели нешто друго. На Америка нема многу да ѝ помогне дури ни целото богатство на милијардерите. Касата ја полни средната класа, а кревањето даноци за неа би било политичко самоубиство.

Еволуцијата на животните тргнала во две спротивставени насоки токму во периодот на големата експанзија на земјоделството и урбанизацијата. Домашните животни почнале да набиваат маса и големина, а дивите да оситнуваат. Нова студија потврдува дека човекот е главниот фактор зошто пилињата станале речиси поголеми од лисиците. Последиците од човекот се чувствуваат и во морињата.