На штотуку ре-избраниот претседател на Иран му е јасно каква политика од САД може да очекува кога Трамп реши своето прво стапнување во странска држава да биде во Саудиска Арабија. Па кога е веќе така, барем да им подели некоја лекција од демократија.

Ако пред 7 години, на 22 мај, заради какви било причини си купил биткоин во вредност од 100 долари, денес истите тие биткоини ќе ти вредеа - 73 милиони долари.

Освен што се клатеа и играа, Трамп и Саудијците тераа бизнис како првиов никогаш да не рекол дека саудиските принцови контролираат американски политичари со пари од татко им.

Базирајќи се на алатки создадени од американските тајни служби кои годинава протекоа во јавноста, Вонакрај во рок од неколку часа ги блокираше компјутерите на британското јавно здравство на над 30 локации, а потоа и на шпанска Телефоника, на руски мобилен оператор, и на француски Рено. Анализата на нападот покажува дека тој е несофистициран и аматерски изведен, плус, и дека не е нешто посебно доходовен.

Првата дама на САД ја пофали Саудиска Арабија за нивните напори и мерки кои водат кон „оснажување на жените“. За 110 милијарди долари колку што нејзиниот златен сопруг на домаќините им наплати во вид на нарачки за оружје, Меланија можеше да каже и дека САД од оваа земја можат многу да научат за третманот на жената.

Со еден круг на перките на турбините се создава доволно енергија за едно домаќинство да има струја цели 29 часа.

Пораката е од Дејвид Бесли, поранешен гувернер на Јужна Каролина, а денес генерален директор на Светската програма за храна на Обединетите Нации, според кого тоа што моментално се случува во делови од Африка не се "лажни вести, туку реалност".

Филипинскиот претседател Родриго Дутерте го повика народот да му помогне да ја спроведе неговата ригорозна забрана за пушење ја јавни места. Како што тоа бидна и порано, ваквиот повик е зелено светло за секоја битанга да шета по улици и да го спроведува законот по свое видување.

Намената на Свалбрад, глобалниот сеф за семиња сместен во далечните предели на Арктикот, е да послужи за не дај боже во случај на некое апокалиптично сценарио во кое е уништена комплетната глобална залиха на храна. Се наоѓа во планина, и направен е да издржи големи катастрофи "природни или човечки" и "да го издржи тестот на времето". Вчера сефот протече.

Агенцијата е Офицер и Џентлмен, и е одговорна за најголемиот дел од виралните видеа и кампањи околу брендот Порнхаб. Главниот предизвик: како да рекламираш на популација која е премногу засрамена да признае дека секој ден минува повеќе време на сајтот отколку на миење заби.

Она што ја разликува градинката Робин Худ од голем дел од другите градинки во Берлин е што таа е една од "шумските градинки", во која на децата со наставна програма им е пропишано секој ден да минуваат по неколку часа во шума. И ова важи за секој ден без разлика дали врнело или е сончево или е затрупано во снег.

За првпат некој да седне, собере и измери кои се всушност најефикасните начини да се зачува планетава и да се сопрат погубните трендови на нејзиното загадување. Резултатите ќе ве изненадат.

„Ти благодарам за твоето пријателство и твојот хумор и твојот интелект и единствен и неспоредлив талент“, напиша по веста за трагичната смрт на Крис Корнел неговиот соборец од Аудиослејв, Том Морело. И додаде поема посветена на својот другар.

Годинава на распоредот на кинескиот универзитет за дипломати ќе бидат додадени за учење 11 нови јазици, меѓу кои и тигриња, ндебеле и коморски, инаку локални јазици во некои од стратешките области на Африка.

Постојат бројни активности со кои на детето може да се пополни празнотијата на летните распусти за да не му биде здодевно. Но, ако не му дадете шанса да му е досадно, кога тоа ќе открие што всушност сака?  

Не да ја тетовираш "Тајната вечера" на глава, туку да тетовираш точки. Тоа, и нула да си шишан.

Кога вечерта на вести ќе видиш како завршил човекот на чиј концерт штотуку си бил. И одеднаш ќе ти текне со која песна го завршил настапот.

Наместо да се гледа како на политичар, на Трамп треба да се гледа како на бизнисмен, а на неговите постапки (околу Флин, Русите, ФБИ) како на ЦЕО кој се обидува да ги скрие срамните откритија за својата компанија.

Националниот парк не му дозволувал на еден од претставниците на креационизам на млада Земја (дека планетава е стара колку библијата) да собира карпи од кањонот бидејќи го мразел заради неговите верски убедувања.

Во падот на американските берзи што следуваше по најновите политички вознемирувања околу Трамп, Русите и што има они да бидат толку блиски, се проценува дека топ 500-те милијардери во светот имаат изгубено 35 милијарди долари. Најлошо минува Зукерберг, со минус од 2 милијарди долари.

Најнапредните ДНК анализи ги обесмислуваат оние реакции на континентот дека бегалскиот бран од Блискиот исток ќе ја извалка генетската мапа на Европа. Што се однесува до Балканците, поуката до нив гласи: ако сакате да сте верни на автентичната и повеќе милениуми долга традиција - мотиката в раце.

Брзо и неочекувано, на 52 години, само неколку часа по настап, почина Крис Корнел од Саундгарден и Аудиослејв, едно од најубавите рокерски грла на сите времиња. Глас распослан во четири октави во кој чудесно се мешаа и свила и шмиргла. 

Андроид О, Гугл ленс, печатени фото-албуми, попаметни апликации за по дома, виртуелна реалност, ама не и нов смартфон. Барем не за сега.