Иако ризикот од префрлање на вирусот на птичји грип врз луѓе се смета за „многу мал“, европските земји добија препораки да се подготват за итни и радикални мерки за да спречат нова пандемија. Болниците треба да го зголемат капацитетот и да издвојат одделенија за карантин, а граничните власти да се подготват да скенираат патници што доаѓаат од критични земји.

Администрацијата на Доналд Трамп ја обвинува ЕУ дека со својата миграциска политика ќе предизвика неизбежно целосно културно распаѓање во Европа. Во новата Стратегија за национална безбедност на САД се забележува дека економските проблеми на Европа се ситни во однос на реалната перспектива за цивилизациско уништување во следните неколку децении.

Променливата економија и прифаќањето на вештачката интелигенција во САД го стесни пазарот на трудот за високо образувана работна сила. Една четвртина од невработените се со факултетска диплома и тешко може да ги отплатат студентските кредити. Поучени од нивното искуство, помладите сè почесто избегнуваат колеџ и учат занаети, со кои полесно се наоѓа работа.

Напорите на Кина да ги забави опустошувањето на земјиштето и климатските промени преку садење дрвја и обновување на тревниците ги поместија водите низ земјата на огромни, непредвидени начини, покажува ново истражување. Новите зелени површини на северот го зголемиле испарувањето, а водата се враќа со зголемени дождови на Тибет.

Лидерите на ЕУ во октомври планираа да го пречекаат Зеленски со заем од 140 милијарди евра од руски средства замрзнати во белгиска банка, за да може Украина да војува барем уште две години. Веќе се расправале како да се трошат парите. Но плановите ги прекина премиерот на малата Белгија, кој сè уште се спротивставува на таканаречениот „заем за репарации“.

Стејт департментот им наложи на своите вработени да ги отфрлаат барањата за виза од луѓе кои работеле на проверка на факти, модерирање на содржината или други активности што администрацијата на Трамп ги смета за цензура на Американците. Конзуларните работници ќе треба детално да проверуваат CV-a, барајќи ги оние кои беа горди што учествуваа во „заштита на интернетот“.

Лебот, печивата, тестенините и житарките што Европејците вообичаено ги јадат за појадок, се затруени со токсична вечна хемикалија TFA, која не е регулирана од Европската Унија, покажува нова студија на Мрежата за акција против пестициди. Отровната TFA ја има во храната насекаде низ Европа, а најмногу во производите од пченица, која најчесто се прска со пестициди.

Трамп им дозволи на американските компании да произведуваат коли и камиони што трошат повеќе гориво и испуштаат повеќе издувни гасови. Ги укина строгите ограничувања што ги наметнаа администрациите на Џо Бајден и претходно Барак Обама, кои во своите зелени агенди им даваа приоритет на новата генерација електрични возила.

Европејците се вознемирени, длабоко свесни за своите слабости и ранливости и немаат позитивни очекувања. Континентот врие од внатрешни тензии и поделби за речиси сите отворени прашања - заканата од тероризам, миграцијата, недовербата кон елитите и технократите, зголемените трошоци на државите, дури и за прифаќањето на новите технологии.

Новата потерница објавена во Германија го поврзува украинското раководство, но и поранешниот американски претседател Џо Бајден со саботажата на цевководите на Северен Тек на дното на Балтичко Море во 2022 година. Операцијата ја наредил генералот Валериј Залужни, а Вашингтон, кој веројатно бил добро информиран, итно ја префрли одговорноста врз Русија.

Можете да имате евтина и сигурна електрична енергија на која ќе го темелите економскиот раст и просперитет, или можете да имате мрежа поддржана од ветер и сончева енергија. Европа го избра второто. Тоа што ги сруши сите мостови кон евтината руска конвенвионална енергија и попат дозволи во водух да биде дигнат и по некој подводен цевковод, не се покажа баш како најпаметен потег. 

Додека ние се привикнуваме на соживот со камерите што снимаат сообраќајни прекршоци, британските власти сакаат да го прошират системот за препознавање лица на 45 милиони граѓани. Камерите инсталирани во центарот на Лондон ѝ помогнале на полицијата да уапси 1.300 лица. Активисти предупредуваат: „Секој Британец ќе бидат третиран како осомничено лице“.

Смртта со инјекција асистирана од лекар, заведена како Медицинска помош при умирање (MAiD), сега сочинува над 5% од сите смртни случаи во Канада. Овие случаи се губат во статистиките, бидејќи здравствените власти не ги пријавуваат како еутаназија, туку како причина за смрт ја наведуваат тешката болест на лицата што решиле да се простат со животот.

Како израз на „неизмерна љубов“ кон своите миленичиња, прифатени како дел од семејството, естрадни и спортски ѕвезди во Америка не жалат пари за да ги клонираат. Освен што овој процес е грд, етички спорен и скап, процедурата опфаќа болки и малтретирање на животните, а плодовите, ако воопшто преживеат, обично не се идентични копии на оригиналите.

Идните мобилни телефони сигурно ќе поскапуваат. Виновна е вештачката интелигенција која има предност во набавката на напредни чипови, мемории и ССД-а, поради што потрошувачката електроника која ги користи истите елементи останува во втор план. Вештачката интелигенција уште сега го гуши ланецот на набавка.  

Американската Админстрација за храна и лекови најави дека нема да ја одобри новата експериментална вакцина за грип со мРНК технологија, иако производителот Фајзер тврди дека е поефикасна од стандардната. Комесарот за безбедност на лековите забележа дека истражувањата не покажале никакво подобрување кај возрасните лица, кои најчесто се вакцинираат.

За да ја пополни буџетската дупка поради напуштањето на колите на бензин и дизел, Британија најави нова акциза што за 200-300 фунти годишно ќе ги оптовари сопствениците на коли на струја. На оние што ги полнат колите во гаража на евтина струја патувањето ќе им остане поевтино, но ако ги полнат батериите на јавни станици, ќе плаќаат повеќе отколку да возат бензинци.

Илјадници измамници во Шведска со години црпат средства од системот за социјални бенефиции и ги префрлаат кон криминалните групи, овозможувајќи им сигурен и легален извор на финансирање. Со лажни боледувања и помош за невработеност собрале стотици милиони евра. А, плус добиваат и семеен додаток, зашто бандитите официјално немаат легални приходи.

Зеленски ќе го опреживее огромниот корупциски скандал во кој падна неговиот шеф на кабинет и главен преговарач Андреј Јермак, но проблемот не можеше да дојде во полошо време. Украинскиот претседател го изгуби поголемиот дел од својот топ тим а наскоро би можел да ја изгуби довербата на своите европски поддржувачи. Зошто би давале пари ако тие завршуваат во нечии џебови?

Глобалистичкиот филантропско-политички комплекс никогаш не се залагал за помош на заедниците, туку за зголемување на влијанието на мала група моќници што управуваат од сенка, тврди поранешната сопруга на основачот на Гугл. Во таа шема, елитата од Силициумската долина била искористена како „корисни идиоти“ за финансирање на глобални идеолошки проекти. 

Осумнаесетта година по ред Фондацијата „Трајче Мукаетов“ доделува 40 стипендии за студенти на Фармацевтскиот и на Медицинскиот факултет при Универзитетот „Св. Кирил и Методиј“ од Скопје. Изборот на стипендистите за учебната 2025/2026 година, кој е во согласност со објавениот јавен конкурс, е одобрен од Управниот одбор на Фондацијата по предлог-прелиминарната листа од комисиите за распределба на стипендии, составени од претставници на Фондацијата и на двата факултета, како и од претставници од редовите на студентите.

ОЕЦД веќе четири децении објавува катастрофално лоши демографски проекции кон кои владите потоа ги прилагодуваат своите политики за пензиите и враќањето на долговите. Критичари велат дека ова не е случајно. Признавањето дека населението се намалува би ги загрозило економските модели врз кои се потпира модерното општество.

Пратениците од десничарската коалиција на Џорџа Мелони вршат притисок златните резерви на Италија да бидат прогласени за „сопственост на италијанскиот народ“, а не на Централната банка. Тоа не значи дека Италијанците преку ноќ ќе се збогатат, туку дека владата ќе може да го продава златото за да ги затне дупките во буџетот и да ги плаќа долговите.

Вакцините против ковид придонеле за смрт на најмалку 10 здрави деца што не биле загрозени од вирусот, потврдила внатрешна истрага на Администрацијата за храна и лекови на САД. Врз основа на оваа истрага директорот на Центарот за истражувања во ФДА најави воведување нови стандарди за безбедност и построг пристап за одобрување на вакцини.