Иако застапник на ставот дека големите технолошки компании треба да преземаат мерки за елиминирање на „дезинформациите“ на нивните платформи, Бил Гејтс верува дека протерувањето на Трамп од Твитер не е соодветно, и дека треба да се зборува за тоа.

21 годишна девојка од Јоркшир е најмладата жена која сама го превеслала Атлантскиот океан. Наместо некој научно изработен план за исхрана,  јадела главно чоколади. Четириесет кила.

Ако нешто не лаже, тоа е видео, а на видеата кои деновиве кружат на Тикток се гледа како топки тазе собран снег не се топат кога директно ќе ги ставиш на оган. Исто така и физика не лаже, ама тоа е за тие што веруваат во физика.

Кина ги претрка Соединетите Американски Држави и сега е најголемиот трговски парнер на стариот континент. На Кина ѝ требаат луксузните европски производи, а на Европа медицинската опрема и електрониката која се произведува во Кина. 

Првиот американски епидемилог објави дека здравствените власти ја анализираат опцијата оние кои ја прележале болеста, да добијат само една доза вакцина против ковид-19.

Градоначалникот на Лион одлучи сите училишни оброци во градот да бидат без месо, и додека Французите се на раб да го линчуваат, тој објаснува дека мерката е заради пандемијата.

Надминувајќи ја границата од 58.000 долари, биткоинот сруши еден од највпечатливите рекорди во своето постоење – за момент имаше поголема вредност од златото.

САД нема да донира ниту една доза вакцини против ковид на сиромашните држави се додека земјата на обезбеди изобилие на вакцини за својата популација, е одговорот на Бајден на предлогот на Макрон.

Иако уште немаме ни поим каква пандемија ќе донесе 6Г технологијата, Епл веќе почна да вработува луѓе за нивниот тим задолжен за следната-следна генерација на мобилни комуникации.

Фармацевтската компанија во јуни минатата година и понудила на ЕУ 500 милиони дози од вакцината, по цена од 54 евра за една доза од вакцината.

Болници и старечки домови се евакуираат, а цели семејства со денови премрзнуваат, откако најголемата американска сојузна држава се најде сред студови какви што никој никогаш не ги очекувал, посебно не тамошните стручни лица задолжени за планирање на електричната мрежа на Тексас.

Процената на Фејсбук е дека повеќе им се исплати да имаат помалку посети од Австралијците, отколку да им плаќаат на медиумите за вестите кои се постираат на социјалната мрежа.

Првиот човек на Обединетите нации ја оквалификува глобалната дистрибуција на вакцини како „крајно нееднаква и нефер“, а како главен аргумент за тоа е дека само 10 држави имаат потрошено 75% од глобалната залиха на вакцини.

По ново професори по англиски јазик одбиваат да го предаваат Шекспир заради неговата „белечка надмоќ, мизогонија, расизам и класизам“, а и кога се предаваат неговите дела тоа е во име на „токсична мажественост и марксизам“.

Сортата е добиена од комбинација на локални џукели и пропадната хемиска фабрика на некои си 400 километри од Москва.

Поуката што некои ќе ја сфатат е не може ЕУ да ти брои колку луѓе ти умреле за време на мандат како директна последица на твојата неспособност, ако не си членка на ЕУ.

На 11 февруари 2011 по 18 денови протести, генералот Хосни Мубарак, египетскиот диктатор кој владееше три децении, беше присилен да ја предаде власта. Илјадниците луѓе што се собраа на плоштадот Тахрир, кој беше центарот на египетската Арапска пролет, беа пресреќни. Сепак, десет години подоцна, режимот изгледа посилен од кога и да е.

Како што во едни држави почнува или веќе е во тек масовна вакцинација, така во други почнуваат да се испилуваат уште „покобни видови“ на ковид-19, заради што глобалната математика за вакцинација не излегува така праволиниска како што ја мислеа.

Бижутериски активизам, вооружено незнаење, лов на вештерки, напувано морализирање. Зачната во некогашниот „прогон на Црвените“ кога во име на антикомунизмот беа „откажани“ илјадници луѓе, „кансел културата“ служи за да ги одврати луѓето од согледување на вистинските системски проблеми. Наместо тоа, да се занимаваат со банални политички некоректности.

Во име на хармонизирање на регулативите, во ЕУ од следната година ќе бидат забранети два масовно користени пигмента кои се дел од околу 70% од палетата која денеска ја користат тату артистите. Ако не побрзате, ќе си останете црно- бели.

Како што се зголемува бројот на луѓето кои прележале ковид, така помасовна станува манијата да се проверува дали и колку антитела се имаат добиено по природен пат (пошто од бовчата  допрва ќе станеме бројни). Се заборава една многу битна работа: анти-телата служат за мемоари, не за прогнози. 

Маск има нова омилена (и за сега ексклузивна) социјална мрежа, оваа посветена на аудио разговори, во која би сакал да го види и да разговара со рускиот претседател.

Последно од тоа што кинеската армија реши да дозволи светот да дознае за нив е дека имаат војници што ги опремуваат со ексоскелетон, и за сега служат за разнесување намирници каде што џип не стига.

Кога медиуми како Њујорк тајмс почнуваат да пишуваат дека се претерува забраните, хистеријата на маските и хигиенскиот театар, останува само уште Караџовски да верува дека треба да носиме маски надвор затоа што вирусот кмиши по улици а ние го дигаме со нашето одење. Стварно, можно ли е после онолкава медицинска кариера некој да си дозволи да го памтат по така глупа изјава?