Министерството за нафта на Сирија официјално ги обвини американските сили во земјата и вооружените групи што тие го поддржуваат дека се одговорни за кражба на најголемиот дел од нафтата што се произведува во Сирија.

Заради една сцена во последната сезона од Стренџер тингс, Металика влезе во радарот на младата тинејџерска тиктокерска публика и некако многу природно ги воодушеви, за по некое време истата оваа публика многу природно да почне да ровари низ 40-годишната кариера на Металика.

Онлифанс ја поткупилe Мета (Фејсбук) да стави илјадници порно ѕвезди на листата на потенцијални терористи, за истите да не можат да ги промовираат своите порно содржини што ги продавале на конкурентски сајтови.

Без разлика кој индикатор го користиш, рускиот претседател Владимир Путин победува на енергетските пазари. Москва заработува стотици милиони долари секој ден за да ја финансира инвазијата на Украина и да ја купи домашната поддршка за војната, пишува Хавиер Биас во текстот за Блумберг.

Претставувајќи му се како Виталиј Кличко (кој е градоначалник на Киев), познатите руски пранкстери Вован и Лексус извлекоа интересен став на градоначалникот на Мадрид: Главниот град на Шпанија е расположен да депортира Украинци и да ги праќа на фронт против Русите.

ФБИ подобро да има нешто „разорувачко“ за Трамп, бидејќи во спротивно само што бевме сведоци на еден од најглупите потези во историјата на политиката, пишува Мат Таиби.

Германските Зелени на импресивен начин ја прикажаа својата визија за Европа, вмрежена со „Ноќни спринтери“, возови кои ноќе ќе шибаат брзо и тивко и ќе поврзуваат оддалечени дестинации додека човек спие. Тоа би бил одржлив, егзотичен и комфорен начин на патување по Европа.

Највисоките кинески воени функционери немаат кренато на повеќе телефонски повици од нивните колеги од САД, откако Пелоси реши дека сепак треба да слета во Тајван.

Организација со седиште во Лондон а поврзана со украинската влада е обвинета за несовесно загрозување животи со објавување список на „предавници“ со лични податоци, фотографии, па дури и семејни податоци на наводни руски соработници. Вклучително и деца.

Со судски налог, ФБИ влезе во домот на екс претседателот во Флорида. Мајкл Мур, Розен Аркет и други познати фаци кои не го поднесуваат Трамп, не го кријат одушевувањето. Би рекле дека е неубаво тоа од нив, само што не сме сигурни дека и ние не би биле радосни кога полиција би влегла кај некој екс-државник кој ни ја продаде државата и попат зачува бомби за рекетирање луѓе.

Прогресивноста дојде и до Лијам Нисон, односно неговата најпозната филмска кожа, како татко кој не застанува додека не ја спаси својата ќерка. Многу било насилно тоа и било застарено сфаќање на татковството и мажественоста. Новиот татко и маж веројатно би требало да ги убијат злотворите со досада. 

„Само 30% од помошта во оружје за Украина стигнува до крајната дестинација,“ е едно од тврдењата на документарецот на Си-би-ес работен неколку месеци на терен во Украина, кој телевизиската мрежа целосно го збриша само неколку дена по објавувањето.

По правење секакви отстапки околу човекови права, медиуми, војна на соседни држави, и поскапи цени на енергенси, ЕУ на крај сепак потпиша договор со Азербејџан кој треба да биде каква таква замена за руските енергенси. Деновие и таму од ведро небо се припука.

Втор мандат на Бајден или Трамп би било „најлошото нешто што би можело да се случи“ сметаат нешто помалку од 40 проценти од анкетираните Американци.

Полјаците прават математика за парите што Москва ќе ги изгуби заради санкциите од ЕУ, и излегува дека Русија ќе мине подобро отколку Полска со казните од Унијата на која е членка.

Сите главно ги следат воените операции во Украина, но за економската и финансиската ситуација нема многу информации. Финансиската состојба започнала драстично да се влошува последниве недели, а тоа не може да остане без последици на воениот терен. Да ги разгледаме фактите, базирани на западни извори, ослободени од секаква руска пропаганда, пишува професор Трајковски.

Неделава САД покажа дека може да се справи со Кина и со Русија во исто време, без да почне нови војни или да изгуби некоја од постојните битки, пишува Џош Рогин во својата колумна во Вашингтон пост под наслов „Скептиците не се во право: САД можат да се конфронтираат и со Кина и Русија.“

Планинарите со амбиции за искачување на Монблан во иднина ќе треба да остават 15.000 евра депозит кај локалните власти пред да тргнат нагоре, откако десетици планинари решиле да ги игнорираат предупредувањата за искачување на планината.

Минатата недела организацијата објави извештај во кој ги обвини украинските сили дека ги загрозуваат цивилите со тоа што се барикадираат во цивилни области, згради, училишта и болници, што за британски Тајмс покажува колку Амнести интернешнл станале пропагандисти на Путин.

Влегуваме во четврта школска сезона со коронавирус меѓу нас. „Надлежните наскоро ќе издадат упатства но еве што јас имам да кажам за тоа, како здравствен научник кој 20 години проценува ризици во внатрешни простории, но и како татко на три ученици и чичко на 25,“ пишува во Њујорк Тајмс професор од Харвард.

Германските граѓани почнуваат да ја откриваат големата лага што нивните лидери им ја кажуваат веќе три децении. Фискалните суфицити не беа резултат на добро осмислена економска политика, туку на неинвестирањето онаму кај што треба. Да, Фолксваген наскоро ќе продава повеќе електрични коли, само што, парите ќе одат во Кина.

Соочен со опасноста од премрзнување на народот и гасење на фабричките погони, германскиот канцелар порача дека продолжувањето на животот на германските нуклеарки всушност има смисла.

Медиумите веќе прекувремено работат да го изберат Трамп повторно за претседател. Не оние медиуми што се од негова туку оние кои се навикнати да го мразат и не ја научија лекцијата дека Трамп успева благодарејќи на негативниот публицитет кој го добива од оние на кои луѓето веќе не им веруваат. 

Лајавиот Алекс Џонс го репнаа  4,1 милион долари како отштета на родителите на жртвите на пукањето во основното школото Сенди Хук, за кое тој тврдеше дека #НеСеДесило. Нај момент од судењето е кога му ги покажуваа телефонските пораки.