И покрај секнувањето на гасот од Русија, и сегашното и претходните, Унијата успеа да го достигне посакуваното ниво на наполнети резерви два месеца пред планираното.

Во Москва на лице место умре претседателот на бордот на Лукоил, Равил Маганов, откако, од непознати причини, паднал од прозорот во болницата во која бил хоспитализиран.

Европа не обрнува доволно внимание на пораката што сред војна доаѓа од Кремљ и на вистинските обиди за предизвикување на социјални немири, пишува Марија Тадео во текстот за Блумберг.

Паркинзите на аеродромот во Хелсинки се преполни со Каени, Поршиња, Бентлија и слични припадници на ултра-луксузната и скапа автомобилска ергела со руски таблици, и покрај тоа што Финска активно работи на укинување на визи за Русите.

Последниот советски лидер почина на 92 години. И натаму ќе останат отворени прашањата и дилемите дали тој повеќе беше државник (statesman) или продавач (salesman). Горбачов покрена историски бранови кои беа поголеми од него а политичката кариера ја заврши многу неславно. И како да не продава пица?

Само што одлучно (и не по своја волја) почна да се оттргнува од зависноста од рускиот гас, за која имаат колку економски, толку и идеолошки забелешки, ЕУ спасот го најде во уште поголем проблем - кинески гас.

Најголемата опасност за Полска денеска не демне oд Москва, туку од Берлин и Брисел, предупреди првиот човек на полската централна банка.  Тој отиде дотаму што ја обвини Германија дека „во некоја форма“ сака да ги врати териториите изгубени во 1945 година. 

Поранешниот началник на британскиот генералштаб, нема ниту една оптимистичка порака за Украинците и за крајниот исход од војната што се случува на нивна територија, само дека Украина со тек на време ќе треба да почне да се подготвува поинаку да размислува.

Американци должат планини пари заради студентските кредити кои ги земале на времето. Потеклото на овој долг нè враќа во времето на Роналд Реган и еден негов советник кој процени: „Бесплатното школство ќе ни создаде опасен образуван пролетаријат“.

За да може Унијата да го издржи влезот на нови членки (а.к.а. Балкан), таа прво мора да пројде сериозни реформи, порачува германскиот премиер Олаф Шолц.

Една од најопасните дебати што почнува да се отвора во Германија не е ни за Русија, ни за родови, ни за екологија, ни за нуклеарни централи, туку е за пензија, и како би сакале да се пензионирате на 70 години?

Од првиот ракетен напад на Русија врз Украина до средината на август, во САД се регуларно влезени и истоварени над 3.600 бродови со најразлична стока од Русија, со просечна вредност од 1 милијарда долари месечно.

Пријавувањето патенти и заштитувањето трговски марки се стандардно досадни и сувопарни случаи. Но, чат-пат знае да се појави и некоја помрсна епизода. Надлежните во САД неодамна решија дека никој не може да поседува ексклузивно право и на таа основа да заработува од омилената пцовка на англиски јазик.

Џеј Лангадинос е роден како жена но се идентификува како маж, па во 2010 на 19 години посетува психијатар кој треба да утврди дали таа е прикладна да почне терапија со примање машки хормони за да го смени својот пол. Џеј успешно станува маж, и денес го тужи својот психијатар за тоа.

Во време кога пискотници за гас и струја се слушаат од Рим до Берлин, Русија на самата северна граница на ЕУ, кон Финска, почна во празно да согорува гас со вредност од 10 милиони евра на ден.

Истражувачи на Јеил неодамна објавија студија според која по повлекувањето на западните компании, плус санкциите, руската економија е осакатена, а сите видливи економски успеси се фатаморгана.

Расната сегрегација, таа стара одвратна пракса за која до пред некое време секој во Америка ќе се заколнеше дека е трајно искоренета со дамнешниот закон за граѓански права од 1964 година, наголемо се враќа во САД, денес исполирана со политичка коректност.

Поранешниот претседател на САД и неговите сојузници оценуваат дека серијата истраги со кои се соочува Доналд Трамп, особено претресот во неговиот имот Мар-А-Лаго, се нешто што им прилега на „банана држави“. Постојат чесни исклучоци, но, има тука нешто.  

Ако сте прележале ковид одамна а чувството за мирис и вкус сè уште ви се нема вратено, бар да знаете дека не сте сами. Истата мака ја имаат речиси 30 милиони луѓе во светот. И никој не знае до кога ќе биде така и дали воопшто ќе помине.

Холандскиот град Хаг ќе побара привремено да биде исклучен од санкциите проти Русија, бидејќи заклучиле дека до доаѓањето на студот не можат да најдат замена за својот актуелен снабдувач со гас, руски Газпром.

Кој денес потпише долгорочен договор за купување руска нафта, ќе добие попуст до 30%, е понудата од Русија за неколку азиски држави.

Неколку кениски кланови ја дадоа Британската влада пред Европскиот суд за човекови права под обвинение за кражба на земја, иселување и тортура извршена на кениска територија во последните денови од британското колонијално владеење.

Американците и светот добија вакцина за ковид -19 многу побрзо отколку за некои други болештини не само затоа што ситуацијата беше ургентна а науката многу напредната туку и затоа што во Америка се ближеа избори.

11 години по катастрофата во Фукушима и притиснати од опасноста да останат без струја, Јапонија како да се престраши околу нуклеарната енергија и реши да почне да ги стартува нуклеарните реактори.