Дека станува топло, станува. Дека станува пототопло од што паметиме, тоа го потврдуваат мерењата. Но од што, мајку му? Најчесто се вели дека постои научен консензус околу тоа дека главен виновник за глобалното затоплување е јаглерод диоксидот. Но, кога ќе слушнете научен консензус, сетете се на „научниот консезус“ дека ковидот не е од лабораторија а вакцините спречуваат трансмисија.

Застрашувачка демонстрација на моќта и оперативната ефикасност на израелски МОСАД. Пресретнале илјадници пејџери нарачани од непријателскиот Хезболах во Либан, ставиле што треба да стават во уредите, почекале да бидат поделени меѓу борците во Либан и Сирија и истовремено им ги експлодираа со лажна порака. Кому в рака, кому в џеб. Јој!

Основачот и актуелен господар на медиумската империја и богатство проценето на 14,9 милијарди фунти, Руперт Мурдок деновиве на суд во САД треба да се објасни со своите три најстари деца чии се парите.

Креаторки и креатори на Онлифанс минатата година заработиле над една милијарда долари повеќе отколку некои од најелитните кошаркари во светот.

И четири години по пандемијата најголемите глобални компании не можат да ги убедат своите добро платени вработени дека се работи од работа, а не од дома. На Амазон му прекипе, па даде ултиматум до јануари 2025.

Интернетите на Хрватска, Словенија, Австрија... деновиве беа полни со фотографии од птици кои се туткаат во поголеми групи по балкони и симсови. Не е тоа подготовка за преселба туку снаоѓање во потребата да преживеат бидејќи температурите се спуштија преку ноќ  а тие не успеаја да емигрираат во потоплите краеви.  

Голема нова студија предвидува дека во следните 25 години, над 39 милиони луѓе во светот ќе умрат од инфекции отпорни на антибиотици. Се очекува сегашниот број на вакви фатални епилози да се удвостручи што значи дека ќе се умира и од банални инфекции а рутинските операции стануваат ризични.

Оние кои после првиот атентат врз Доналд Трамп не веруваа дека тоа е дело на осамен лудак туку-така качен на покрив со пушка, беа убедени дека моќните структури кои го извеле тоа, нема да се откажат после првиот неуспех. Ете, се случи и втор обид. А големите медиуми поставуваат брилијантно погрешни прашања, од типот, мора ли Трамп толку да игра голф?

По процените на една од најголемите потрошувачки асоцијации во земјата, Асоутенти, цената на шолја еспресо во земјата од 2021 е покачена за 15%, и денес на одредени локации таа знае да чини и до 2 евра. Мхм, за 2 евра еспресо ќе се фаќаат за кука и мотика.

Деца до 2 години (по ново - тодлер) не треба да видат екран ни еден минута од својот живот, и тоа опфаќа сè од телевизор и таблет уред, до смартфон. Ништо.

Колапсот на стапката на новороденчиња која почнува во Европа по Втората светска војна, во изминатите децении е проширена низ цел свет. Да, вклучително и Кина.

Технолошкото заостанување на ЕУ зад САД и Кина не е последица на недостаток на инвестиции туку на кусок од суверенитет и спремност да се бранат сопствените компании од американската конкуренција, смета Арно Бертран. Додека ЕУ не смени нешто фундаментално во своето управување и начин на размислување, ќе продолжи да си ја брка својата опашка.

Косовскиот премиер Албин Курти сите ги става пред свршен чин со своите акции на северот на Косов, вели аналитичарот Марко Прелец кој има докторирано на Јејл и работено за Хашкиот трибунал и Меѓународнта кризна група. Проценува дека би можело да следи презенање на српските училишта и болници.

За прв пат во историјата американската влада годинава ќе треба да плати повеќе од 1.000 милијарди долари камата за националниот долг кој достигна 35,3 илјади милијарди долари, објави тамошното министерство за финансии.

Кинеска продавница ги моли своите муштерии да ги откажат нарачките на машини за перење бидејќи вработената ставила погрешна цена на сајт и сега се во минус од над 4 милиони долари.

На повидок ново продлабочување на јазот меѓу Унгарија и централата во Брисел. Земјата ги разгледува правните решенија за тужење на Европската комисија откако беше казнета со 200 милиони евра заради нејзините рестриктивни миграциски политики. Унгарија вика дека дала многу повеќе за да се заштити себе и Европа и планира да си ги врати парите.

Кинески молер умира од дефект на органите откако работел 104 дена со само еден ден одмор. Дечкото имал 30 години, почнал да работи на крај од февруари и издржал до крај на мај.

Европската младина ќе биде заштитена од ужасите на гледање видеа од луѓе кои вежбаат или предлагаат да се вежба, кои Јутјуб одлучи по ново да ги жигоса како штетна содржина.

Годинешната листа на магазинот Тајм со луѓе кои се клучни за напредувањето на вештачката интелигенција и одредување на насоката во која истата се движи го нема Илон Маск, ама затоа ја има Скарлет Јохансон.

Мерките кои се преземаа во ерата на пандемијата како што беа карантини, заклучување дома, затворање училишта, откажување спортски и други настани довеле до тоа мозоците на тинејџерите кои минуваа низ тој период битно да остарат. Не малку, туку цели четири години, утврдиле истражувачи од Универзитетот Вашингтон.

Времето на пандемијата беше страшно за научниците кои не се согласуваа со доминантните наративи и официјалните здравствени политики. Во нивното оцрнување не учествуваа само социјалните медиуми туку и нивни колеги научници кои создаваа атмосфера за линч. Подоцна добар дел од укажувањата се покажаа точни, ама тоа стана лански снег. Научниците кои дигаа глас преживеаја, но угледот на науката - не баш.

Извшетајот за конкурентност кој за Европската комисија го изготви Марио Драги го соочи Брисел со скапа вистина. Без дополнителни инвестиции од 800 милијарди евра годишно, континентот ја губи трката на глобалниот пазар и станува небитен. Европските бирократи можеби се надеваа дека ќе им биде препорачана шминка, а оно да ти требало сериозно преструктиурање.  

Како што тоа обично бива, фановите на Камала се убедени дека таа победила на првото соочување со Трамп а фановите на Трамп пак, никој не може да ги разубеди дека тој не ја растурил неа. Потрезвените посматрачи велат дека дебатата не направила никаков сериозен пресврт. Се нафрлат сега цитати и мемиња но најголемата поука, особено за Трамп, е да се пази на кој  медиум се оди на дебата. 

Истите овие што за сега се главни осомничени за неуспехот на мировните преговори во Истанбул меѓу Русија и Украина, кои според сведоштва стигнале до отворање на шампањско пред да се јави Борис Џонсон, сега почнаа отворено да навиваат за војна меѓу Русија и Кина.