На здравствените авторитети кои носеа или предлагаа препораки и упатства, уште на почетокот им било јасно дека маските помагаат и се корисни за општата популација. Ама, ете, им било страв да не ги потрошиме брзо.

Двајцата водечки балкански епидемиолози тврдат дека вирусот е ослабнат. Други дека во меѓиувреме ја зајакнал својата заразна моќ. Првите се Заев и Цеца, другиве се некои аматери од институтот за биомедицински истражувања Скрипс.

По зборовите на главниот епидемиолог во земјата, Шведска има направено далеку помалку напредок од очекуваното во постигнување на групен имунитет на коронавирусот.

Проминентен православен свештеник на кого му беше забрането да проповеда заради негирањето на коронавирусот (и се по ред), го стави под опсада матичниот манастир од кој беше прогонет.

54 американски научници дале отказ или биле отпуштени од работа по масовната истрага во Националниот институт за здравство затоа што не ги пријавиле своите финансиски аранжмани со странски влади. Кај 93% од овие случаи, се работи за тајно финансирање од кинеска институција.

Светската здравствена организација се израдува на „големата вест“ за дејството на евтиниот и достапен декасаметазон во намалување на смртноста на тешко заболените од ковид-19 и најави промен и во упатствата за треман на болеста.

Групен имунитет е опасна фантазија и толку далечно враќање во историјата во времето пред постоењето антибиотици, во Средниот век, што треба да се избрише и од речник и од размислување, е ставот на американскиот професор и доктор Вилијам Хаселтин, кој своевремено ја поставува стратегијата за развивање на терапија за ХИВ/СИДА.

Обидот на австралискиот медиумски еснаф да го натера Фејсбук со нив да ги подели парите што ги зема од реклами, заврши со контра-понуда од Фејсбук - ние можеме без вас, вие без нас?

Еден ден по спроведување на 75.000 тестови во 20-милионскиот Пекинг пријавени се 36 нови инфекции, што е најсериозниот раст на бројот инфекции во Кина во последните неколку месеци.

Како на САД да не им доволна беља што на пол позиција го имаат опасниот кловн Доналд Трамп, спротивниот табор се чини дека има тотално полудено со диктатурата на политичката коректност: редакциите се полнат со денунцијанти, луѓе губат работа само ако на твитер бидат означени како расисти, а во страв да не им се замерат на антифа-мантифа, медиуми одат со наслови за кои ќе помислите дека се од Тhe Onion. На пример, „Во мирните демонстрации беа повредени 22 полицајци.“

Корпоративни штакори во BBC пред некој ден решија да скинат од репертоар епизода од познатата хумористична серија „Фаличниот пансион“ оценувајќи дека има расистички навреди. Откако нејзиниот автор, монтипајтоновецот Џон Клиз ги направи пуздер, решија да ја вратат епизодата. 

Над половина од населението на Бергамо, каде што е спроведено истражувањето, имаат ковид-19 антитела, објавуваат италијанските здравствени власти.

Можеби имаме поинакво чувство затоа што епидемијата ослабнува во оние земји во кои први удри и кои ги сметаме за симболи на заразата и нејзини жаришта. Но, не е така. Географијата на болеста се менува и денес дневно се пријавуваат повеќе новозаразени од оние денови кога бевме најуплашени.

Сериозниот магазин Nature минал низ најновата научна лиртература поврзнаа со истражувања на коронавирусот и направил дајџест на последните сознанија. Па да видиме до кај сме.

Во светов не се бара само вакцина за коронавирус. Постојат екипи кои мозгаат нестандардни идеи во обид да го победиме алгоритмот на вирусот и да го искористиме она што го знаеме за него за да се организираме поефикасно.  

База на податоци која успева да се протне низ сите филтри за објавување студии во двата водечки светски медицински журнали (Лансет и Њу Ингланд џурнал оф медисин) и со таа тежина зад себе да ги измени политиките на СЗО (и некои влади) во врска со ковид-19 излезе дека најверојатно е измама и дека треба да се дисквалификува.

Од двајца Германци, еден е сигурен дека ќе се вакцинира за ковид-19 кога ќе излеза вакцина за оваа болест. Секој петти е сигурен дека нема да се вакцинира. 

Ова контроверзно тврдење кое предизвика бура различни реакции во италијанската јавност доаѓа од сериозно место: доктор Алберто Зангрило е прв човек на миланската болница Сан Рафаеле, Ломбардија, регионот кој беше под најголем удар на болеста.

Му продале телефон за кој тврделе дека е непробоен ама му бил хакнат и со тоа му била нанесена емотивна вознемиреност и се чувствувал понижен. Па со пар милијарди долари, самохраниот брат малку од малку да ги закрпи своите рани.

До култура на стадото одамна имаме стигнато, особено во поглед на менталитетот кој го манифестираме во нашите Фејсбук трла и Твитер бачила. Но, до имунитет на стадото имаме уште да весламе.

Сексуалните работнички во Швајцарија од следната недела ќе можат да продолжат со работа (кој сака, може и од дома). Подготвени им се и соодветни протоколи со препорачани практики за држење социјална дистанца. Во мирнодопски времиња тоа се викаа пози.

Сите брачни парови во Кина што во иднина ќе сакаат да сменат статус во сингл, ќе треба прво еден месец да оладат пред да добијат дозвола за развод. И кинески брачни парови одма се побунија против ова.

Кинезиве педантно реконструирале еден фамилијарен ручек во ресторан со централна вентилација од кој произлегле вкупно три ковид кластери бидејќи се заразиле уште две фамилии кои седеле на соседните маси. Ако треба брзо наравоучение: гледајте од каде дува тоа климата.

Иако вториов е неспоредливо поевтин и има многу безбедна историја на користење, доволно беше некој од  горе да намигне во другата насока и ремдесивирот преку ноќ да стане хит во борбата против ковид-19. Има ли пари во оваа приказна? Нормално дека има.