Малку работи фатија, ама тие што ги фатија, брилијантно ги утнаа. Неработна недела е  уште една демагошка парола околу која лесно се сојузуваат политичари од спротивставени табори. Добро, ќе бидат ли и рампите на патарините дигнати во недела, зашто и тие работници се луѓе? Плус, така полесно ќе биде да се оставаат пари за шопинг во - Солун.

Целта на тестот во декември е да се провери состојбата во земјата и дали владата може да ги олесни рестрикциите воведени заради пандемијата, изјавил премиерот Игор Матович.

Научници од јапонскиот Универзитет Гифу креирале роботска женска рака за осамени мажи. Дека ним им треба да сменат рака, тоа е јасно, ама оваа ја скроз утнува поентата. Ќе имало и верзија за жени и ќе мирисала малку на моторно масло, малку на скара. Да, вакцина за корона сè уште нема.

Освен за претседател, на изборите се гласаше и за стотици закони, меѓу кои дел се однесуваат на наркотици, од лесни до најтешки, и многу од нив пројдоа.

Минатата недела во Европа се регистрирани 1,5 милиони (рекордни) нови случаи на ковид-19, меѓутоа не се работи за еден голем бран, туку за голем број помали бранови кои ги навјасаа здравствените системи на континентот.

Што точно значи „близок контакт“? Колку траат анти-телата? Занате ли дека после прележување на болеста, нечии мозоци се постари цели 10 години?

На крај од турбулентна кампања во која секој медиум има свој кандидат па соодветно крши кичма во тој правец, остана на новинската агенција Асошиејтед прес да биде столбот на точноста и вистината околу резултатите од изборите во САД. И Асошиејтед прес за оваа улога ангажираше 4.000 репортери.

Податоците кои се кумулираат од сите страни на светот сè посилно сугерираат дека училиштата не се хот-спотови за зараза од коронавирус. Наспроти стравовите, ковид-19 не се разгори откако повторно се отворија школите и детските дневни центри по нивното затворање во првиот бран од пандемијата.

Тој прочуен Запад го занима само фамозната стабилност а најдобри партнери и најпослушни слуги се оние кои имаат за што да бидат уценети.

Дел од интервјуто на белградско „Време“ со Милош Васиќ, еден од основачите на истиот тој весник кој деновиве наполни 30 години а со децении беше еден од ретките резервати на медиумска нормалност. И денес е главно таков, само што сите по малку сме заморени од оние кои „много их је и страшно галаме“.

Го имате ли и вие сè почесто чувството кое ви го раѓа хаосот и апсурдите на секојдневието поради кои помислувате: „Не е можно ова! Некој мора да се заебава со нас!“ Бидете така. 

Во замокот Виндзор има работна позиција хоролошки конзерватор, и овој лик е задолжен два пати во годината да го менува времето на над 400 часовници. Деновиве му беше еден од термините.

Џон Стјуарт дал рака за да продуцира, води и пишува шоу на Епл од слична природа на она што го напушти пред 5 години.

Фамозниот имунитет на стадото е едно од најконтроверзните прашања на тековната пандемија. Од една страна имате озбилни научници кои велат дека е само прашање на време кога тоа ќе стане реалност, од друга страна имате озбилни научници кои велат да не се надеваме на тоа. И оди после сфати ги озбилно. 

„Ова што денесе се нарекува наука е досадно и е резултат на тоа што некако се решило дека повеќе ни е потребна технологија отколку знаење. Потребно ни е ресетирање како кај компјутер и од утре да тргнеме поздраво,“ вели прославениот хрватски молекуларен биолог кој неодамна го доби највисокото француско одликување (Орденот на Редот на легијата на честа), а јавноста ја раздрма со дилемата: „Во Хрватска годишно умираат 50.000 луѓе. Зошто 300 мртви од корона би биле поважни?“

Сè започна со пастрмалијата во која нема пастрма и растителниот кашкавал кој не е кашкавал, а работите не одат на добро. Европскиот парламент ја одби иницијативата на месарите да знаеме што јадеме.

Пандемијата доведе до огромен скок на популарноста на шахот, особено на онлајн играњето на оваа древна игра. Но, истовремено тоа доведе и до поплава на измамници кои до вчера биле трупови а денес играат како велемајстори.

Само пред еден месец радосно извикавме „Венера, примаш ли гости?“ пренесувајќи го спектакуларното изненадување дека таму е пронајден биомаркер кој сугерира можност за постоење на живот. Еве нè сега, мораме да пренесеме  дека таму има живот колку што има живот во Богданци во четврток навечер.

Помалку да се известува за короната и пандемијата? - Да, ве молам, пишува Кристина Бурак, бидејќи состојбата е премногу сериозна и медиумите би требало да престанат да ги душат потребните информации со поплава од непотребни вести. 

Случајот го пренесовме кога беше тазе (види “Фејсбук и Твитер цензурираа текст на Њујорк Пост против Бајден“), но ситуацијата вреди да се стави во поширок контекст за да се доловат двојните стандарди на моќните социјални мрежи и нивното опасно играње со цензурата и слободата.

На почетокот на пандемијата, алфа и омега на нашата заштита од новиот коронавирус беа миењето раце и дезинфекцијата, за по некое време приматот да го заземат маските за кои сега се лобира да се носат дури и на отворено, иако за тоа не постојат никакви научни докази и аргументи. Ќе помислиме дека е тоа така само затоа што за маски полесно се казнува отколку да нè проверуваат дали рацете ни мирисаат на сапун.   

Холвудски рапер прави песна со наслов EDD. Тоа е департмент за вработување на Калифорнија. Се фали како ги одрал. Песната има преку 500.000 прегледи на Јутјуб, само што некои од тие пола милион кликови биле на ФБИ. 

Човечката дланка е фасцинантен гаџет. Пoкрај сите корисни (и убави, молим лепо) функции кои ги има, таа може да биде и показатал за општото физичко здравје но и за дијагностика на конкретни проблеми. Не со гледање, туку со стискање.

Децата кои наместо на бетон играат во зеленило, шуми, тревници, грмушки, во рок од само еден месец имале подобрување на имунитетниот систем.