Кога научници пристигнале на норвешкиот северен архипелаг Свалбард за да гo испитаат влијанието од климатските промени врз поларните мечки, забележале дека топењето на мразот нема катастрофални последици. Напротив. Мечките биле подебели и поздрави. Се прилагодиле да ловат моржови, чија популација исто така се зголемила.

Секој што последниве години се осмелуваше да спомне мода, имитирање или социјална зараза во поглед на растечкиот број трансродови млади, се сметаше за закана за благосостојбата на децата. Дека таквите го напаѓаат физичкиот и психолошкиот интегритет на младата личност и се сомневаат во (моменталните) резултати на нивната самоидентификација. Омилена етикета за нив беше: трансфобични.

Рок легендата Нил Јанг му тера контра на Доналд Трамп нудејќи им го на жителите на Гренланд целиот свој дигитален музички каталог една година бесплатно. Истовремено, порача дека никогаш нема да ја врати својата музика на Амазон додека негов газда е Џеф Безос. Јанг повлекуваше музика од други платформи и порано, па после ја враќаше.

Пораното откривање, подобрените здравствени третмани и поздравите животни навики првпат ја кренаа над 70% стапката на луѓе со рак што ја победиле болеста, покажуваат нови статистички податоци за САД. Пред половина век стапката била 49%. Некои типови рак се победуваат во 98% од случаите, но ракот на панкреас го преживуваат само 13% од пациентите.

Онаа петарда Канје Вест/ Канје/ Је закупи цела страна во Волстрит журнал за да им ги објасни своите маки на луѓето и да се извини за неговите антисемитски испади. Признава дека од умот се подизгубил и дека долго време се бори со своето биполарно пореметување. Најјако е што коренот на своите проблеми го гледа во тоа што многу одамна, си ја учукал главата а не бил соодветно третиран. Дој кај нас на Клиника. 

Илегалците бараат работа и се трудат да ја задржат при што обично заземаат работни места кои за домашното население не се привлечни. Можеби дилемата дали некој без документи треба да биде депортиран или треба да остане се сведува на пресметката дали тој е корисен за домашната економија или е штетен и прави други бељи во системот.    

Бабите и дедовците што на каков било начин се вклучени во грижата за нивните внуци всушност се грижат подобро и за сопственото здравје, покажува ново истражување. Притоа не е важно дали бдееле врз внуците кога се болни или само ги придружувале до училиште. Грижата помага сè додека не им е наметната од родителите. Тогаш е товар.

Бјанка Вицшел, општа лекарка од Саксонија, во февруари ќе оди во затвор. Осудена е зашто во времето на пандемијата им дала право на избор на своите пациенти дали да носат маски или да се вакцинираат. Германија тоа го смета за кривично дело што мора да се казни со робија, одземање на ординацијата и уништување на животот на доблесната докторка.

Во шест квартови во англискиот град Оксфорд ќе бидат воведен концептот „град од 15-минути“, со строго ограничување и надгледување на движењето на луѓето. Целта е да се обесхрабрат жителите да користат автомобили и да се промовираат поздрави алтернативи - пешачење и возење точак. Возачите ги опишуваат овие населби со „сталинистички“.

Тогашниот британски премиер Борис Џонсон, во 2020 година ја прогласи ковид вакцината АстраЗенека за „триумф на британската наука“ и таа беше клучен елемент во раното воведување на вакцините во Велика Британија. Уште рано се појавуваа извештаи за несакани последици но бројките допрва откриваат дека се работело за доста масовно пријавување.   

Администрацијата на Трамп го прекинува финансирањето на истражувања со човечко фетално ткиво од абортуси извршени по желба. Ќе може само од спонтани. Застапниците против абортусот ова го бараа со години. Критичари предупредуваат дека одлуката ќе има последици за биомедицински истражувања за неплодност, дијабетес, ХИВ и невродегенеративни нарушувања.

Поради грешка во софтверската надградба, стотина сообраќајни камери низ Британија погрешно идентификувале најмалку 2.650 случаи на пребрзо возење во изминатите пет години. Сега се прават напори да им се поништат паричните казни и одземените бодови на возачите. Многу потешко ќе биде да се врати довербата во системот за казнување.

Саудиска Арабија по територија е држава која е дури 84 пати поголема од Македонија. Немаат ни една единствена река ни езеро. Ама затоа имаат пари и кралско семејство кое управува со земјата и на кое му е јасно дека водата за нив не е само прашање на квалитет на живот туку и прашање на опстанок. Затоа, под земја. Ем да не испарува, ем да не може човек пластични шишиња да фрла во неа.

Веганската исхрана како „поздрава“ алтернатива на месото пред само неколку години се промовираше како „културна револуција“. Рестораните и супермаркетите сега се откажуваат од продажба на веганска храна поради намалениот интерес на купувачите. Луѓето им се враќаат на свинското и на пилешкото како едноставни и поевтини извори на протеини.

Администрацијата за храна и лекови на САД тивко избриша свои веб-страници на кои пишува дека мобилните телефони не се опасни за здравјето. Во исто време Министерството за здравство почна истрага за потенцијални штетни ефекти од зрачењето на мобилните. Ова е дел од стратегијата МАХА на министерот Кенеди, кој одамна ги поврзува мобилните со канцер.

Дождот не мора секогаш да биде елементарна непогода што ги претвора градските улици во реки и ги поплавува подрумите. Во урбани средини во кои канализацијата не е затната дождот поминува како однесен со вода. Во кинеските градови, дождовницата е благослов – внимателно се собира, се рециклира и се користи за наводнување и тоалети.

Првпат после 10 години откако е во егзил во Германија, кинескиот уметник Аи ВејВеј се врати дома, за со синот да ја посетат неговата 93 годишна мајка. Човекот кој беше симбол на кинеската опозиција на властите во Пекинг, после 10 години поминати во Европа, вели дека секојдевниот живот во Кина е многу похуман и поедноставен за луѓето. Во споредба со тоа, човек во Германија се чувствува несигурно и ограничено.

Тајван ја надмина Јужна Кореја како земја во која се раѓаат најмалку деца. Годишната стапка на наталитет паднала на 4,62 новороденчиња на 1.000 луѓе. Секоја жена просечно раѓа по 0,8 бебиња. Земјата важи за „супер-старо“ општество, бидејќи Тајванците на возраст над 65 години надминаа една петтина од вкупната популација.

При симулација на епидемија на птичји грип во Португалија, пациентите кои одбиваат да користат маски се издвоени како „закана“ за напорите за запирање на вирусот. Засилениот интерес за вирусот H5N1 потсетува на сличните симулации што ѝ претходеа на пандемијата на ковид, покрај  истражувањата со стекнување функции кај вируси и развојот на mRNA вакцини.

Мобилна апликација со морбидно име се искачи на врвот листите на платени на продавниците на Епл во Кина, нудејќи суров потсетник за тоа колку мрачен може да биде модерниот живот и за младите и за старите. Апликацијата го адресира раширениот страв меѓу самците дека ќе умрат, а тоа никој нема да го забележи. А такви во Кина, за некоја година ќе има 200 милиони. 

Озлогласениот глифосат на Монсанто не е единствениот отров што ги труе земјоделците. Ново истражување покажува дека долготрајна изложеност на вообичаениот пестицид хлорпирифос за повеќе од 2,74 пати го зголемува ризикот од развој на Паркинсонова болест. Пестицидот е забранет во ЕУ, но до неодамна се прскал во САД и денес на големо се користи низ светот.

Германската министерка за здравство со огорченост реагираше на критиките од нејзиниот американски колега дека Берлин им ги наметнувал на граѓаните вакцинирањето против ковид и носењето маски. Јавноста коментира дека Роберт Кенеди всушност е во право и дека пациентите во Германија практично немаат слобода за медицински одлуки.

Неразјаснет хакерски напад го спречил пристапот до нова глобална студија во која се откриваат врски помеѓу нови и „разбудени“ случаи на рак кај луѓе по вакцинација против ковид. „Цензурата е жива и здрава во САД и влезе во медицината на голем, ужасен начин“, забележува еден од авторите на истражувањето спроведено во 27 земји. 

Американската специјална виза некогаш беше дизајнирана во земјата да донесе уметници од светска класа. Од апликантите се бараа светски достигнувања, важни награди и други параметри за докажување на нивните извонредни способности во областа на уметноста, филмот, музиката... Денес најбројни апликанти се оние од ОнлиФанс. Тие покажуваат број на фоловери и договори со брендови.