Законот беше усвоен во Претставничкиот дом на Њујорк пред неколку месеци, а оваа недела беше одобрен и од Сенатот, по минимална дебата. Сега е на масата на гувернерката Кети Хочул, која гордо го истакнува својот прекар „прва мајка“ на Њујорк.
Ако го потпише, промените стапуваат на сила на 1 ноември. Ќе мора да бидат преработени сите одредби во семејните судски постапки, регулативите за семејни односи, издршката за деца, одредувањето на старателството, дури и во законите за образование.
Промената е неопходна бидејќи го усогласува државниот закон со општоприфатените стандарди за тоа како семејните судови ги решаваат случаите на сурогат мајчинство и оние со родители од ист пол, вклучувајќи парови со две мајки, пишува во меморандумот што го придружува законот.
Адвокати за посвојување коментираат дека употребата на термините мајка и татко во семејното право е застарена со оглед на растот на посвојувањата од истополови парови и договорите за сурогат мајчинство.
Имате посвоители кои се од ист пол во Њујорк. Има двајца мажи и две жени како родители, објаснува адвокатката Лесли Силвер-Хофман.
Конзервативната опозиција го оценува законот како „дивеење на разбудената култура“.
Ова е понижување од позиција на сила. Покажува колку е забегано законодавното тело на Њујорк. Непотребно и расипничко трошење време, изјави Џерард Касар, претседател на локалната Конзервативна партија.
Републикански сенатори го опишаа законот како скандалозен.
Во време кога жителите на Њујорк се згмечени од сметките за комунални услуги, растечките трошоци и загриженоста за јавната безбедност, демократите од Албани одлучија дека приоритет треба да има бришењето на мајките и татковците во државните закони. Јас сум мајка и горда сум што ме нарекуваат мајка, рече сенаторката Патриша Канзонери-Фицпатрик.
Владејачките демократи во Њујорк со години туркаат агенда за родова неутралност Во 2023 година е усвоена мерка со која се налага сите закони, правила, регулативи или резолуции да вклучуваат родово неутрални термини како што се „тие/нив“ или „нивни“ наместо мажи/машки или жени/женски.
Во 2018 година, тогашниот градоначалник Бил де Блазио одобри закон што им дозволува на њујорчаните да изберат трета категорија за пол во изводите од матичната книга на родените - небинарна категорија на идентитет „X“.
******
Види и: Не се жени, туку јајчарки?
