Цената на пивото (барем во Британија) веќе е порасната за 13% од пандемијата, а не само што ќе продолжи да расте туку и пивото ќе стане погрдо од тоа што е сега, е предупредувањето за тоа како глобалното затоплување ќе влијае на пивото.

На конференција на Ториевците, премиерот Риши Сунак се откажа од проектот за брзи пруги па затоа мораше да понуди нешто друго „големо.“ Понуди ригорозна политика против пушењето. „Ова е потсетување како недостатокот на политичка визија, технократи како Сунак го компензираат со тривијален авторитаризам,“ пишува во текстот „Англија без цигари е неслободна Англија.“

Во денешниот медиумски пејсаж нема ни сенка од дрскоста и провокативноста на еден Хантер Томпсон или ПЈ О' Рурк кому му беше објавен текст: „Како да возите брзо додека сте на дроги и ви го стискаат „стојко,“ а да не  ја истурите пијачката?“ Денес никој не преминува линии и не поместува граници. Денес медиумите мајчински ве учат како да живеете.

Истата личност која до сега активно работеше на тоа дебелите да добијат гратис дополнително седиште во авион, сега е со нова и уште поважна мисија - да ги натера хотелите низ светот да почнат да ги шират ходниците за подобро да можат да угостат пошироки гости.

Во Сингапур не можеш да купиш кола ако не поседуваш сертификат, систем со кој државата се обидува да го регулира бројот на возила кои циркулираат по ограничената островска сообраќајна мрежа. Треба да се преброиш дали за почеток имаш 100К долари па дури потоа да гледаш што семејна кола сакаш да купиш.   

Што е тоа што најсреќните работници на светот ги прави среќни? Тоа што пред себе го гледаат плодот на својата работа. А кои се? Градежници.

Иако неговите многубројни непријатели од другата страна на политичкиот спектар со одушевеност го поздравија заминувањето на Мардок од врвот на неговата медиумска империја, во суштина работите стојат обратно: кој сега на квази-либералниот иквази-левичарски естаблишмент ќе му биде крив за сите негови неуспеси?

По барање на производителот Ново Нордиск а одобрено од американската Агенција за храна и лекови, популарниот лек за шеќер/слабеење Оземпик во иднина ќе доаѓа со уште едно предупредување за несакана појава: блокада на цревата. Судбината на Елвис Присли предупредува дека тоа не е банална работа.

Маријана Спринг од BBC има јако звање, специјална дописничка за дезинформации. Во суштина, работа и е оние кои се сомневаат во официјалните наративи, да ги прогласи за теоретичари на заговори. Кога експертката за дезинформации ја фатија дека ширела дезинформации и во своето CV, одговори дека не мислела дека е тоа голема работа.

Индискиот Чандрајан-3 минатиот месец стана прво летало кое слетало во близина на крајно посакуваниот Јужен пол на Месечината и со тоа да го сруши кинескиот рекорд за најјужно слетување. Кинезите сега тврдат дека Индијците лажат.

Право време е Мик Џегер своите деца да ги потсети на песната „You can’t always get what you want“. Во интервју за Волстрит Журнал, 80 годишниот фронтмен на Ролинг Стонси рече дека на неговите деца не им требаат 500 милиони долари за да живеат па богатството најверојатно ќе го даде за добротворни цели.

Оние љубители на теории на заговор кои 'ние паметните' редовно ги шлакаме, пак ќе испаднат во право.  Регулаторите ширум светот повторуваа дека не постои начин новиот тип вакцини кои се користеа за ковид, таканаречените мРНК вакцини, да прават шашми со човечката ДНК. И глеј сега.

Лего се откажува од напорите да ги произведува своите прочуени коцки од рециклирани пластични шишиња.  Данската компанија вели дека компликациите со материјалите, на крајот би довеле до повисоки вкупни емисии на јаглерод. Тестирале стотици и стотици материјали, ништо. Нафта си е нафта.

За да не бидат означени како анти-ваксери или пак да ја почувствуваат цензурата на семоќните социјални мрежи и нивните алоритми кои безмилосно ловат „термини што можат да бидат вознемирувачки“, луѓе кои си имале мака со несакани последици или пак настрадале нивни блиски, за тоа пишуваат во кодирани пораки. Од страв молчеле и здравствени работници. 

Нема крај креативноста на оние кои сакаат на луѓето да им наметнат грижа на совест за состојбата на планетата и и нивниот учинок во климатските промени. Не чини да имаш дете, не чини да имаш куче или маче, а најнечини да продолжиш да јадеш нормално месо (сега кога имаме златни штурци на понуда). Како против месото? Со еко даноци, како против шеќерите.

Вака е шемата: портпарол на Белата куќа ќе даде упаства за пожелниот наратив во кој треба да медиумски да се покрива некоја тема (во случајов импичментот на Бајден). Притоа, како поткрепа на официјалните ставови, ќе се цитираат статии од „независни“ медиуми. А цитираните статии  се темелат на цитати од - Белата куќа! Јас тебе ќе те почешам, ти мене ќе ме почешаш.

Минатиот викенд водечките програми на Си-ен-ен ја имале најслабата гледаност меѓу клучната публика од кога се води евиденција, собирајќи нешто под 60.000 гледачи.

Медиумскиот моќник сериозно ги потценил трошоците од судскиот спор против Фокс поради нивните медиумски обвинувања за штелување на машините за гласање. Мислел дека ќе платат 50 милиони. На крај платија отштета од 785 милиони.

Процентот на смртни случаи од предозирање од фентанил во комбинација со стимуланси како кокаин и метамфетамин се зголемил за неверојатни 50 пати помеѓу 2010 и 2021 година. Луѓе кои користат кокаин, често не се ни свесни дека се зависници од фентанил. Америка се наоѓа во четвртиот бран на опоидната криза.

Иако неделата ја започнаа со мал пад, акциите на Ново Нордиск не го губат моментумот, добиен од глобалната популарност на нивните лекови за слабеење, Оземпик и Вегови. На берзите никој не се сомнева во иднината на компанијата која стана важна не само за нејзините акционери туку и за данската економија.

До 2022 главен извозен производ на Колумбија беше нафтата, од годинава на првото место се очекува да избие кокаинот засенувајќи го целиот останат легален извоз што излегува од земјата.

Има доста простор за критики како денес се третираат домашните животни кои на разни начини се сè повеќе „наши“ отколку свои. Она кога им зборат ко на деца, кога им слават родендени, „денеска какавме зелено“ и слични глупости. Но, во еден текст во Гардијан се додава и една многу „ин“ загриженост: многу месо јаделе а тоа не е добро за климата.   

На интернет ќе најдете мал милион совети за двете страни на едно вработување: и за оние кои бараат работа и за оние кои го спроведуваат процесот и треба да ги елиминираат несоодветните кандидати. Ова е еден од поглупите и ние, искрено, не би го минале тестот. Со големо задоволство.

Истражувајќи податоци од 96.000 затвореници во 33 државни затвори во Калифорнија за да се процени ефикасноста на новите бивалентни вакцини кои беа воведени лани есента, студија обелоденува дека бустираните лица имаат поголема стапка на заразување од оние кои не примиле вакцина.