Ако во училиштата пуштат момчиња во женски спортови, тогаш девојчињата уште од мали нозе се учат дека не можат да победат во ништо. А подоцна, тоа што некои мажи ќе го намалат тестостеронот за да влезат во женски спорт, не значи дека не ги носат предностите што ги добиле минувајќи низ машки пубертет: им останува висината, им останува големината на рацете, капацитетот на белите дробови, густината на коските....

Партијата на италијанската премиерка Мелони турка измени на законот за урбано планирање со кои во земјата ќе се забрани досегашната пракса за пренамена на гаражи или магацини во места за молитва.

Најголемата лага што си ја кажуваме е дека ја сакаме вистината и везден сме во потрага по вистината. Ние ја посакуваме неа - во теорија. Во пракса, ја избегнуваме, негираме и се плашиме од неа. Вистината гласи: Вистината е тешка и... непријатна.

Том Морело и Зак де ла Рока од Rage Against the Machine предводат листа од преку 100 музичари, уметници и организатори кои инсистираат од салите во кои настапуваат да биде отстранет софтверот за фацијално препознавање.  Таа технологија е страшна кога е непрецизна, уште пострашен е светов во кој таа работи 100 посто совршено.

Еден од најголемите германски медиуми ги информирал своите вработени дека „заради можностите што ги отвора вештачката интелигенција“ ќе биде скратен бројот на вработени во редакцијата.

„Сакате да се борите против климатските промени? Имајте помалку деца!“ порачува британски Гардијан во статија која пренесува која ставка колку ја спасува климата. Бадијала рециклирате, бадијала ставате свеетилки кои штедат, бадијала планирате да се префрлите на електричен автомобил. Ако паралелно со тоа направите и добиете уште едно дете, сè сте упропастиле. 

Една од најпрестижните научни институции на светот Универзитетот Џон Хопкинс, објави нов водич за инклузивен говор, во кој зборот „жена“ магично исчезна во описот на терминот лезбејка.

Британскиот национален здравствен сервис има идеја во иднина тоалетната хартија (и гаќите) да доаѓаат со предупредувања и совети во врска со ракот. Сакаат да се подобри навременото откривање на рак на матка, на дебело црево и други карциноми. Некој мислеше дека само на цигарите тоа ќе остане?

Една од ретките добри работи што Талибанците ја прават низ Авганистан, на купот ужаси, е дека се страшно многу ефикасни во уништувањето на посевите со афион и трговијата со дрога. Е сега и тоа не им чини на американските НГО-а и експерти.

На Трент Резнор, мастермајндот и архитект на бучните и добри Nine Inch Nail не му фалат ставки во неговата долга кариера: од средношколските бендови до депресијата која го пукнала кога починала баба му која го одгледала. Една од најчудните е неговата вмешаност во мистериозно убиство со кое се мачело ФБИ: неговото.

Ноел Галагер има нов албум кој го отвори со песната „Easy Now“ за која вика дека е нај-Оазис песна која ја има напишано по распадот на бендот. Муабетите за него и брат му и за евентуалното повтoрно обединување на групата се фикс во интервјуата. Верзијата која циркулира е демек Лијам сакал, ама овој кочел. Еве што на тоа вика Ноел.

Во лутеранска црква во Германија била одржана црковна служба целосно креирана и водена од вештачка интелигенција. Мисата ја водел аватар на брадест црнец . Ете, ништо страшно, четбот во служба на Бога. Додека ботот еден ден не реши да биде обратно.

Еден од ретките заклучоци околу кој денес може да се постигне консензус веројатно е оној дека современиот морал е во опаѓање (во прашање секогаш е моралот на другите, се разбира). Проблем е кога ќе се дознае дека најмалку 70 години луѓето го тврдат истото. А уште Сократ се жалеше дека младите од неговото време немаат почит кон постарите.   

Како што изминативе години ИТ индустријата почнува да се освестува (под притисок од секакви кризи) и да открива дотогаш незамисливи концепти на продуктивност и пазарна исплатливост, така најголемите ИТ џинови почнаа со масовни отпуштања на десетици илјади вработени, од кои сега излегува дека најголемиот дел немало ни потреба да бидат вработени.

По години минати во отворена војна со напаста, градските власти на Париз објавија дека ќе формираат комитет чија задача ќе биде да најдат начин за соживот меѓу жителите на Париз и глувците на Париз.

Беа доволни само 115 милиони прегледи на првата епизода од шоуто на Карлсон на Твитер и тотално бришење патос со рејтинзите на која било програма на Фокс њуз, за на телевизиската мрежа да и се отворат чакрите за тужење и судски рочишта по основа дека Такер го прекршил договорот со нив.

Не само што прекопување на градината за да се спреми за ново садење цвеќе или зеленчук е аргатска работа, туку било и штетно за околината, бактериите, јаглеродот.... Доволно било да се фрли компост на земјата и и да им се остави на црвите да бркаат работа. Ние одамна знаевме дека џабе ќе се фаќаме за лопата.

Да кажеше или пишеше некој дека лукот е одлично средство против ковид пред само неколку години, автоматски ќе беше ставен во групата рамноземјаши и кемтрејлци. Ама, ева ја сега таа вест легитимно, со истражување, експерименти и сè што треба за со мирна совест да се набутате лук поддржани од науката, за околу вас да не припарат луѓе ни вируси.

Шеста година по ред, Финска е прогласена за најсреќната земја на светот. Накратко сумиран последниот извештај: финските деца уживаат во слобода, возрасните им веруваат на своите комшии, луѓето знаат да уживаат во природа и навреме си одат од работа. Тоа што изгледаат интровертни, тоа е затоа што не пикаат нос во туѓи работи.

Сензационализмот и жестоко поларизирачкиот приод кон темата на пандемијата и ковидот дополнително ја имаат урнисано довербата на гледачите во CNN. Ако пред година и нешто, ним силно им верувале и онака не импозантни 20 проценти, сега такви ги има само 13 проценти од публиката. Го отпуштија иритантниот Дон Лемон, пак го сменија својот ЦЕО, ама нешто не оди.

Не, не е тоа нивниот прв тапанар Пит Бест. Пред Брајан Епштајн, Битлси имаа друг менаџер кој се налутил кога овие не му платиле за една свирка. Замислете да можете да се вратите во времето и да инвестирате некоја пара во Битлси. Денес тоа би било огромно богатство. Ален Вилијамс имал таков удел, ама дигнал раце. За девет фунти.    

Поради незапамтениот интерес за една болест како што беше ковидот, истражувачи штанцаа и им беа објавувани студии кои не задоволуваат ни минимални научни стандарди или пак биле етички спорни. Сега полека се расчистува теренот но штетата ќе трае долго: дури и повлечените студии продолжуваат да бидат цитирани.  

Од чаша вода од поток може да се реконструира генетското потекло на луѓето кои живеат околу потокот. А од воздух во една канцеларија може да се рекоснтруираат целосни ДНК профили на оние кои биле или поминале низ канцеларијата. Весело.

Има една глупа капиталистичка логика дека ако човек сака да ги оствари своите амбициозни планови и да стигне да заврши сè што треба во текот на денот, треба да си скрати малку и од спиењето. Вистинските генијалци би се изнасмеале на ова, ако веќе не биле отидени на спиење.