Глобалниот пазар на вештачка интелигенција денес се проценува на 243 милијарди долари. Индустријата се зголемува со годишна стапка од 28% и се очекува до 2030 година да достигне 826,7 милијарди долари. Експлозивниот раст ја одразува транзицијата на вештачката интелигенција од експериментална технологија кон деловна нужност.
Инвестиции од 320 милијарди долари
На челото на инвестициската трка се Google, Microsoft, Amazon и Meta. Технолошки гиганти ја сметаат доминацијата во овој простор како клучна за нивната идна позиција на пазарот и раст на приходите во речиси сите деловни линии.
Се генерираат 34 милиони слики секој ден
Корисниците имаат на располагање над 2.000 алатки за генерирање слики. Ова е фундаментална промена во создавањето визуелна содржина. Се користи за сè, од рекламни материјали до концептуални дизајни без креативни ограничувања или трошоци.
71% од сликите на социјалните медиуми се дела на ВИ
Доминацијата на сликите генерирани со вештачка интелигенција ги трансформира социјалните платформи во излози за синтетичка креативност. Ова се разбира покренува и важни прашања за автентичноста на визуелните содржини во дигиталните простори.
Измамите со Deepfake се зголемија до 6,5%
Пред само три години, имаше само 0,01% малициозни содржини креирани со Дипфејк. Eкспоненцијалниот раст е една од најзагрижувачките потенцијали на ВИ. Се инвестира многу во алатки за откривање на вакви содржини и за лична заштита.
Кина и Индија ја прифаќаат повеќе од САД
Глобална студија на Axios покажа јаз во довербата на нациите во вештачката интелигенција. Ја прифаќаат дури 77% во Индија и 72% во Кина, додека само 32% во САД. Регионите со поголема доверба имаат потенцијал за поширока примена во индустријата и попопустливи регулаторни средини.
Серверите трошат 5% од струјата во САД
Се предвидува дека овој процент ќе се зголеми на 11% до крајот на деценијата. За хранењето и обуката на системите со вештачка интелигенција се троши 20% од струјата во центрите за обработка на податоци.
