Не е баш најамбициозниот проект кој може да се најде на Кикстартер, но веројатно токму тоа е клучот на неочекуваниот успех. Како што е ред, на иста финта сега ќе пробаат и други и ќе изрикаат ко магариња.

Способноста да се работат повеќе работи истовремено, порано беше идеал и за луѓето и за нивните работодавци. Но, откако интернетот тоа го направи не само лесно туку и доминантен модел на однесување во кој човек прави триста чуда а ништо не сработува, време е да се обучуваме во обратна насока.

Во првите 6 месеци од 2014-та продажбата на музика, физички албуми и дигитални симнувања, е намалена за неочекувана двоцифрена разлика во однос 2013-та.

Еден од најскапите проблеми за прехранбените компании е да се прикрие поврзаноста меѓу консумацијата на шеќер и здравствените заболувања. На ова до сега се потрошени милијарди долари, по шема која во минатиот век беше разработена од тобако компаниите.

Во проектот "Ултравиолетови убавини" бруклинската фотографка Кара Филипс покажува колку штетна за кожата може да биде претераната изложеност на сонце.

Во еден град во Пакистан се произведуваат фудбалски топки. Многу фудбалски топки. Речиси половина од сите фудбалски топки кои се тркалаат по светов.

Кога сите (со право) кукаат дека хартиените весници изумираат, една гранка од таа медиумска индустрија се покажува како исклучително жилава: имигрантскиот печат.

Има компании кои го пробале тоа. И не само што преживеале туку тврдат дека денес тоа им е клуч на успехот.

Кога е во Ватикан, папата Францис се буди во 4:45 и се облекува "за на работа." Прво нешто што прави е да ги прочита сите дописи што доаѓаат од нунциите (амбасадите) на Ватикан низ целиот свет, потоа се моли и медитира еден час, по што почнува со подготовки за својата проповед во Санта Марта. Во 7 часот се симнува на појадок со другите, по што почнува приемот кај него.

Некои од најголемите синџири за брза храна (МекДоналдс, КФЦ, Тако Бел), го имаат и најлошото јадење во својата категорија. Барем според 30.000 испитаници.

Меѓу режисерите на хорор филмови, жени има малку. Ама затоа бројката на женска присутност е голема во друг сегмент на овој жанр - меѓу жртвите.

Во време кога се' се прави да биде што е можно пократко затоа што ценетиот читател и гледач сака да прави се' освен да чита и да гледа, Џон Оливер одлучи дека публиката ќе сака да гледа ултра долги истражувачки стории (15-20 минути). Два месеца подоцна, изгледа човекот не згреши.

Некои митови имаат научно објаснување и се на место, други се базираат на "ловечки приказни" од луѓе што звучат смртно самоуверени за своите подвизи и како дошло до нив. Во секој случај ги има доволно за луѓе да седнат и да напишат цела книга на темата.

Иако можеби срцето му е гладно, душата очигледно му е жедна за малку филозофија. А по него, ете ги и неговите фанови.

Не заради нас туку заради Шкотите. За да им покажат дека водат сметка за луѓето кои сакаат да се отцепат, Англичаните и нивната економска дипломатија се во нова офанзива да се укине преку 40 години старата американска забрана за шкотскиот специјалитет хагис, а.к.а. шваргла. Најспорен дел: клучниот елемент во едно традиционално свадбено ракиџиско мезе во Велес.

Вика: "За две години ќе полнам 70 години. Како бе мене ова ми се случи??"

Во 2011-та станува "најмладиот Американец што ја посетил секоја држава" (кај нас бил во 2007-ма), од тогаш уште не е престанат со шетање само што сега има и друга тезга: организира ергенските забави за најбогатиот 1% од САД.

"Телефонот не служи само за телефонирање. Зошто тогаш клупите да служат само за седење?" мудро размислува бостонскиот Коце Трајановски.

Од еден прастар музички магазин од Сент Луис (Jet Lag, излегувал од 1980 до 1991-ва), ископавме драгоцено парче. Година 1980-та, на легендата Чак Бери му пуштаат музика која е тогаш ин... И го оставаат стариот да мрчи.

Списокот на „охрабрувачки" фрази кон кои прибегнуваме кога не сме сигурни што да им кажеме на нашите несреќни пријатели е долг - од „не се секирај", преку „ќе помине" до „ќе види (он/она) убаво". Сите тие може да се кажани добронамерно, ама и за добрите намери знаеме каде можат да водат.

Во 1972 година ги формира The Jam, 10 години подоцна Style Council. Денес има 56 години, 7 деца и живее во Лондон со својата сопруга и синовите близнаци. Пол Велер. човек кој понекогаш гледа романтични комедии и лапа After Eight.

Животната одлука што треба да ја донесете е дали сакате патлиџанот подолго да ви трае или сакате да има подобар вкус. Можеш да избереш само едно.

Уметнички концепот е ова, ама, ако некогаш стане комерцијален производ, автобусите на ЈСП можат да станат драгоцени рудници за суровина.

Полнење на батериите, одмор, возбуда, бегство од секојдневната рутина и/или откривањето нови места и луѓе се дел од причините поради кои луѓето одат на летен одмор. Плус потребата од курчење со фотки од местото на кое се уживало. На второво, добро заработува еден фотограф од Германија.