ЕУ најави здружено решавање на проблемот со „лажните информации кои се шират со загрижувачка брзина“. Ова доаѓа по сличните одлуки на Франција и Германија, кои најавија решенија со кои се забранува говор на омраза или лажни вести. Работата е што говор на омраза и лажни вести и пред сета оваа галама беа нелегални.

После Филти и Леми, почина и гитаристот од класичната постава на Моторхед. Еди Кларк „Брзиот“ уфрли во лер на 67 години, заради пневмонија. „На човек не може да му се случи ништо полошо од старост,“ тврдеше Брзиот последниве години, викајќи дека мора да си мава шамари кога ќе види згодна женска. 

Така е тоа кога водени од менталитетот на толпата, шупци ќе решат лично да делат правда, во име на она „имам читано за него“. Овој прво молел да се слика со Вајнстин, па откако учтиво бил одбиен, се повлекол да фрли неколу пијачки за храброст, па на другарите им рекол да снимаат, па се вратил кај Вајнстин и го залупал.

Заради веќе добро документираниот расплет на настани околу Кевин Спејси беше одлучено сите негови сцени во All the Money in the World да бидат преснимани и тој да биде заменет со друг актер, Кристофер Пламер. Ова значеше дека и другите актери ќе треба да се вратат на снимање. Меѓу овие што доснимуваа се и Марк Волберг и Мишел Вилијамс, и како што е редот и двајцата треба да добијат пари за тоа.

По најневеројатните количества внимание што лажните вести како еден од сегментите на интернет дното успеаа да го соберат и навлечат на себе, темата сериозно се зафатија да ја изучуваат сериозни луѓе. А дури и за одговарање на основните прашања околу ова требаше време.

Постојаното искричење меѓу Трамп и медиумите (овој вреска „Лажни вести!“, овие врескаат „Судир на интереси!“) се чини дека е една од досега невидените иновации кои ги донесе негото запоседнување на Белата куќа. Но, еден друг нејзин станар, легендарниот Френклин Делано Рузвелт, на новинарите кои ги сметал за предавници им делел кукасти крстови.

Пејачката ги потврди гласините дека Рејдиохед ја тужат за џапање на нивниот хит од 1993 година, Creep. Таа вика „нема врска“, ама им понудила 40% од приходите на песната. Овие бараат 100%. Со многу право.

Истражувањата ја потврдуваат максимата дека „на лагата ѝ се кратки нозете“. Но, не заради она што вообичаено се мисли под тоа, туку затоа што луѓето почнуваат да лажат од најмали нозе -  од две години. А родителите тоа би требало да ги радува.

„Џезот би требало да те одведе во друг свет. Она што денеска го нарекуваат џез, а се слуша додека се пие капучино, не е тоа“, вели гитарскиот махараџа.

Најдобриот опис за Зоран Костиќ –Цане (1964), водачот на еден од најжестоките српски рокенрол бендови „Партибрејкерси“, го дава тој самиот, во своите стихови. Да се биде ист, посебен, слободен, и само свој. И затоа, кога во ова време на завист, кукавичлук, празни зборови и фолирање, Цане во интервјуто за нас ќе каже „ќе се спасат само оние кои имат љубов во себе“, сфаќаш дека тоа не е знак дека човекот омекнал, туку напротив, дека останал вистински панкер.

Музичар коj на Јутјуб поставил 10 часовно видео со таканаречена „бела бучава“ (научно-техничко објаснување: звукот кога на телевизорот има снег) набргу се соочил со пет различни поплаки за кршење на авторски права.

На луѓето им се доволни неколку секунди да погледнат некого во лице за да откријат дали тој човек е здрав или нешто неарен. За да дојдат до овој заклучок, на група истражувачи сè што им било потребно било да заразат десетици волонтери со ешерихија коли. 

Токму овој сегмент од британските медиуми активно ја предводеше битката за Британија да ја напушти Европската Унија. Откако ја добија својата победа, сега треба да го пренесуваат процесот што го посакуваа.

Моменталната македонска просечна плата изнесува 380 евра месечно или 4.560 евра годишно. Моментално директорите на топ 100-те компании во Британија (што не значи дека се и 100 најскапо платени луѓе во земјата) се платени по 1.011 евра на час. По оваа математика, ако директориве во вторникот на 2-ри јануари, биле на работа во 8 часот наутро, до 12:30 дента тие веќе ја имаат заработено вашата годишна плата.

За среќа, кај нас таа енергетска ефикасност се сведува на лепење стиропор на фасадите. Но во земји како Австралија толку педантно се води сметка за тоа што веќе има контра ефекти - новите згради ја заробуваат топлината како најлонски ќеси. И затоа во такви згради летно време не се дише без климатизери.

Како што внимателно се анализира годишниот говор на кинескиот претседател, така детално се анализираат и книгите што стојат во библиотеката зад него.

Меѓу останатите работи што Мајло Јанопулос ги изгуби откако на почетокот од годинава се стави во одбрана на сексуални односи меѓу возрасни и малолетни лица, беше и неговиот договор за објавување книга со Сајмон и Шустер. Благодарејќи на тоа што Мајло го тужеше издавачот, комплетната евиденција околу книгата, вклучително и уредничките забелешки станаа јавна информација.

Самиот термин „сирова вода“ звучи како да е скован во сатирични потреби за исмевање на денешната пасија за сè што звучи природно и негибнато од технологија. Но, сатирата каска зад лудилото на оние кои, опседнати со здравјето, се подготвени сешто да проголтаат. 

Група досетливи Новозеланѓани изградиле мало островче во крајбрежните води за да ја избегнат забраната за пиење на јавни места. За идејата им честиташе и првиот полицаец во местото.

Денешната тврдоглавост на Американците во однос на користење на империјалниот систем на мерки наспроти метричкиот, не е ништо во споредба со состојбата во земјата во времето на Томас Џеферсон кога дури и различни сојузни држави во рамите на САД користат различни мерки.

Стапката на невработеност во ноември го достигна 17 - годишниот минимум (4,1 отсто). Но, кога во една земја постојат шест милиони работни места кои не се пополнети, тоа е состојба што може да го блокира економскиот раст, предупредуваат економистите.

Прво важно е да се знае дека диети, како слабеење преку намалување на калории што ги внесуваш, не функционираат. Ова им е јасно и на луѓе што држат диети и на науката која е преплавена со докази дека диети не доведуваат до долгорочно слабеење или подобро здравје. Единствени луѓе што не го разбираат ова се оние што никогаш немале потреба од држење диети.

Светската здравствена организација го дефинира нарушувањето како „постојан или повторлив“ модел на однесување со „доволна сериозност за да резултира со значително оштетување на личните, семејните, социјалните, образовните, професионалните или другите важни области на функционирање“

Фронтменот на U2 очекува скорешна револуција и враќање на стариот рокенрол бидејќи во сегашната музичка сцена, за испукување на машкиот гнев остана само хип-хопот. А тоа не е добро.