За време на затворен состанок со италијанските бискупи, Папата Францис се пожалил дека „во воздухот во Ватикан има педерштина“, нешто за што се извинуваше пред некое време.

17-годишна девојка е итно пренесена во болница со пробиено белодробно крило откако дневно пушела електронски цигари („вејпала“) во количина еднаква на 57 тутунски цигари на ден.

Нашиот Киро Глигоров и словенечкиот Милан Кучан беа едни од малкутемина разумни во распадот на Југославија. Не успеаја да направат тој распад да не биде крвав, но успеаја да ги заштитат барем своите земји. Словенците ја искористија шансата, ние - знаете. Вика, НАТО денес не е она НАТО во кое ние влеговме.

Дали нивото на зачинетост и лутина на некоја храна е нешто околу што треба да интервенира државата? Данска мисли дека да. Нејзината државна агенција за храна повлече од пазарот еден популарен вид инстант тестенини од Јужна Кореја со образложение дека тоа е многу луто за нежните дански непца и мешиња.

Една од најголемите канадски добротворни организации за борба со ракот се извини за тоа што го користела зборот „сервикс“ (грло на матката) а не зборот „предна дупка“, кој е поприфатлив за транс-лицата и не ги дистанцира истите.

Пациентите кои се во брак било 33% помалку веројатно да умрат од рак, отколку пациентите што не биле во брак, а кај одредени типови на рак бракот бил поефикасен и од хемотерапија.

Над 4.000 луѓе се пријавиле од кои биле примени само 117 за да се соберат на едно место во парк во Сеул, да седнат на душеци за јога и - да не прават апсолутно ништо. Онлајн публика гласа за тоа кој најнеправи ништо и кој изгледа најсмирено и најкул. А се мери и работата на срцето. Меѓу натпреварувачите имало и освојувач на олимписки медал.

Долго време, глобалната музичка индустрија пишти-вришти од лакомите такси кои ги наметнува гигантот Тикетмастер што последниве години ги направија билетите за светските концерти безобразно скапи да боли глава. Американскиот департмент за правда конечно се одважи да покрене истрага против Тикетмастер и нејзината мајка фирма Лајв Нејшн. Ќе успеат ли да стават крај на најголемите предатори во музичката индустрија?  

Можно е вакцините против ковид да се делумно виновни за порастот на таканаречениот вишок смртни случаи после пандемијата, сумира британски Телеграф пренесувајќи холандска анализа на податоци од 47 западни земји кои откриваат над три милиони вишок смртни случаи од 2020 година. А трендот продолжува. 

Татковците имаат полошо кардиоваскуларно здравје отколку мажите без деца, покажала една нова студија, која паметно решила да не проверува каков учинок во овој исход има жената / сопругата.

Во ковидот, луѓето почнаа сериозно да се прашуваат за блискоста меѓу Големата држава и Големата фармација. Сега се дознава колкава била таа блискост. За време на пандемијата, главната американска агенција за здравство и нејзините научници собрале 710 милиони долари авторски права.

Пензионерските домови во Кина почнаа да нудат сместување за млади, истрошени, професионалци кои бараат место за екстремно рано „пензионирање“, обично некаде во 30-те години.

Во Белгија заврши изборот на Топ жена фокусиран на внатрешната убавина и телесната позитивност на учесничките.

За прв пат бројот на Американци кои користат марихуана речиси секој ден е поголем од бројот на оние кои пијат со иста ваква динамика, за што во добар дел помогна и легализирањето на марихуаната во половина од американските сојузни држави.

Локална гатачка во еден француски град го убедила градоначалникот дека може да разговара со мртви, меѓу кои и неговиот татко. Градоначалникот се навлекол на тие сеанси па имал стотици муабети со мртви, понекогаш и со ангели. По некое време, сосема очекувано, ангелите почнале да го убедуваат градоначалникот да ѝ помогне на гатачката да ја реновира куќата.

Сте тркнале скоро до некоја бутка за фаст фуд? Големо мнозинство Американци денес на тоа гледаат како на екстравагантност. Половина од американските потрошувачи оценуваат дека брзата храна во последно време е скапа како да јадеш во пристоен ресторан а некои тврдат дека е и поскапа.

Новиот стамбен проект во полскиот град Познан го привлекува вниманието со својата фасада која потполно е прекриена со дури 140.000 билки. Но, на комплексот Аура, тоа зеленото не е наменето само да изгледа фино нацртано на проектот (како кај нас), туку смислен е цел систем како зеленилото навистина да живее а позади него да биде пријатно.

Во сите човечки тестиси што биле анализирани во американска студија се откриени траги од микропластика, што научниците сметаат дека има врска со постојано опаѓачкиот број на сперматозоиди кај мажите.

Поглаварот на римокатоличката црква го расчистува патот за канонизирање на прерано починатиот тинејџер од Лондон чија умешност во ширењето на католичката вера на интернет му го даде прекарот „Божји инфлуенсер.“ Тоа ќе биде првиот миленијалец (личност родена во почетокот на 1980-тите до крајот на 1990-тите) кој ќе биде прогласен за светец.

Ибица и Мајорка не сакаат веќе да бидат синоним за „sun, sex and sangria“туризам па на почетокот на мај воведоа драстични ограничувања на алкохолот и соодветни мрсни казни: 1.500 евра за пиење на улица. Не се сами, многу популарни места сфаќаат дека нивниот свет е подобар без ордите туристи, особено оние места кај кои обичниот народ не гледа никакво фајде од нив.

Украина била стандардно место за прелет и одмор на орли, сè до започнување на војната која ги принудила да ги сменат научените рути и да летаат по заобиколен пат. Само еден од орлите кои биле следени со ГПС се одважил да лета директно над линиите на фронтот, другите одбрале да летаат одоколу. Бидејќи новите рути се подолги, кога ќе стигнат, малку се папсани па не им е одма до парење.

Козите и луѓето долго време живеле хармонично на вулканскиот остров Аликуди покрај северниот брег на Сицилија но бројот на козите во последно време толку се зголемил а тие станале бељаџии, што градоначалникот дошол на идеја да ги ангажира жителите да ја припитомат ситуацијата. Не сакаат да ги убиваат па ќе пробаат со посвојување.

„Како и со поголемиот дел од она што може да го сретнете во националниот парк, ве молиме воздржете се да го лизнете. Ви благодариме“ своевремено објави Американската агенција за  национални паркови. Се работи за една речна жаба која во случај на опасност се брани со испуштање отров преку кожата. Ама истовремено тоа е и најсилниот психоделик на светот, па, нагрнале заинтересирани.     

Њујорк е град во кој живеат најмногу милионери на светот. САД имаат 11 свои во глобалните топ 50-те, но, Кинезите брзо стигнуваат. Постојат градови во Кина чија милионерска популација има пораснато за преку 140% во изминатите десет години. Лондон и натаму паѓа а Москва е издишана и таму бројот на милионери е намален за една четвртина.