Ова контроверзно тврдење кое предизвика бура различни реакции во италијанската јавност доаѓа од сериозно место: доктор Алберто Зангрило е прв човек на миланската болница Сан Рафаеле, Ломбардија, регионот кој беше под најголем удар на болеста.

Му продале телефон за кој тврделе дека е непробоен ама му бил хакнат и со тоа му била нанесена емотивна вознемиреност и се чувствувал понижен. Па со пар милијарди долари, самохраниот брат малку од малку да ги закрпи своите рани.

До култура на стадото одамна имаме стигнато, особено во поглед на менталитетот кој го манифестираме во нашите Фејсбук трла и Твитер бачила. Но, до имунитет на стадото имаме уште да весламе.

Сексуалните работнички во Швајцарија од следната недела ќе можат да продолжат со работа (кој сака, може и од дома). Подготвени им се и соодветни протоколи со препорачани практики за држење социјална дистанца. Во мирнодопски времиња тоа се викаа пози.

Сите брачни парови во Кина што во иднина ќе сакаат да сменат статус во сингл, ќе треба прво еден месец да оладат пред да добијат дозвола за развод. И кинески брачни парови одма се побунија против ова.

Кинезиве педантно реконструирале еден фамилијарен ручек во ресторан со централна вентилација од кој произлегле вкупно три ковид кластери бидејќи се заразиле уште две фамилии кои седеле на соседните маси. Ако треба брзо наравоучение: гледајте од каде дува тоа климата.

Иако вториов е неспоредливо поевтин и има многу безбедна историја на користење, доволно беше некој од  горе да намигне во другата насока и ремдесивирот преку ноќ да стане хит во борбата против ковид-19. Има ли пари во оваа приказна? Нормално дека има. 

Ковид-19 ги убива црните Американци со снајперска прецизност. Тоа е помлада популација од белата па сепак, шансите црнец да ујмре од вирусот во САД се над 350 проценти поголеми во споредба со белците. А тоа не е единствената био-социолошка чуденка во врска со ковид-19. Останува уште многу за да се објаснат Швајцарија, Руанда, Белгија....

Во моментов во светот се работи на преку 100 проекти за доаѓање до вакцина во кои се користат дури 8 различни пристапи кон проблемот. Сите се во толку рана фаза што не се сигурни дали некогаш ќе се дојде до резултат. Веројатно вирусот ќе остане, а ние, кој како.

На политичарите кои се на позиција да носат одлуки во врска со актуелната пандемија најсигурно им еда се претставуваат како обични извршители на научните препораки. А не е така. 

Маж е уапсен во обид да упадне во станица на Крајбрежната стража, од каде сакал да украде хеликоптер кој му бил неопходен за да нападне една локална болница. Та-даам.

Видливите последици од ковид-19 во Италија се 32.000 починати и разрушен здравствен систем и економија. Невидливите последици кои допрва ќе излегуваат на површина се што 80% од Италијанците имаат потреба од психолошка помош во справување со последиците од ковид-19.

И покрај масовната трка по вакцина или барем некаков подобрајзер за ковид-19, во моментов сапунот и водата остануваат наш најголем сојузник против непријателот (и ако сте болни, да лежите на меше). Нова студија вели раце да се мијат најмалку 6 пати на ден. Најмногу 10 пати. 

Интересни податоци за тоа колку во време на пандемијата е намален волуменот на други медицински интервенции, Кога ќе ни се соберат колена за менување и очи за баждарење, нема да стигнеме да се конфигурираме ни до следното лето.

Таква приказна вади еден сериозен репортер на Њујоркер кој признава дека нема докази за теоријата а за тоа слушнал од неименувани извори од Агенцијата. Од разузнавачката заедница нејќат да демантираат таква можност знаејќи дека ЦИА сакала да се плетка во такви работи.

CV-то на коронавирусот ни оддалеку не е комплетирано и постојано се надополнува со нови ставки. Меѓу нив и тоа дека кај некои пациенти болеста има долга опашка. 

Земјата има 97 милиони жители, и е прв комшија со Кина со која има над 1.440 километри копнена граница, а и покрај сето ова Виетнам до сега на своја почва имаше нешто над 300 случаи на ковид-19 (вкупно), ниту еден мртов и речиси цел месец нема регистрирано ново пренесување на болеста.

Во мерењето се опфатени само оние што починале во болнички кревет, а друга статистика што ја вади англиското здравство е дека 18% од починатите (повторно во болници) имале деменција.

Не дека овие 9,1 ден гореименуваните ги потрошиле на унапредување на духот и телото, туку најверојатно и тие биле спискани пред некој друг екран, ама пак е убава бројка.

Американски болници јавуваат за ретко и мистериозно заболување кај деца за кое се верува дека е поврзано со ковид-19. Воспалението се јавува 6 недели по изложеноста на дете на коронавирус, а засега добро се третира со агенси за разретчување на крвта.

Плановите се во почетна фаза но за сега ја опфаќаат целата популација на градот, и веќе од сите области на градот е побарано да испратат детали за тоа како би можело тестирањето да биде спроведено во рок од 10 дена.

Втор ден по ред Германија бележи зголемена стапка на ширење на ковид-19, клучната метрика што Роберт Кох институтот ја користи за следење на вирусот.

Многумина мислат за ковид-19 дека е болест која убива 1% од заболените а останатите минуваат со благи симптоми налик на грип. Но, приказната е посложена од тоа. Многумина ќе завршат со хронични проблеми на бубрезите и срцето. После ова, ќе има стотици илјади луѓе на кои ќе им треба дијализа до крајот на животот. Колку повеќе дознаваме за коронавируот, толку повеќе прашања искрснуваат.

Научниците ја составуваат сликата за тоа како функционира SARS-CoV-2, од каде дојде и што е можно да прави следно – но останува жешкото прашање за потеклото на COVID-19.