Цртаните на Дизни на кои се растени генерации деца се далечно ехо на приказните од фолклорот на европските народи, кои послужиле како основа за романтизираните верзии кои ги знаеме. Во нив има страшни, хорор детали, испеглани во име на политичката коректност и современата педагогија.

Најголемите производители на електричен алат (бормашини, електрични пили...) организирано избегнуваат воведување на нова заштита на машините што би спречила илјадници ампутации на прсти и слични повреди, тврди тужба вредна 10 милиони долари.

По паметните телефони, телевизори, часовници, фрижидери и автомобили, на ред дојде паметни да станат и сијалиците. Само ние луѓето глупави ќе си останеме.

Прво да се разбереме насловот не е предизвик. Второ ги знаеме ефектите и на едно и на другото, како дејствуваат сам по сам. Трето, научници веќе ја имаат пробано оваа варијанта.

Дилемата не е околу "добрите времиња," дилемата е дека тие добри времиња не се базирале на економија изградена на стабилна основа како што тоа сакаат да веруваат најголемиот дел од луѓето што живееле во овие добри времиња.

Она што е реално околу овие шоуа се главните ликови што ги гледате, кои навистина се такви карактери. Не се реални ситуациите во кои се наоѓаат и дел од текстот.

Како пандан на американскиот Пулицер, Европа пред две години ја воспоставува новинарската награда European Press Prize. Во конкуренција од 400 новинари, угледното жири годинешната награда му ја доделува на хрватскиот колумнист Борис Дежуловиќ, еден од ретките живи генијалци од просторите на екс Југославија. На вечните и помалку досадни теми на балканското живуркање, Дежуловиќ и во ова интервју има брилијантно свежи и отрезнувачки одговори. 

Папата Франциско за првпат во историјата на Ватикан формираше комисија која ќе го советува поглаварот за проблемите со сексуалното насилство. Половина од комисијата се жени, една од нив силувана од свештеник.

Германската канцеларка има една единствена фобија во животот: кучиња. Па за време на нејзината прва посета на рускиот претседател во 2006-та, тој и подари - куче. Ова не е од инает, туку Путин имаше за враќање.

Процената е дека СиЕнЕн со покривањето на исчезнувањето на авионот ги претвори вестите во теле-новела. Тука најголем проблем е што драмата на СиЕнЕн може и да не добие завршеток, ако не го откријат авионот.

Исланд има популација од 320.000 луѓе (нешто помалку од Карпош, Центар, Аеродром, Кисела Вода, Чаир и Бутел заедно), и до сега 8 пати го имаат освоено трофејот Најсилниот човек на светот. Повеќе од нив имаат само САД (популација 317,7 милиони) - вкупно 9.

Турција, поточно Ердоган, вчера вечерта одлучи да го блокира Твитер на државно ниво. Денес Гардијан објави дека од почетокот на забраната Турците имаат пуштено околу 2,5 милиони твитови, што е нов рекорд за земјата.

Помагањето на своите деца во пишување домашни и решавање задачи и постојана вклученост во активностите во училиштето е вообичаена појава која сите ја сметаат за пожелна и никој не гледа ништо спорно во тоа. Сè до последнава сериозна студија која вика: Немојте.   

Територииите останаа вечна тема на недоразбирања на овој свет. Крим не само што не е редок пример туку потсетува дека само десетина се тие земји на планетава кои не арчат енергија на оваа тема.  

На ниво на Билборд топ 100 хитови, "раскинување" е тема која има најконзистентна популарност, меѓутоа најголемиот дел од темите на најпопуларните песни не се емоционални туку најчесто ги отсликуваат случувањата во општеството.

Видео спотот на Дејвид Боуви Let's Dance лани наполни 30 години. Спотот сè уште добро се држи ама не и местото во кое е сниман. Една џенем австралиска локација на која сушата и други бељи им го има десеткувано населението, па не турист, туку оса не им влегува. Ама сега планираат да живнат малку, пак со помош на Боуви.

Бил и Мелинда Гејтс имаат доволно пари за секој од нивните 3 деца инстантно да ги направат милијардери, само планот им е тоа никогаш да не се случи.

Едно- две, некоја од религите низ светов ќе реши дека ѓаволот не се крие во деталите туку во сопствената рака. Имаме неколку урнебесни примери за кампањи со кои различни конфесии пробале да ги одвратат човека да го сака баш најближниот свој.

Откако Русија реши дека Крим е нивни, картографите од друштвото Национална географија треба да видат како да го претстават регионот, притоа да се фактографски точни ама и да не направат некој поголем меѓународен инцидент.

Кислород е сечиј пријател, освен ако не сте вино. Ништо не го убива виното како долг контакт со кислород во отворено шише. Овој гаџет ја боде тапата, го заменува кислородот со аргон, па можете само да го пробате виното и да решите дали му е време да се отвора или треба уште некое време да одлежи.

Во декември излезе студија која го објасни владеењето со различни вештини кај мажите и жените, со различниот начин на кој е поставено функционирањето на нивниот мозок. За студијата е карактеристично што ги има истите фалинки во методологијата како и сите претходни студии на оваа тема.

Во многу земји во светот (вклучително и во Африка), дебелина станува поголем проблем од гладот. Кога ќе се стави националната тежина во некои демографски колони, се добиваат чудни мостри. Овојпат, за тоа како парите обратно делуваат кај мажите и кај жените.

Сопственик на отпад за метал наидува на златно јајце, го проверува и открива дека може да го продаде за 13.000 долари. Не сме тука за 13.000 долари.

Ниту погреби со запалени бродови, ниту крвожедни воини, ништо од ова не е дел од историјата на Викинзите. "Како ретко кога нивата ера е период во кој победниците не ја пишуваат историјата, најмногу заради тоа што победниците не знаеле да пишуваат."