Бидејќи вакцината е долги месеци пред нас, аутопсиите на починати од ковид-19 даваат драгоцени сознанија што сè му прави болеста на телото и разните органи. Некои наоди се очекувано но некои сосема ги збунуваат медицинарите.

Сторија што стандард би очекувале да доаѓа од некоја недојдија во Кина, всушност е од пред портите на ЕУ и е неверојатна колку што звучи.

САД отсекогаш имале милијардери, ама толку многу милијардери, никогаш, моментално над една четвртина од сите милијардери во светот.

Студенти во Алабама почнаа да организираат журки на тема ковид-19, чија главна цел е да видат кој од гостите прв ќе се зарази.

Ни најмалку разубедени од предупредувањата на СОЗ дека пандемијата не е ни блиску до крај, во Прага се организираше забава за симболично испраќање на вирусот.

Најважното од се за новата генерација што сакаат да се знае е дека 36% се луѓе што не се белци, а 45% се жени.

Советот е од здравствени експерти и се однесува на Американците кои и ова успеаа да го претворат во политичко прашање. Во меѓувреме САД стигнаа до 2,6 милиони случаи на ковид-19.

Демонстранти кои повикуваа на укинување на Амазон поставија гилотина пред домот на основачот на компанијата во Вашингтон ДЦ.

Европејците  пред неколку години почнаа да се силат дека ќе ја прекинат зависноста од Кина откако таа го објави својот план „Појас и пат“ за инвестирање низ свет. Пред неколку месеци ова изгледаше дури и како стварно да ќе го остварат, кога Унијата остана без најразлични суровини и делови откако Кина затвори заради ковид-19. Како што полека сите почнаа да се навикнуваат на новата ситуација, така и ЕУ како да си легнува во стариот калап.

Вирусите ги дочекаа своите пет минути на оваа планета. Во денови кога короната пустоши по светот и по Македонија, во Кина е откриен нов вид на свински вирус кој има пандемиски потенцијал.

По наредба на султанот Мехмед Втори речиси 500 години Света Софија е џамија, потоа по наредба на Ататурк таа тера неполни 90 години како музеј, по се изгледа деновиве неофицијалниот султан на Турција ќе ја враќа во џамија.

Kако што овдешните Шaрени се рајцаа на Алински (види: Сол Алински: Правила за радикали), за Блек Лајвс метер и таканареченото анти-расистичко движење манифестна книга е „Белата кршливост“ која стана апсолутен бест-селер на Амазон. „Од овие што ја воспеваат, ја има некој читано оваа луда книга?“, не може да се изначуди Мат Таиби.

Пар белци, најверојатно брачен, излезе со автомат и пиштол пред својата (луксузна) куќа во Сент Луис за да ја пречекаат поворката демонстранти кои во тоа време минуваа низ нивно маало.

Планот на британската влада да инвестира стотици милиони фунти во сателитска броудбенд компанија за експертите е „безвезен“ бидејќи компанијата која ќе ги добие парите не го ни произведува типот на сателити што ѝ е неопходен на земјата по брегзит.

Момчето родено во Лондон кое почина во Италија на 15 годишна возраст е на пат да биде прогласен за светец од страна на Католичката црква. И ќе биде заштитник на интернетот.

Само неколку часа откако светот го достигна прилично шокантниот праг од 10 милиони случаи на ковид -19, стигна нова рекорд - 500.000 мртви. Тоа значи дека жртвениот биланс се има дуплирано за само седум недели. Македонија својски се труди да биде една од најлошите. 

Најпознатиот светски бренд за кафиња не само што ќе го бојкотира Фејсбук со реклами, туку истото им следува и на сите останати социјални мрежи што се во оптек. Пред некој ден и Кока-кола глобално ги стави на пауза рекламите на социјални мрежи.

Ѓоковиќ проба корона-драмата милеровски да ја напушти. Да обзнани дека животот мора да продолжи понатаму а ова што го имавме во претходните месеци не е живот и никогаш не смееме да прифатиме да го дефинираме како живот. Праведниците и душегрижниците ќе му се лутат како што ни се лутат и нам, малите и анонимни граѓани кои би сакале, малку од малку, да ги живуцкаме нашите животи, да се дружиме - дури и да се допираме и љубиме, јеботе! - да седиме во кафани, да одиме во театар (нема да ни дадат, не се секирајте) и генерално, да се однесуваме некако нестерилно.

Западни медиуми мораат да се враќаат во минатото и да потсетуваат дека на многу сличен отпор на денешните маски, своевремено наидоа и појасите во автомобилите. Во земја во која масовно се ставаат лажни лаживчиња или појасите се врзуваат зад седиште, нас не мора да нè потсетува минатото. 

Телеком операторот Веризон стана најновиот и најголем огласувач на Фејсбук кој реши да се приклучи кон бојкотот на рекламирање на социјалната мрежа обвинета дека не се труди ни приближно колку што треба за справување со говорот на омраза на платформата.

Кошаркарот и неговите бизнис партнери успеаа да осигурат инвестиција од 100 милиони долари за нивната медиумска компанија чиј главен таргет ќе биде црнечката публика.

Под будното око на глобалната глутница лустратори не помина незабележано црно-белиот расист кој со векови се провлекува неказнет. Ако се прашувате зошто шахот е расистички кога има подеднаков број црни и бели играчи и подеднаков број црни и бели полиња, во најмала рака сте наивни: а кој секогаш почнува прв? 

Веста е дека во Аргентина се продава станот во кој се родил Ернесто Че Гевара. Бонус информацијата што не ја знаевме е дека Че Гевара е роден и израснат во стан од 240 метри квадратни.

Медиуми од Бразил, Германија и Австралија успеаа да добијат договор со агрегаторот на вести на Гугл, да почне да им плаќа за вестите што се реобјавуваат (линкаат) на сервисот.