60 години откако го убија и го стoпија во киселина, некогашната колонијална сила Белгија реши да го врати она што останало од легендарниот борец за независност на Конго, Патрис Лумумба. Зборуваме за заб. Еден единствен факинг заб.

Довербата што најбогатиот човек на светот ја има во својата компанија за вселенски летови е на ниво што тој, ем брат му, ќе бидат првите патници на првиот лет со луѓе на Блу ориџин.

Британската амбасада во Пекинг пред некој ден на годишнината од масакрот на Тиенанмен на Твитер објави слика од свеќа, без зуцне ни збор повеќе. За возврат за неколку минути кинески Твитер корисници ја свртија приказната дека умрела кралицата на Британија.

Накратко за сè почестите написи во американските медиуми дека земјата има проблем со алкохолот и дека во пандемијата, ситуацијата сериозно се влошила. Уште пократко, еден балкански одговор на ваквите секирации.

Десетици туристи во Италија се осомничени за кривичното дело крадење песок, школки и камчиња од плажа, за што ќе платат казна до 3.000 евра. Се уште нема уапсени за крадење вода од морето.

Социјалните мрежи стануваат глобален политички фактор кој не дошол на таа позиција преку избори туку со (зло)употреба на моќта која ја имаат. Акаунтот на Трамп е замрзнат на Фејсбук и Инстаграм на две години а претседател на една африканска држава напиша нешто што не му се бендиса на Политбирото на Твитер па просто - го избришаа.   

Од барањето на САД земјата да се откаже од договорот за купување С-400, Турција е подготвена само да прифати испраќање дома на руските воени експерти кои помагаат во секојдневното функционирање на системот.

Доктор Ентони Фаучи е директор на американскиот институт за алергии и заразни болести цели 35 години (од 2 ноември 1984 година). Во ерата на Трамп стана ѕвезда не само заради функцијата која ја имаше во пандемијата туку и затоа што медиумите го портретираа како витез на науката во борба против самоволието на претседателот. Трамп веќе го нема и на Фаучи брзо му падна медиумскиот имунитет.

Истражување на Касперски ги покажува трендовите во последните две години меѓу децата на интернет. За родителите, убава вест е дека нивните млади доста слушаат музика. За нив, уште подобро е ако нивните млади слушаат музика со слушалки. 

Човекот што ги има веројатно најразорните твитови за берзата и за криптовалутите веќе неколку години има обврска некој да му прегледува дел од твитовите пред да ги објави и да направи општ хаос.

Уапсениот белоруски новинар и опозиционен активист Роман Проташевич се појави на државната телвизија и во солзи ја призна својата улога во анти-владините протести и рушењето на Лукашенко. Опозицијата верува дека е заложник и дека изјавата ја дал под присила.

Ирската филијала на Микрософт минатата година имала профит од 315 милијарди долари, меѓутоа не платила ни долар данок на корпорации затоа што по документи е „резидент“ на Бермудските острови.

На Кина и е неопходно да создаде имиџ на „доверлива, симпатична и почитувана“ Кина преку унапредување на својот стил на комуникација, порачал главниот меѓу милијарда и четиристотини милиони Кинези претседателот Ши Џинпинг.

Данскиот парламент е на пат да изгласа закон кој предвидува дека сите бегалци што ќе дојдат во земјата ќе бидат депортирани во трети држави (во Африка) па таму ќе чекаат дур им се разгледаат документите, а дури и после тоа нема да може да се вратат во Данска.

1.000 дози од вакцината Спутник V се уништени во Киргистан откако човекот на смена го исклучил фрижидерот со вакцините за да си го наполни мобилниот.

Овие напредни централи кои користат поинакво гориво од традиционалните нуклеарни централи, некои ги сметаат за клучни сојузници во трката за елиминирање на штетните гасови. По други, тие се поризични од класичните. Засега Вајоминг нека му ја мисли.

Американското обвинителство се откажа од четири обвиненија против човек од Флорида кој упадна во Сенатот за време на немилите настани од шести јануари, а овој призна вина за петтото. Не станува збор за 'терористичко загрозување на уставниот поредок' (а не дека немаат такви одредби) туку за опструкција на државни активности. Го чека казна затвор меѓу 15 и 21 ме-се-ци.  

Радио репортерка од Данска прави интервју со маж сред клуб за свингери. Додека има секс со него. Со директно вклучување во програма.

Некој приметил дека новите шишиња на сокови кои ги полни Књаз Милош, наместо досегашните 0,5 литри, имаат 0,475 милилитри сок. Компанијата вика дека со новиот дизајн и стариот волумен од 0,5, соковите не би ги собрало во витрините. Хехе.

Порфириј му го честиташе на новиот загрепски градоначалник Томислав Томашевиќ изборот на таа должност цитирајќи стихови од Бранимир Џони Штулиќ и Индекси. Амин.

41-годишен маж од источна Кина е хоспитализиран на 28 април, а еден месец подоцна на 28 мај е дијагностициран со првиот случај на птичјиот грип Х10Н3 кај човек.

Поранешниот американски претседател наводно верува и збори по луѓе, дека во следните два месеца ќе биде повторно вратен на претседателската позиција во Соединетите држави.

70% проценти од Русите дале поддршка на планот на руската влада да врати во служба апдејтирана верзија на работничките логори од времето на Сталин, исто така познати и како – гулаг.

Министерот за исламски работи на најголемата муслиманска држава во светот, даде наредба за стишување заради бројните поплаки на граѓаните (сите до еден муслиман) за прегласните звучници на џамиите.